Mik. 4:4 - Yus Papí: Shuarja̱i̱ Yus Yamaram Chicham Najanamu

⁴ Ashí Akupin Uunt Yus chichaku asamtai tura nin awaktámkartincha atsá ásarmatai aṉkant aṉkant ni úwari̱ni̱ṉ tura ikiu ejetari̱n weamkar aṉkant pujusártatui.

Mik. 4:4 Iomraidhean Croise

1 Akup. 4:25

Tura Saramúṉ iwiaaku pujumia nui̱ṉkia Israer nuṉkasha núnisaṉ Jutá nuṉkanmasha áintsaṉ Tan nuṉkanmaya̱ juarki̱ Pirshiwia nuṉka tímianaiya̱ aentssha aṉkant pujuarmiayi. Tuma asamtai uwa ajancha tura ikiu numi arakma ajancha aṉkant aṉkant takaku ármiayi.

1 Akup. 5:5

Wats, nekaata. Yamaikia winia Yúsrun Uunt Yusa náari̱ji̱a̱i̱ je̱a̱n je̱a̱rtiaj tajai. Warí Uunt Yus chichaak ‘Ame uchirmin akupin awajsan ame pujutái̱rmin ekentsattaj nu Winia je̱a̱rnaka je̱a̱rtitiawai’ winia aparun Tawitian timia nútiksanak túrattajai.

Juup 11:19

Tura ayamprattame nuiṉkia atakka yaaksha aitkia awaktámkamnia atsuttawai. Núnisaṉ untsurí aents ámin yáintmainia táartatui.

YKan. 72:3

Yáiṉkratin asamtai náinniumia̱sha imiatkinchanum shiir pujustincha tura péṉker matsamsatniusha átatui.

Neka. 3:25

Núnisaṉ aya aneachma ti itiurchat naṉkamakuisha tura Yusan enentáimtichu chichaman jurutrámainiakuisha peṉké ashamkashtatme.

Isa. 1:20

Antsu Wi tama umitsuk nakitiakrum nu arant ajakrumka mesetnum amukáttarme. Uunt Yus jú̱nis tíniuiti.

Isa. 17:2

Aruirnum pepru írunna nuka ajapa ikiukmia ártatui. Nuka waaka matsamtai̱ ajasártatui túrasha nuna awakkatniuka yaaksha atsuttawai.

Isa. 22:25

“Nu tsawantinkia” Ashí Akupin Uunt Yus chichaak “Nuṉka kátsurmanam ajíamua nuna ukuinkiattajai. Túran kupiniak iniartatui tura ni takatrí̱ takasmasha núnaka emeṉkáktatui” tawai Uunt Yus.

Isa. 26:16

Maa Uunt Yusru Ame asutkiaram aju̱ntrarmamna nuiṉkia Ámin útkamaikia seatmarmai. Ame íimmianum nuwa̱ ajamtinia núnis najaimiainiak untsumiármai uchi takustaj tusar najaimiatai takakuji túrasha úchikia nase takúa núnikmaji. Ii aṉkant ajastinkia peṉké wainkiachuitji núnisaṉ nú aentska atak akiiniatniun tujintkiarmai.

Isa. 36:16

Esekías peṉké anturkairap. Warí Asirianmaya̱ úunt akupin jú̱nis túramui Antsu wiji̱a̱i̱ nawamnaikiatarum tura wini̱n tarum aṉkant aṉkant atumí araamuri̱ṉ úwasha tura íkiusha yuámniuram. Ántsarmek aṉkant aṉkant atumí yumirmatri̱ya̱ṉ entsasha umarmintrum.

Isa. 40:5

Nuya̱ṉka Uunt Yus ni péṉkeri̱n paant awajsattawai. Warí Uunt Yus Niṉki tiniu asamtai ashí aents paant wáinkiartatui” tawai tímiayi.

Isa. 54:14

Nekas tuke péṉker túramuja̱i̱ umuchkiachmin matsastatme tura emetamunmaya̱ akankámu asam ashamkashtatme. Tura sapijmiaktin ashammainkia amiya̱ṉka yajá pujá asa jeartámchattawai.

Isa. 58:14

nui̱ṉkia Uunt Yusai̱ ti shiir warastatme. Tura naint irunainia nui̱sha Wiki iwiaktatjame. Túran ame úuntrum Jakup susamua nuya̱nak ayurattajme” ímia Niṉki Uunt Yus ni wene̱ja̱i̱ chichakchakait.

Jrm. 23:4

Nútiksanak murikiu wáinniuncha apujtusartatjai. Tura nisha péṉker wainiainiam sapijmiainiachuk atakka ashamkachartatui. Núnisaṉ chikichkiksha meṉkakashtatui” tawai Uunt Yus.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Isk. 34:25

Tura níji̱a̱i̱ṉkia aṉkant matsamsatin chichaman najanattajai. Núnisnak yajasma emesma nuṉká írunna nunasha ashí emeṉkártatjai. Túramtaikia kampuntin atsú nuṉkanmasha itit awajsachma aṉkantniunam tí peṉker matsamsartatui tura kampunniunmasha sapijmiatsuk kániartatui.

Isk. 34:28

Túrunamtaiṉkia chíkich nuṉkanmaya̱ aents itiurchat awajtai̱ matsamin áiniayat atakka peṉké túrachma matsamsartatui. Tura yajasma yukartin ainia nusha yúchartatui. Nui̱ṉkia ti shiir aṉkant pujuiniak yaaksha awakkachma matsamsartatui.

Isk. 38:11

Túram ‘Aents ayamprumakchamnia wenuktichu wáitirtichu tura asakmamachu aṉkant pujuinia nuja̱i̱ mániktaj’ tátsumek.

Isk. 39:26

Kame ni nuṉke̱n waketkiar aṉkant pujusárka tura yaaksha sapijmiamtikiamnia atsakui nui̱ṉkia nisha wishiktai̱ matsamin armia nuna tura Wiji̱a̱i̱ péṉker wekaicha armia nunasha kajinmatkiartatui.

Riw. 26:6

Matsatrumna nu nuṉkanmaṉka tí peṉker aṉkant matsastatjarme. Kame yaki awaktámkatarum túmakrum sapijmiatsuk tí peṉker kanartatrume. Núnisnak atumí nuṉke̱nka yajasma emesma áiniana nunasha emeṉkártatjai tura mesetcha atumí nuṉke̱nka atsuttawai.

Mik. 5:3

Túrasha nuwa̱ takustinia nu tsawantri̱ jeamam núnisaṉ chíkich nuṉkanam Israer shuar matsatainia ní shuarja̱i̱ iruntratai tusar waketkiar kaunmam Uunt Yuska ní shuarnaka ajapa iniaisartatui.

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sak. 3:10

Tura Ashí Akupin Uunt Yus jú̱nis tawai. Nu tsawantinkia aṉkant aṉkant atumí amikri̱ uwa tura ikiu numi ejetari̱n ipiattarme” tímiayi.