Mik. 4:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ amúamu tsawantinkia Uunt Yusa Je̱e̱ pujana nú naintkia chíkich naint ainia nuja̱i̱ naṉkamantu awajnástatui. Tura untsurí nuṉkanmaya̱ aents nui̱ tseke káunkartatui.

Mik. 4:1 Iomraidhean Croise

Naṉ. 49:1

Kame Jakup ni uchirí̱n untsukar chicharainiak “Winí̱ weankátarum, túrunawakrumin ukunam túrunattana nuna ujaktájrum.

Naṉ. 49:10

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

YKan. 110:3

Ame akupkatin tsawantruminkia Áminiu ainia nuka ni enentái̱ji̱a̱i̱ṉ pushiri̱ncha péṉkeran entsarar káshik sanamána, áintsaraṉ tuke tsawant Ámin suramsartatui.

YKan. 22:27

Ashí nuṉka náṉkatra tímianaiya̱ Uunt Yusan enentáimtustai tusar weankártatui. Kame ashí aents ainia nu irunturmarar tikishmátramprartatui.

YKan. 48:1

Ii Yusri̱ pépruri̱n Ni akantúkma náintri̱nkia Uunt Yuska tí uuntaiti tura tí shiir awajú ajamainti.

YKan. 86:9

Ashí uunt nuṉka mátsatkamu Ame najantkamamna nu Ame pujamunam taar tikishmátramprartatui. Túrawar Ame náarmincha páantin shiir awajsártatui.

Isa. 43:6

Araki̱a̱ṉka surusta tiártatjai antsu nuṉkaani̱a̱ṉka emetawairap tiártatjai. Winia uchirka jeashtanmaya̱sha nútiksarmek nawantruka nuṉka náṉkata ímiania̱sha ikiatruktarum.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 54:2

Tuma asamtai ame nuap je̱e̱m nekapmatsuk iwiaṉkártin iwiarata. Túram tanishri̱sha ékekarta núnismek naikri̱ japirkim tee nenantarum ni numiri̱ kaki ajintruawarta.

Isa. 56:7

Winia akantúkma naintrui̱ ikiankaran Winia áujtin ainia nu je̱a̱nam awayá̱waran ti waramtiksartatjai. Nuiṉkia taṉkun takamtsuk áesturainiakuisha tura taṉku maa Yus áestutai̱niam súruiniakuisha shiir enentáimtusartatjai. Tura Winia je̱a̱rka ashí aents Yus aujtai̱ je̱a̱ tutai átatui.” Mar. 11:17

Jrm. 16:19

Maa, winia kakarmar tura utúachmin asa itiurchat ákuisha winia ejamtair Uunt Yusru. Nuṉka náṉkatramunmaya̱ uunt nuṉka mátsatkamu ainia nusha Ámin káutramiartatui tura chichartamainiak “Ti nekas ii úuntri̱ṉkia yaintmakchamnia ántar wait áiniana nuna ikiurtámkiaruitji” turamartatui.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Isk. 38:16

Túrunarum Wi shuarja̱i̱ mánaiktaj tusarum yuraṉkim nuṉká utsantra núniktatrume. Nuka amukatin tsawant jeakui túrunattawai. Kame ámin Kuká, túrattajmena nuna iisar uunt nuṉka mátsatkamu ainia nusha Wi Tunaarinchaitjiana nuna amiini̱ nekarawarat tusan Winia nuṉkar itiurchat awajka̱i̱ tusan áminkia itiattajme’ tawai” tímiayi.

Isk. 40:2

Tura ímiaja̱i̱k Yúsnan wainkiamaj nuka Israer shuara nuṉke̱n jurukí̱ naint yakí̱ wájakmanum apujtusmai. Nui̱ wajasan nuṉkaani̱ yantam iimkiamán péprunam uunt je̱a̱ je̱a̱mkatin iwiarkamua ániun wainkiamjai.

Isk. 43:12

Ju̱i̱ti Yusa Uunt Je̱e̱ naintia pakari̱n je̱a̱mnatin jintíamu tura ashí ju̱na yantampri̱ṉkia peṉké shiir átatui. Tuma asa Yusa Uunt Je̱e̱ je̱a̱mtin jintíamu jú̱nisaiti” tímiayi Yus.

