Mik. 6:7 - Yus Papí: Shuarja̱i̱ Yus Yamaram Chicham Najanamu

⁷ Untsurí mir murikji̱a̱i̱ tura tias mir ashintsaja̱i̱ naṉkaamas jean asuiti súam nuja̱i̱ ¿Uunt Yus “péṉkeraiti” turuttiatuak? Ántsaṉ Yus wi péṉker umirkachmanum tura yajauch túramunam ¿winia uchir iwia̱i̱ya nunash áestuataj?

Mik. 6:7 Iomraidhean Croise

2 Akup. 23:10

Núnisaṉ Jusíaska yaaksha uchirí̱n tura nawantri̱nkisha Murukan áestuawara̱i̱ tusa Tupitniasha emeskamiayi. Nuya̱n uunt je̱a̱ Etsa̱ íktusma kawái matsamtai̱ armia nunasha jusa káruri̱ncha áestukarmiayi. Núnisaṉ Uunt Yusa Je̱e̱n á̱a̱ri̱n áestutai̱ najankamu armia nunasha emesak tsainiakaruri̱nkia Kitrun pakanam utsaṉkarmiayi. Tura Jerusaréṉnumia̱ṉka etsa̱ akatainmaani̱ najankamu mui̱jmiai̱ Setunnumia̱ yus Astarte nuyá̱ Muápnumia̱ yus Kímius núnisaṉ Amunnumia̱ Mirkum áestutai̱ najankamu naint iruniarmia nunasha ashí emeskarmiayi. Nuya̱ṉka Jusíaska kaya najankamu yus enentáimtutai̱ armia núnaka tsaik núnisaṉ Asera enentáimtutai̱ numi armia nunasha ajar nui̱ṉkia aentsu ukunchí̱n utsaṉtawarmiayi.

YKan. 50:9

Atumí waakari̱ áishmaṉchincha achikchattajai núnisnak chipiu áishmaṉkach wenuknum eṉketna nunasha seatsjarme.

YKan. 51:16

Warí winia yajauchir tsaṉkurturai tusan wi taṉkun maan takamtsuk áesan amaakuisha Ámeka nakitraintme. 1 Sam. 15:22

YKan. 51:18

Kame Ame wakera asam Jerusaréṉ pépruka waitnentrata. Túram kayaja̱i̱ tanishmartinia núnis péṉker wáinkiata.

Neka. 15:8

Yusan enentáimtichu shuar ainia nu súamunka Uunt Yuska muí̱jiawai. Antsu Nin enentáimtuinia nu seamka waras ánturui.

Neka. 21:3

Nákak wekaak tura péṉker enentái takustinia nuna Uunt Yus ti shiir wakerawai waaka maar áestuatniua nuna naṉkaamas.

Isa. 1:1

Uunt akupin Usías tura Jutamsha Akaassha nuyá̱ Esekíassha Jutá nuṉkanam úunt akupin pujuarmia nu tsawantin Amusa uchirí̱ Isayas Jutá nuṉkanam tura Jerusaréṉ péprunam túrunattana nuna ímiaja̱i̱k wainkiamiayi.

Isa. 40:16

Núnisaṉ ashí Ríwianunam taṉku írunna nusha tura kampunniuri̱ ti uunta nusha taṉkú maar Ni áestuatniuka peṉké jeatsui.

Jrm. 19:5

Nu arantcha ántar yus áestutai̱n Páaran najatkar ni uchirí̱n takamtsuk Páaran áestuiniawai. Wikia túrutkesha túratarum tíchamun tura áujmattankesha áujmattsachman núnisnak Wikia enentáimtankesha enentáimsachman túrawarai.

Jrm. 6:20

Kame Shíwianmaya̱ kuṉkuin tura kuṉkuin paat yajaya̱ itiartarmena nusha warinma péṉkerait. Warí átum takamtsuk áesturumna nusha péṉkercha áiniawai tura surarmena nunasha wakeruiniatsjai.

Jrm. 7:31

Warí Piṉjiniúma pakarí̱i̱n uchirí̱ncha tura nawantri̱ncha áesawartai tusar nekascha yus Tupitian enentáimtutai̱n najankaruiti. Wikia núnaka enentáimtancha enentáimprachuitjiai tura akuptancha akupkachuitjiai.

Use. 6:6

Warí taṉku máarum áesturatniuja̱i̱sha naṉkaamas nekaska Winia anentak tusan wakerajai. Núnisaṉ Wíji̱a̱i̱ṉkia Yus nekaatniuka takamtsuk áesturatniuja̱i̱sha naṉkaamas péṉkeraiti.

Riw. 18:21

Tura najanamu yus Muruk áestuataj tusam ame uchiram susaip. Nu túrakmeka ame Úunt Yusrumi naari̱ ti yajauch awajsattame. Warí Wiki Úunt Yusaitjiai.

Riw. 20:1

Uunt Yus Muisaisan chicharuk

Ams. 5:22

Ántsanak takamtsuk aesturkurmincha tura árak Yus susatai tusa surakrumnisha peṉké pachischattajai. Núnisnak aṉkant ajastaj tusarum taṉku unuerma Yus shiir awajkur aestuatai̱ tusarum surakrumnisha peṉké íischattajai.

Jirm. 1:12

Ataksha awaṉtajme. Wi tí peṉker aneamu asamtai péṉker itiaata.

1 Sam. 15:22

Nuya̱ṉka Samuir chicharuk “¿Umiriam warana tímiatruskek takamtsuk áestuatniuja̱i̱sha tura Yus susamuja̱i̱sha Uunt Yuska wará? Warí Yúsja̱i̱ṉkia taṉku maar takamtsuk áestuar shiir awajsatniuja̱i̱ṉkia naṉkaamas umirtuktin timiá péṉkeraiti tura anturkatniusha murikiu makikiari̱ji̱a̱i̱ naṉkaamas timiá péṉkeraiti.