Mik. 6:2 - Yus Papí: Shuarja̱i̱ Yus Yamaram Chicham Najanamu

² Maa, átum naint árumna nútiram núnisrumek nuṉka tépakmanum naint wájakrumna nútirmesha Uunt Yus ní shuari̱ji̱a̱i̱ tunaiya nu anturkatarum. Kame Israer shuaran itiurchat takurkainiana nuna ujakar chicharkartatui.

Mik. 6:2 Iomraidhean Croise

2 Sam. 22:16

Uunt Yus chicharkam tura Ni nuji̱ya̱ mayai̱ji̱a̱i̱ umpuim nayantsa tépakmari̱sha íismin ajasármai. Tura nuṉka nájankur aeprukmari̱sha paant ajasármai.

2 Sam. 22:8

Nuṉkasha purushnir kuraṉmayi túram nayaimpi tépakmari̱ áchitramuri̱sha muchitrarmai. Ni kajeku asamtai kurainiarmai.

YKan. 104:5

Péṉker aepak nuṉkancha najanamiayi. Tuma asa peṉké umuchkiachminiaiti.

Neka. 8:29

Yus nayantsan ‘ju̱i̱ṉ naṉkantia tura nu arantka naṉkaamakip’ timia nui̱ wisha pujumiajai. Tura nuṉká tépakma muchitkiachmin ajasat tusa pujurmia nui̱sha

Isa. 1:18

Nuyá̱ Uunt Yus chichaak “Wats winitiárum iiji̱a̱i̱ áujmatsarmi. Atumí yajauch túrutai̱ yamakái̱ya̱ núnisaitkiuisha micha imianú puju awajtústatjarme. Tura atumí tunaarí̱ ti kapa̱a̱kuitkiuisha murikiú ure̱ya imianú puju awajtústatjarme” tawai.

Isa. 3:13

Yamaikia Uunt Yuska ni shuari̱n asutiáttawai. Warí átum yajauch túrakrum peṉké takurmakcha ainia nu kasarkarum atumí je̱e̱n íruarme. Ausha, úuntri̱tirmesha tura chícham iwiarniutirmesha ausha ¿urukamtai wi shuarsha peṉké takurmakcha ainia nusha áitkiarum? Uunt Yus tawai.

Isa. 5:3

Tura yamaikia Jerusaréṉnumia̱tiram tura Jutanmaya̱ áishmaṉtirmesha Winiasha uwa ajarja̱i̱ métek sumamtikruatarum.

Jrm. 2:9

Tuma asamtai atumji̱a̱i̱sha tura atumí uchirí̱ji̱a̱i̱sha núnisaṉ atumí tiraṉki̱ji̱a̱i̱sha tuke mánaiktatjai” tawai Uunt Yus.

Jrm. 25:31

Nu shiniamu nuṉka náṉkatrana ímianai ántumtikiui. Tura Uunt Yus uunt nuṉka mátsatkamu ainia nuja̱i̱ jiániawai. Ni ashí aentsun sumamtikiataj tusa untsukartatui tura Yusan umircha ainia núnaka mesetnum iktua iniaisartatui’ tawai Uunt Yus.”

Jrm. 31:37

Núnisrumek yakisha nayaimp mash nekapmartin jeawakrumni̱ṉkia ántsarmek initcha nuṉka nájankur tui̱ juárkimiuit nusha ashí nekakaakrumni̱ṉkia antsu nuiṉkia ashí ni túrawarmanum Israer shuarnaka Wiki utsaṉkan iniaisaraintjiai.

Use. 12:2

Tuma asa Uunt Yuska Jutanka kajerkaiti. Tura Jakupnasha ni wekaasamuri̱ji̱a̱i̱ métek asutiáttawai. Nuyá̱ ni túramuri̱ji̱a̱i̱ métek akikiártatui.

Use. 12:3

Ni nukurí̱nia̱ akiintsuk ni yachí̱ saṉkani̱n achimkiámiayi. Tura uunt ajassha Yusja̱i̱ mánaikmiayi.

Mik. 6:1

Uunt Yus tana nu anturkatarum. ¡Ame itiurchat takurkamna nu naint weme ujakta túrawakmin naintiar naintra nusha anturtamkarti!

Muis. 32:22

Warí Winia kajetáirui̱ya̱ jiya núnis keekái. Túmak initcha Seura tímianaisha jeattawai. Tura nuṉkancha nuyá̱ nui̱ yuraṉ írununcha mash amuktatui. Núnisaṉ naintia táritramuri̱sha keekartatui.

Muis. 4:26

wi yamái nayaimpisha tura nuṉkasha ántuiniamunam Jurtan katitkirum pujustatrumna nui̱sha núkap tsawant pujuschattarme. Antsu tarimiat ajasrum matsamtsuk ishichik tsawant pujusrum ashí amukáttarme tájarme.