Mik. 5:7 - Yus Papí: Shuarja̱i̱ Yus Yamaram Chicham Najanamu

⁷ Kame sánaka Yusai̱ya̱ winiatsuk tura yumisha aentsnaka nákatsui núnisaṉ yaaksha akupkachmaitiat yútakka ashí nuṉkan péṉker awajui. Núnisaraṉ Jakup shuar ishichik juákarua nuka ashí nuṉkan péṉker awajsártatui.

Mik. 5:7 Iomraidhean Croise

2 Sam. 17:12

Antsu nuiṉkia ashintiukar tui̱ pujutta nui̱ṉ sana nuṉkan ukateana nútiksar jatektai. Túrakrikia nisha tura aents niji̱a̱i̱ pujuiniana nusha chikichkisha iwiaakuka ikiukchartatji.

YKan. 110:3

Ame akupkatin tsawantruminkia Áminiu ainia nuka ni enentái̱ji̱a̱i̱ṉ pushiri̱ncha péṉkeran entsarar káshik sanamána, áintsaraṉ tuke tsawant Ámin suramsartatui.

YKan. 133:3

Tura ni shiir pujuiniamuka Irmun náintian sana ukatuk Seúnnumia̱ náintian jámainiana núnisaiti. Warí, Jiuwaka péṉker yumiṉkian nui̱ akupeawai tura tuke iwiaaku pujustinniasha súawai.

YKan. 72:6

Kame nupa̱ kuarman yumi yútak ju̱yu̱í̱ ajak wárik tsapamtikia nútikias nisha shuaran péṉker yaiṉkiartatui.

Neka. 19:12

Uunt akupniu kajetáiri̱ṉkia úunt ya̱wa̱ kajeana ántsaiti tura ni waitnenkartutairi̱ṉkia sana nupa̱n ukatna núnisaiti.

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Isa. 55:10

Warí yumisha tura yuraṉmisha nayaimpinmaya̱ yutuk nuṉkan ejamper araknasha tsapamtikiar neremtikiui. Túrunamtai arakmatniunka arakan tura yurumátniunka yurumkan suíniawai. Nuna túrutskeka atakka yakiṉkia wákettsui.

Isa. 66:19

Nuya̱ṉka nekanawarat tusan iwiaaku juákaru ainia nui̱ṉ Wi túrattajna nuja̱i̱ awajsartatjai. Juákaru ainia nuya̱n úunt matsatkamu Társesnum tura Pútnumsha núnisaṉ Rúutnum akupkartatjai. Nútiksanak Tuparnumsha tura Krésianmasha nuyá̱ yajá nuṉkanam nayants ayamach pujuinia Winia kakarmar aújmatmancha antukcharu tura Wina wincharnasha wáinkiacharu áiniana nui̱ akupkartatjai. Nui̱ Winia wincharun áujmatas etserkartatui.

Isk. 47:1

Nuiṉkia Yusa Uunt Je̱e̱ wá̱i̱ti̱a̱i̱ri̱n awaṉtukmiai. Nui̱ Yusa Uunt Je̱e̱ á̱a̱ri̱ṉkia etsa̱ tatainmaani̱ aa asamtai Yusa Uunt Je̱e̱n waya̱kur wá̱i̱ti̱a̱i̱ri̱ wakenmari̱ya̱ entsa jiini̱ etsa̱ tatainmaani̱ akaimiai. Kame Yusa Uunt Je̱e̱ nuṉkaani̱ yantam jíiniuk éntsaka Yus áestutai̱ nuṉkaani̱ yantamén naṉkaamamai.

Isk. 5:5

Nuyá̱ Uunt Yus ashí aentsu Uuntri̱ jú̱nis tíniuiti ‘Ju̱ka ashí nuṉka ajapéri̱ atí tusan tura pepru ayamach írunna nui̱ ajapén Wi apujsamiaj nú Jerusaréṉkaiti.

Tan. 11:32

Núnisaṉ chícham najanamun nakitiáinia núnaka ti shiir chicharás tunaanum aju̱a̱rartatui. Túrasha ni wakeramu umirka̱i̱j tusar aents ni Yusri̱ wakeramun umirainiak kakaram ajasár nu arant takasártatui.

Use. 14:5

Kame Israernaka Wi sana sanamtikna nútikiakun kuku̱j kuku̱jrana nútikiattajai. Túran Ríwianu naintia ímianu umuchkiachmin kaṉkaprumtikiattajai.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Juir 2:32

Kame Uunt Yus timia tímiatrusaṉ Jerusaréṉnum Seun nainniumka uwempratin átatui. Tuma asamtai yaaksha Uunt Yusa naari̱ pachis enentáimtuinia nuka uwemprartatui. Nuyá̱ Uunt Yus untsukma ainia nuka tuke iwiaaku juákaru ainia nuja̱i̱ pujusártatui. Tur. 2:17-21

Ams. 5:15

Péṉkera nu aneakrum yajauchia nuka muí̱jkiatarum. Núnisaṉ chícham iwiartai̱nmasha nekasa nuja̱i̱ métek sumamtikiatin juárkitiarum. Antsu nuiṉkia Jiuwá Yus, Nayaimpinmaya̱ Suntara Uuntri̱ Jusé shuar juákarua núnaka waitnentrachartimpiash.

