Mik. 6:4 - Yus Papí: Shuarja̱i̱ Yus Yamaram Chicham Najanamu

⁴ Warí Ejiptunam wáitkiatai matsatrumin Wi aṉkant awajsámiajrume. Tura atumín jintintrámawartinian Muisaisan, Araunan nuyá̱ Marin anaitiukaran ikiankamiajrume.

Mik. 6:4 Iomraidhean Croise

2 Sam. 7:23

¿Tura uunt nuṉka mátsatkamu ashí nuṉkanam iisarmasha chíkitcha túa nuṉka Ame Israer shuarumji̱a̱i̱ méteksha aa? Warí Yuska atá̱i̱ aṉkant awajsar ni aentsri̱ya nútikias matsas Ni naat ajak tura Niṉkia péṉkeran túrak ti uunt nuyá̱ nekaachmin áiniana nuja̱i̱ nu nuṉkanmaya̱ aentsnaka ni yusri̱ncha Ame aneṉkrattairmiji̱a̱i̱ nisháa aentsrumiya̱ ji̱i̱ra akupénakum Amé shuarmeka Ejiptunmaya̱ ji̱i̱ram aṉkant awajsartajtsam werimiame.

YKan. 77:20

Muisaisai̱ni̱ tura Araunai̱ni̱ ame shuarumka murik yaruaktinia áitkiasam ji̱i̱ram yaruakmiame.

Jiin. 12:51

Tura Uunt Yus Israer shuaran nu tsawantai̱k Ejiptunmaya̱nka ni suntarí̱ya nútikias ji̱i̱rarmiayi.

Jiin. 20:2

“Witjiai Uunt Yus ame Yúsrum Ejiptunmaya̱ íniakur wáitkiatai pujamin jí̱i̱kmiajmena nu.

Jiin. 3:10

Tuma asamtai Muisaisa Israer shuar Ejiptunmaya̱ ji̱i̱rái tusan yamaikia Parauṉkai̱ akupkáttajme” tímiayi.

Jiin. 4:10

Nuya̱ṉka Muisais Uunt Yusan aya̱k “¡Maa Uuntá! Wikia yáunchusha tura yamái Ámin takartámin áujeamna ju̱i̱sha unuushím chicháu asan paant chichachuitjiai” tímiayi.

Jiin. 4:16

Ámeka Wi tájamna núnismek Araun jintintiatme tura Arauncha ame chichammin aentsun ujakártatui. Tura Araunja̱i̱ Yusa núnis átatme.

Jrm. 32:21

Ejiptu nuṉkanmaya̱ ame kunturam takurim aents túrachminia tí tsuumai̱ túram sapijmiamtikiaram tujintkiachu uwejmi̱ji̱a̱i̱ Israer shuar ji̱i̱rarmiame.

Ams. 2:10

Tura Wiki Ejiptunmaya̱ jí̱i̱kin Amur aentsu nuṉke̱ akintrukmintrum tusan kuaraintia uwí kampuntin atsú nuṉkanam yaruakan ewekámsamiajrume.

Wek. 12:1

Muisais Kúsnumia̱ nuwa̱n nuatka asamtai Marí Araunja̱i̱ yajauch chicharainiak

Tur. 7:36

Muisaisaiti Israer shuaran Ejiptunmaya̱n uwemtikramia nu. Yusa kakarmari̱n nekaawarat tusa aentsti túrachminian Ejiptu nuṉkanam untsurín túramiayi. Nuyá̱ Kapantin Nayantsanmasha tura nuyá̱ kuaraintia uwitin atsamunam pujuiniai̱sha ti kakarman iniaktusmiayi.

Muis. 24:18

Ejiptunam iniatai̱ pujarmin Uunt Yus atumí Yusri̱ ji̱i̱rmarmiarmena nu enentáimpratarum. Tuma asamtai Wi akupeajna nu umiktarum.

Muis. 4:20

Túrasha yamái pujarmena áitkiarma Niniu ajasrum pujusmintrum tusa jiru inimpiáimiunam eṉketua núnisrum Ejiptunam wait ajá matsatrumin atumniaka Uunt Yus ji̱i̱rmarmiarme.

Muis. 4:34

Wats Uunt Yus Ejiptunmaya̱n awakkamuja̱i̱ ti nekapsamuja̱i̱ iniaktusmaja̱i̱ tura mesetja̱i̱ núnisaṉ túrachminian túramuja̱i̱ Israer shuartirmin íimprumin juramsamarmena núnis chíkich yusash chíkich nuṉkanam ¿túrasha áwak?

Muis. 7:8

Warí Uunt Yus atumín anenma asa tura nekas tajai tusa atumí úuntri̱ji̱a̱i̱ chichaman najana asa nuna umíak anaitiamkaitrume. Tura Ejiptu nuṉka úunt akupniuri̱ Parauṉ emeta wáitkiatai pujuutirmin Uunt Yus ni kakarmari̱ji̱a̱i̱ ji̱i̱rmar aṉkant awajtámsamarme.

Muis. 9:26

Tura Uunt Yusan chicharkun ‘Uuntá, ame áentsrum shiir awajénakum kakarmarmiji̱a̱i̱ Ejiptunmaya̱ jí̱i̱kiarmiam nu amukáraipia.

1 Sam. 12:6

Nuya̱n Samuir aentsun chicharainiak “Uunt Yusaiti Muisaisan tura Araunan anaikiamia nu núnisaṉ atumí aparí̱ncha Ejiptunmaya̱ ji̱i̱rmia nusha núnaka nékawai.