Tan. 10:14

Tuma asamtai amukatin tsawantin ame shuarum urukawartata nuna paant nekamtikiattsan wikia tarijme. Warí, ímiaja̱i̱k wainkiamam nuka nu tsawantaiti” turutmiayi.

Tan. 2:28

Antsu chikichik Yus nayaimpiniam pujana nuke nekaachminia nunasha paant awajniuiti. Tuma asa úunt akupin Napukutunusúrá, ukunam túrunattamna nuna paant iniakturmasai. Ame peakrumi tepesam mesekranam tura ímiaja̱i̱k wáinmiam nusha ju̱i̱ti.

Tan. 2:35

Nuya̱ṉka jírusha nuwe̱ iniarkámusha yaṉkú jirusha kuitcha tura kurisha tsai̱ tsai̱niá ajasár trikiu saepe̱ esatái̱ urukawa núnis mash ajasármai. Nase umpuí yaruakma asa ni wajasmaka atakka peṉké wainniakchamai. Tura kaya tukuma nuka naint ti uunt ajas ashí nuṉkan anetkámai.

Tan. 2:44

Tura nu úunt akupin pujuartatna nu tsawantin nayaimpinmaya̱ Yus chíkich akupeamu peṉké nupetkachminian apujsattawai. Antsu nuka ashí akupin ártatna núnaka tsai̱ tsai̱ awajsatniua núnis mash amú amus aya niṉki tuke akupin átatui.

Tan. 7:14

Nuya̱ṉka akupkatin tura naṉkamantu ajastin núnisaṉ akupin átincha sunasmai. Tuma asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha Nin shiir enentáimtuiniak umiriarmai. Warí, ni akupkatniuri̱ṉkia náṉkatkachu amuukashtin tura peṉké emesnarchatniuiti.

Tan. 7:18

Túrasha nu naṉkaamasmatai̱ṉkia Ashí Naṉkamantu Yusna ajasár tunaarincha áiniana nu ni akupeamuri̱n akintrukartatui. Tura nu akupeamuka peṉké iniaṉnatsuk tuke niniu átatui’ turutmiai.

Tan. 7:22

Núnaka Tuke Tsawant Pujuwa nu táamam túriarmai. Tura Ashí Naṉkamantu Yusna ainia nuna ayamprúkmai. Nuya̱ṉka tsawant jeamtai Yusna tunaarincha awajsarua nuka akupeamun nupetmatkar atantiarmai.

Tan. 7:27

Nuya̱ṉka tunaarincha ainia nuna Ashí Tujintkiachu Yusa akupeamuri̱ aents ásarmatai ashí ju̱ nuṉkanam akupeamu ainia nuna peṉkeri̱n tura kakarmari̱ncha nuyá̱ páantniuri̱ncha nu akupeamun súsartatui. Warí, nu akupeamuri̱ṉkia peṉké naṉkankashtin asamtai ashí nuṉka akupeamunam ainia nusha Yusan shiir awajainiak umirkartatui.’

Use. 3:5

Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Sak. 14:10

Tura Kepa péprunmaya̱ juarki̱ Jerusaréṉ nuṉkaani̱ Rimiunka ímianai nuṉka pakamnattawai. Túrasha Jerusaréṉka yakí̱ ji̱i̱tkia juákmatai Piṉjiamín wáiti̱ya̱ nuyá̱ juarki̱ Emka wáitiya̱ ímianai núnisaṉ Tsukin wáiti̱ya̱ nuyá̱ Ananéran kumpintri̱ya̱ nui̱ juarki̱ tura úunt akupin uwa nekeṉkar yumiri̱ jutaiya ímianai nui̱ṉ matsamsarma átatui.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Tur. 2:17

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

2 Pit. 3:3

Ju̱sha emka nekaatarum. Amúamu tsawantin Yúsnan wishikin wantinkiartatui. Tura nisha ni yajauch wakeramuri̱n túrusar wekasartatui.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”

Apu. 15:4

Uuntá ¿yaki ashampramkachatⁱ. Tura yaki ti shiir awajtámsachatⁱ? Aya Amek ti shiir tunaarinchaitme. Ashí nuṉkanmaya̱ shuar ame ti shiir túramun wáinkiar Aminiak jeartámar ti shiir awajtámsartatui.” YKan. 86:9 Tu kantamáwarmai.

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.