Mik. 2:12

Ti nekas Israer shuar juákaru ainia núnaka juukartatjai túran murik wénuimiunam matsatna nútikian matsastatjai. Túram untsurí aents matsamás tétete ajá matsamártatui. Ni akupniúri̱nkia Uunt Yus eem wétatui” tíniuiti Uunt Yus.

Mik. 4:7

Nuya̱ṉka shutuap juákarma núnaka tura yajá tsakiṉmakarmaj nunasha uunt pepru ti kakaram awajsartatjai” tawai Uunt Yus. Tura nu tsawantinkia Seun nainnium Uunt Yus yamaisha tura ukunmasha nin tuke akupkartatui.

Mik. 5:3

Túrasha nuwa̱ takustinia nu tsawantri̱ jeamam núnisaṉ chíkich nuṉkanam Israer shuar matsatainia ní shuarja̱i̱ iruntratai tusar waketkiar kaunmam Uunt Yuska ní shuarnaka ajapa iniaisartatui.

Mik. 5:8

Túramtai Jakupa shuari̱ úunt ya̱wa̱ kampunniunmaya̱ yajasma kajen ainia nuna ajapéri̱n nupetmaku wajana tura úunt ya̱wa̱ uchirí̱ murik matsatmanum ajapén pujuras péempruk esái júak chikichkiṉkisha iniaṉkakchattana núnisaṉ nisha ishichik juákaruitiat untsurí nuṉkanmaya̱ aentsu ajapéri̱n nupetmakaru wajasártatui.

Mik. 7:18

¿Ámiji̱a̱i̱ métek chíkich Yussha áwak? Kame yajauch túrutai̱sha tura Yusa aentsri̱ Nin enentáimtin juákaru ainia nuna tunaarí̱sha tsaṉkuram kajinmátniuitme. Warí Ni waitnenkartutariji̱a̱i̱ péṉker asa tuke kajekka pujuchuiti.

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sak. 14:8

Nu arantcha Jerusaréṉnumia̱ iwiaaku entsa jíintrartatui. Túruna ajapén chikichik kanaakmari̱ṉkia etsa̱ tatainmaani̱ nayantsanam ayaku átatui. Tura chíkich kanaakmari̱ṉ etsa̱ akatainmaani̱ nayantsanam akaikittiawai. Tura mái̱ entsaka esatái̱sha tura yumitincha ku̱yu̱chu ártatui.

Sak. 9:13

Warí, Jutanka winia tíshimkiurua núnisaṉ awajsájai. Túran Eprainnaka naṉkia núnisaṉ najanajai. Maa, Seuná uchirminkia kakarma puya̱ri̱ya núnin awajsan Kresia uchirí̱ji̱a̱i̱ mámtikiattajai. Uunt Yus jú̱nis tíniuiti.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Tur. 11:15

Wi chichastasan juarai̱ yámankamtaik iin tarutrámpramiaj nútiksaṉ Yusa Wakaní̱ tarurarmiayi.

Tur. 13:46

Támaitiat Pápruka Pirnapíji̱a̱i̱ arantutsuk chichainiak “Israer shuartirmin, atumín emka Yus Chicham ujaktiniuji. Túrasha átum támaitiatrum nakitramarme. Tura atumsha nakitia asarum Yusai̱ tuke iwiaaku pujuschamnia ajasurme. Tuma asamtai iikia yamaikia Israer shuarcha ujaktai tusar weraji.

Tur. 16:9

Nui̱ jeawar Papru kashi íimiarmiayi. Masetúnianmaya̱ áishmaṉkan wajan wáinmiayi. Nu áishmaṉ Páprun chicharuk “Winitritia yaintkiamnium” tímiayi.

Tur. 9:15

Tutai Uunt Jesus chichaak “Ántkisha wetá. Jú̱ aishmaṉkan winia etserniur atí tusan Wi achikjiai. Nisha Israer shuarchancha tura úunt akupniuncha tura Israer shuarnasha wínian etserin átatui.

Rum. 10:20

Nuyá̱ Isayas ashamtsuk áarmiayi “E̱a̱tkacharua nu wáitkiarmiayi. Inintruiniatsa̱i̱ṉ wantintiukmiajai.” Isa. 65:1

Rum. 11:12

Israer shuar umirkachmaja̱i̱ ashí shuar, Israercha ainia nusha, uwempramnia ajasármiayi. Nuna naṉkaamas Israer shuar atak Yusan enentáimtuiniak uwemprarmatai nuja̱i̱ ashí shuar tí peṉker ajasártatui.

Rum. 9:30

Wátsek, Israer shuarcha Yus “péṉkera” tumamtinian e̱a̱kcharmai. Túmainiayataṉ Yusan enentáimtuiniak núnaka wáinkiarmai.

1 Kur. 3:6

Wi Yus Chichaman étserkun arakan araktinia áinis takasmajai. Apurussha entsan ukatramai. Tura Yus nu arakan tsakatmarmai.

Muis. 32:2

Wi jintíamuka yumi yáitmataik yuta áintsaiti. Kame chichamprusha yumi ju̱yu̱í̱ ajak arakan sa̱a̱kniasha sanamtikiana núnisaiti.

Suma. 6:36

Tura Jeteuncha Yusan chicharuk “Nekas támena nútiksamek Israer shuar wiji̱a̱i̱ aṉkant awajsattakmeka