Mik. 6:5 - Yus Papí: Shuarja̱i̱ Yus Yamaram Chicham Najanamu

⁵ Winia shuaru, Uunt Yus nekasa nuja̱i̱ métek túramu enentáimpratarum. Iis, Parakka ¿warí yajauchinia túrattsa wakerimia. Túrasha Piura uchirí̱ Paraamsha itiura áimkiamia? Wats Setim nuṉkanmaya̱ juarki̱ Jirkara tímianai Paraam ¿waritia ai̱kmia? Nuja̱i̱ enentáimpratarum.

Mik. 6:5 Iomraidhean Croise

YKan. 111:4

Warí, aents túrachminian najantka núnaka peṉké kajinmatkichmin awajsaruiti. Maaj, Jiuwaka ti shiir ajawiti tura waitnenkartiniaiti.

YKan. 143:11

Uunt Yusru, Ame náaram shiir atí tusam winia enentái̱r atak nekas iwiaaku awajtúrsata. Nekasa nuja̱i̱ métek túrutairmiji̱a̱i̱sha winia wakaniur jakamnia nekapeamunmaya̱ jurusta.

YKan. 36:10

Áminiu ainia nuka waitnentainiame. Kame Aminiak enentáimturmania ásarmatai péṉker túratin súsarta.

YKan. 71:19

Maa Yusá nekasa nuja̱i̱ métek túriniaitmena nuka nayaimpiniam jeawai. Yusá Ámeka warí warinkish ti uunt najankaitme ¿Ámiji̱a̱i̱ méteksha yaki aa?

Isa. 1:27

Nekas ni yajauch túrutairi̱n iniaisarmatai nuja̱i̱ Seunka ataksha awaiṉkir péṉker awajsamu átatui. Antsu Yusa nakitiáinia nuka amukma ártatui. Numi ukat ukatniua nui̱ najanamu yus shiir awajmiarum nu natsa̱a̱rartatui. Tura nu enentáimtusrum kúntuts pujustatrume. Kakaram ainia nusha tura takatrí̱sha chirunka núnisaṉ mai̱ keekartatui. Túrasha nui̱ṉkia yaaksha nuna ikiajniáktin atsuttawai. Tu Israer shuaran Isayas ujakármiayi.

Wek. 22:41

Nuya̱ṉka kashin Parakka Paraaman jukí̱ Pamutpáar nainnium iwiakmiayi. Tura Paraamka nui̱ wajas Israer shuar aya nekant matsatainian wainkiamiayi.

Wek. 23:27

Tutai Parak Paraaman chicharuk “Yamaikia chíkich náinniumaani̱ jukittiajme. Kame Yusja̱i̱ péṉkeraitkiuiṉkia nuya̱sha yajauchinmaṉka yumiṉkrutraraintme” tímiayi.

Wek. 25:1

Israer shuarsha Setim nuṉkanam matsamak pujusár Muápnumia̱ nuwa̱ja̱i̱ tsanirmatniun juárkiarmiayi.

Wek. 25:2

Túmainiak ni yusri̱ súamun áestuiniak nu nuwa̱ Israer shuaran ashí ipiá wéarmiayi. Tura Israer shuarsha nu shuarja̱i̱ iruntrar yurumáiniak ni yusri̱ncha tikishmátiarmiayi.

Wek. 31:8

Kame nu mesetnun Matian nuṉka úunt akupniuri̱ seṉku armia nuna Iwin, Rikimian, Suran, Uran tura Rípan máwarmiayi. Núnisaṉ Piura uchirí̱n Paraamnasha puya̱ja̱i̱ máwarmiayi.

Ipi. 2:11

Nuik ámarum nu enentáimpratarum. Ashí Israer shuar ni aya̱shí̱n tsupirnaku ásar ashí Israer shuarchan tsupirnakcha áiniakui peṉké Yúsnachua núnis enentáimtuiniawai. Tura atumsha Israer shuarcha asakrumin “tsupirnakcha” turamniuyarme.

Muis. 8:2

Tura atumín aya kampuntin atsamunam Uunt Yus kuaraintia uwí enentáimtikramprataj tusa nekapramsamiarmena nu enentáimsatarum. Tura núnisaṉ ni akupkámu chichaman umirtukartimpiash tusa atumí enentái̱n nekartamattsa ewekátmasmiarme.

Muis. 9:7

Átum kampuntin atsunum atumí Uunt Yusri̱ akajkamarumna nu nekas enentáimpratarum. Ejiptu nuṉkanmaya̱ jiinkimiarum ímianiaṉ ju̱ nuṉkanam táurmena ju̱i̱sha tuke Uunt Yus nakitniuitrume.

Jus. 2:1

Nuuna uchirí̱ Jusuí Setim nuṉkanam pujusár jimiará aentsun ú̱saṉ nuṉka urukukit tura Jirikiú péprusha itiurak aa mamikmá ikiutarum tusa akupkarmiayi. Tutai wéar Jirikiú péprunam tsanirmatai nuwa̱ Raapa je̱e̱n jeawar kanararmiayi.

Jus. 3:1

Nui̱ tsawa̱a̱k ti káshik Jusuí tura Israer shuarja̱i̱ Setimnumia̱ jíinkiar Jurtan entsanam taar katittsuk áakmakar matsamkarmiayi.

2 Pit. 2:15

Naka jintianka ikiuiniak Piura uchirí̱ Paraaman patatuiniak awajirarai. Warí, Paraamka yajauchin túrak kuítian achiktinian ti wakerukchamkia.

1 Jṉ. 1:9

Antsu ii yajauch túramuri̱ Yus paant ujakrinkia Yuska tsaṉkurtámprattaji. Tura ashí ii tunaari̱n asakátramprattaji. Yuska tí peṉker asa Ni tana nuna tímiatrusaṉ umikmin asa túrattawai.

Jut. 1:11

Maa, aneararti. Kain yajauchin túramia núnis tura ásar jákartatui. Tura Paraama áinis kuítian ti wakeruiniak imia niṉki tunaanum tsaṉkamakaru áiniawai. Tura Kurái áinis ashí akupniun nakitín áiniak kajinkiartatui.

Apu. 2:14

Túrin ámini̱ṉ ju̱na títiatjame. Atumíiya̱ shuar yaunchu Yúsnan etserin Paraam yajauch jintíamun tuke emetainiawai. Nisha Israer shuaran tunáa awajsat tusa Parakan unuiniarmiayi. Nuyá̱ Parak Yus sutai̱ taṉkun maar yúatniun Israer shuaran jintintiámiayi. Núnisaṉ ti tsanirmatniun jintintiámiayi.

1 Sam. 12:7

Wats yamaikia weankátarum tura Uunt Yus íimmianum ju̱na enentáimtikratajrume. Warí atumniasha tura atumí aparí̱ncha Uunt Yussha urutmáya waitnentrampraitrum.