Mik. 5:4 - Yus Papí: Shuarja̱i̱ Yus Yamaram Chicham Najanamu

⁴ Uunt Yusa kakarmari̱ji̱a̱i̱ núnisaṉ Ni Yusri̱ Uunt Yusa naari̱ ti naṉkamantua nuja̱i̱ ni shuari̱ wainiainiam imiatkincha matsamsartatui. Warí Nisha nuṉka náṉkatrana ímianai naṉkamantu awajsamu átatui.

Mik. 5:4 Iomraidhean Croise

YKan. 145:12

Túrawar Ame kakarmarmiji̱a̱i̱ najankaitmena nuna aentsun nekamtikiawartatui tura Ame akupeamuram ti naṉkamantua nuna winchari̱n áujmattsartatui.

YKan. 22:27

Ashí nuṉka náṉkatra tímianaiya̱ Uunt Yusan enentáimtustai tusar weankártatui. Kame ashí aents ainia nu irunturmarar tikishmátramprartatui.

YKan. 72:19

Ni naari̱ naṉkamantu atí. Tuma asamtai tuke shiir awajnásti. Ashí nuṉkanam ni kakarmari̱ piaktí. Nuke atí.

YKan. 72:8

Nayants náṉkatra tímianai tura Yúpratis entsanmaya̱ juarki̱ ashí nuṉkanam akupin átatui.

YKan. 93:1

¡Jiuwaka akupeawai! ¡Nisha jíitsumpran entsaruiti! ¡Jiuwá tí kakarmari̱ji̱a̱i̱ iwiarnaruiti! ¡Jiuwaka nuṉkanka muchitkiachmin awajás apujsaiti!

YKan. 98:3

Tura Ni waitnenkartutairi̱n tura nekas chichatairi̱ya nuna enentáimtus Israer shuarnaka yáiṉkiuiti. Tura ashí nuṉka náṉkatrainia ímianai pujuinia nu ii Yusri̱ uwemtikrampramun nékainiawai.

Jiin. 23:21

Esettsa enentáimsarum ni chichame̱sha nakittsuk anturkatarum. Antsu niṉkia Winia naarja̱i̱ akupeamu asa atumí yajauch túramurminkia tsaṉkurashtatui.

Isa. 45:22

Warí Wíkitjiai Yus. Chíkichkia atsá asamtai ashí nuṉka náṉkata tímianai pujarmena nu aentstirmesha Winia íirsarum uwempratarum.

Isa. 49:5

Tura Uunt Yuska winia nukurui̱ eṉketai̱n winia takartin atí tusa najatamai. Kame Jakupa shuari̱ Yusai̱ waketkiar Israer shuar Yusai̱ iruntrarti tusa Uunt Yus íimmianum shiir awajnásmajai. Tura winia Yúsruka winia kakarmar ajasuíti.

Isa. 52:10

Ashí nuṉkanam pujuinia nu aents iimmiainiamunam Uunt Yus ni kakaram kunturi̱n iniakmasuiti. Tuma asamtai ashí nuṉka náṉkata ímianai pujuinia nu shuarsha uwempratniun wáinkiartatui.

Isa. 52:13

Nekaatarum, Winia takartin nupetmaktatui. Kame uunt awajsar tura páantin awajsamu núnisaṉ ti náakam awajnástatui.

Isa. 8:7

Tuma asamtai Uunt Yus nincha Asirianmaya̱ úunt akupniun ti kakaram entsa ama̱a̱rna núnis akuptúrmakartatui. Túram ti ama̱a̱rak ashintsan pajankar emetsainia núnis túrawartatui.

Mik. 7:14

Ame murikrum kampunniunam ajapén niṉki matsatna nu, Uuntá ame shuarum ásarmatai péṉker jintintiam júkiarta. Kame yaunchu Pasannum tura Karaatnum ni murikrí̱n wáinkiarmia núnis wainkiamu ártí.

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Sak. 9:10

Wikia Eprain nuṉkanmaya̱ mánitiai̱ kárun tura Jerusaréṉnumia̱ kawairi̱ncha emeskartatjai. Tura mesetnum mánitiai tíshimkiusha emesnak amukáttawai. Túramtai Niṉkia uunt nuṉka mátsatkamu ainia nuna aṉkant shiir matsamsatniun chichampruktatui. Tura nayantsar nayantsar nuyá̱ Yúpratis entsanmaya̱ naṉkama nuṉka náṉkata ímianai akupin átatui.

Mks. 1:5

Tura atumek ímiatrusrum wainkiarum chichaakrum “Israer nuṉka náṉkatkana nu arant tí nekas Uunt Yus naṉkamantu awajsamu atí” títiatrume.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Mat. 2:6

‘Jutá nuṉkanam Piriṉnum Mik. 5:2 peṉké náakmachuka áchattawai. Warí nuyá̱ Úunt Akupin winittiawai. Naṉ. 49:10 Ni ashí Israer shuaran, Wí shuar ásarmatai péṉker wáinkiartatui’ tawai Yus.” Tu tiármiayi.

Mat. 25:31

Jesus áujmatuk tímiayi “Aents Ajasu ana nu ashí akupin ajas Yusa suntari̱ éṉkekma winittiawai. Tura Úunt Akupin shiir pujutái̱ri̱n pujustatui.

Ruk. 1:32

Nisha uunt átatui. Nincha ‘Uunt Naṉkamantu Yusa Uchirí̱’ tiártatui. Tura Uunt Yuska yaunchu Tawitian úunt akupniuri̱ awajsámia núnisaṉ ame Uchirmin áme shuarumin Israer tutain Uunt akupin awajsattawai. Ni akupeamuri̱sha Yus susamu asa peṉké amuukashtiniaiti” tímiayi.

Juaṉ 10:38

Tura nekas túrakuiṉkia enentáimtursatarum. Tura Winia nakitrakrumsha nuikia wi túramu enentáimtustarum. Núja̱i̱ṉkia winia Apar Winin pujamu ashí nekaattarme. Núnisnak Wisha Niin pujajai. Iisha chikichkitji.”

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Ipi. 1:3

Ii Uuntri̱ Jesukrístu Aparí̱ Yus nekas shiir awajtústiniaiti. Iisha Krístuja̱i̱ tsaniṉkiu asar ii enentái̱n ashí nayaimpinmaya̱ ana nuja̱i̱ warasminiaitji. Túmaitkiui Yus nu waratai̱n ashí suramsaitji.

1 Pit. 1:5

Yus nekas enentáimta asakrumin ni kakarmari̱ji̱a̱i̱ wearmarme. Tura tuke uwemtikrampratniun nuṉka amúamunam paant iniakmastatna nu achikmintrum tusa tuke tsawant ni kakarmari̱ji̱a̱i̱ wáitmarme.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”