Mik. 5:5 - Yus Papí: Shuarja̱i̱ Yus Yamaram Chicham Najanamu

⁵ Tura Niṉkia aṉkant imiatkincha pujutainti. Kame Asirianmaya̱ aents ii nuṉke̱n utsanawar ii akupniúri̱ pujutai̱niam waya̱warmataiṉkia murikiu wáinin siati tura uchu áishmaṉ peṉkeri̱ kakaram páantin ainia nu wajatrartatui.

Mik. 5:5 Iomraidhean Croise

YKan. 72:7

Ni akupeamu tsawantri̱ṉkia péṉkera túrin ainia nuka shiir matsamsartatui. Kame kashi nantu ekeemtiatna nui̱ṉkia ni péṉker akupeakui itit awajsachma tuke átatui.

Neka. 30:18

Menaint ainia nusha wíji̱a̱i̱ṉkia nekaachmin áiniawai kame kuatrua nunasha nékatsjai.

Neka. 30:29

Menaint naṉkamantu enentáiji̱a̱i̱ wekain kame kuatrua nuka ti péṉker wekain áiniawai tura ju̱i̱ti.

Neka. 6:16

Yus nakitia nuka sais áiniawai nuíchuka siátiti kame Yus peṉké muí̱jiamuka jú̱ áiniawai.

Isa. 14:25

Asirianmaya̱ aentsnaka Winia nuṉkaruí̱ṉkia emeskartatjai antsu Winia náintrui̱ṉkia amuturartatjai. Túrawaram kijin netuamua núnis winia aentsur wáitiamuka juruntsartatui tura kijin entsakmari̱sha yakainiumiaṉka juruntsartatui.

Isa. 44:28

Tura Wisha Sírun áujmakun ‘Winia shuar wáinniuka níyaiti. Wi wakerajna nuna mash umiktatui. Siru Ists. 1:2 Jerusaréṉkan títinkia ju̱i̱ti, je̱a̱ je̱a̱mma átatui tura Yusa Je̱e̱nka tépakmari̱nkia aeprukma átatui.’ ”

Isa. 59:19

Etsa̱ akatai̱ya̱ ímiania̱sha Uunt Yusa náari̱n ashamkartatui tura etsa̱ jintiai̱ya̱ ímiania̱sha Ni winchari̱ paant nekaawartatui. Warí Ni winiakka entsa kaya asakakmanum akaak urukniuit tura Uunt Yusa naseri̱ imiá kakarma nu umpuamua tímiatrus winittiawai.

Isa. 65:8

Túrasha Uunt Yus chichaak “Shuar chikichik nantaṉnumia̱nak ishichik neré̱ péṉkeran wainiak chichaak ‘Ju̱i̱ṉkia péṉker yumirtin íruneak aentsun shiir awajsámnia asamtai tsupikiairap’ tíchattawak. Wisha núnisnak Winia takartin ainia núnaka mash emesrara̱i̱j tusan túrattajai.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Jrm. 33:15

‘Tura nu tsawant jeattana nui̱ṉkia Wi Tawitiai̱ya̱ numí Kanawe̱ tsupikma je̱e̱r ataksha tsakana áitkiattajai. Nisha nekasa nuja̱i̱ súmamtikiuk ju̱ nuṉkanam esetar akupkáttawai.

Ams. 1:3

Uunt Yus chichaak “Tamaskunka yajauch tí túrukmanum peṉké tsaṉkurashtatjai. Warí Karaat péprun tsai̱ tsai̱ awajsaruiti tuma asamtai úunt akupin Jasaéra je̱e̱ncha jiji̱a̱i̱ amukan nú jiji̱a̱i̱ṉ Piniatáta akupin pujutái̱ri̱ncha amutkattajai. Tura Tamasku wáitiri̱ jirurí̱n tsairartatjai. Núnisnak nuṉka pakarí̱n Awinnium matsatainianka ashí amukártatjai. Tura Piteténka akupniúri̱ncha amuktatjai tura Sírianmaya̱ aentska achirar yajá yaruakma ártatui” tawai Uunt Yus.

Ams. 1:6

“Tura Kaasa péprunka yajauch tí túrukmanum peṉké tsaṉkurashtatjai. Warí ashí aentsun achir yaruak Etumai̱ surukarmiayi. Núnisaṉ wenuke̱ncha jinia akuptúktatjai. Túran akupniu je̱e̱ ainia núnaka amukártatui. Astutnumia̱ aentsnasha tura Askarúna akupniúri̱ncha áintsanak Ikrunnasha núnisnak Jiristíanmaya̱ iwiaaku juákaru ainia nunasha ashí amukártatjai.

Sak. 10:3

“Murikiu wáinniun kajerkarjai tura nin asutiáwartatjai. Ashí Akupin Uunt Yus ni murikrí̱ Jutan íistatui. Tura kaya eem apujtuatniusha núnisaṉ nuap je̱a̱ ajintruatniusha áitkiasan mánitiai̱ tíshimkiusha nuyá̱ ashí úunt akupniusha Jutanmaya̱ ártatui. Suntar kakarma núnisar tura Uunt Yus niji̱a̱i̱ pujá asamtai ni nemasri̱ncha emesrartatui.

Sak. 12:6

Nu tsawantin Jutá uuntri̱ ainia núnaka chíṉkim jinium pataram keana tura shirikip shana nuke̱n ekemana tímianu awajsartatjai. Tura nisha untsuurnumaani̱ nuyá̱ menanmaani̱ núnisaṉ ashí aents nui̱ téntakar pujuinia nunasha áeskartatui. Túramtai Jerusaréṉnumia̱sha ataksha nui̱ṉ pujusártatui.

Sak. 9:10

Wikia Eprain nuṉkanmaya̱ mánitiai̱ kárun tura Jerusaréṉnumia̱ kawairi̱ncha emeskartatjai. Tura mesetnum mánitiai tíshimkiusha emesnak amukáttawai. Túramtai Niṉkia uunt nuṉka mátsatkamu ainia nuna aṉkant shiir matsamsatniun chichampruktatui. Tura nayantsar nayantsar nuyá̱ Yúpratis entsanmaya̱ naṉkama nuṉka náṉkata ímianai akupin átatui.

Sak. 9:13

Warí, Jutanka winia tíshimkiurua núnisaṉ awajsájai. Túran Eprainnaka naṉkia núnisaṉ najanajai. Maa, Seuná uchirminkia kakarma puya̱ri̱ya núnin awajsan Kresia uchirí̱ji̱a̱i̱ mámtikiattajai. Uunt Yus jú̱nis tíniuiti.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 19:14

Ti untsurí nayaimpinmaya̱ suntar mesetnum weena áintsar kawainium ekemkar ti shiir pújun entsaru Nin nemariarmai.Kurs. 3:4