Mik. 3:9 - Yus Papí: Shuarja̱i̱ Yus Yamaram Chicham Najanamu

^9-12 Maa, Jakupa shuari̱ uuntri̱ árumna nútirmesha antuktarum tura Israera úuntri̱tirmesha péṉker sumamtiktsuk sumamtikiatin mui̱jmiai̱ awajeakrum nekas péṉkera nu ti yajauch awajearme. Atumí yajauchiri̱n Seunka pukuimiua núniktatui. Jerusaréṉka emeskar aya jú̱nik awajsar tsainiakuri̱ṉkia irumpramu átatui.

Mik. 3:9 Iomraidhean Croise

Neem. 13:17

Núnisnak Jutanmaya̱ shuar páantin armia nuna chicharainiakun “Ju̱sha ¿urukamtai atumsha ayamtai̱ tsawantcha yajauch awajrum?

Jiin. 3:16

Tura Uunt Yus Muisaisan chicharuk “Wetá, tura Israer shuara uuntri̱ iruram chicharainiakum ‘Uunt Yus atumí apachri̱ Aprajáman, Isakan, Jakupan Yusri̱ winia wantintiurak chichartak Wi aentsun Ejiptunmaya̱ aents warí itiurainia nuna werin wainkiajai.

Neka. 17:15

Yajauch shuaran “péṉkeraitme” tuíniak péṉker shuaran makuiniana nuka Úunt Yusja̱i̱ṉkia mái̱ mui̱jmiainti.

Neka. 17:23

Yusan enentáimtichuka naka jintian emeskat tusa ú̱srik akikia útsuamka “ayu” tíniuiti.

Neka. 18:5

Sumamtikin ainia nu umitmakua nuna waitnentak íksaṉ umikmatchan súmamtikiuṉka péṉkerchaiti.

Neka. 21:7

Péṉkera nuna túratniun nakitín ásar Yusan enentáimtichu peṉké túrachminian túruiniak imiá niṉki yajauch awajmamainiawai.

Jrm. 5:28

Túmainiak tí peṉker nuekar tsamapkar ajasárai. Ántsaṉ yajauch aents ainia nuna túrutairi̱ji̱a̱i̱ naṉkaamas yajauchin túruiniawai. Úuntnumsha mitiaik áiniana nuna yáiṉtaj tusasha ayampruiniatsui. Núnisaraṉ atsumainiana nuna chichame̱ncha anturainiatsui.

Riw. 26:15

tura Winia umiktin chichamur peṉké nakitiakrumni̱ṉkia núnisrumek atumí enentáisha Wi akupkámu chichamprun muí̱jiak péṉker enentáimtus Wi akupkámu áiniana nunasha umitsuk Wiji̱a̱i̱ chícham najanamusha ántar awajsákrumni̱ṉkia

Ams. 5:7

Átumka naka wekaatai̱sha yapá ánis awajsarume núnisrumek nekasa nuja̱i̱ métek túratniusha ántar awajsaitrume.

Mik. 1:1

Jutanmaya̱ úunt akupin Jutam, Akaas tura Esekías pujusármia nu tsawantin Samaria tura Jerusaréṉ túrunatniun Muresétnumia̱ Mikíasan Uunt Yus iniaktusmia nuna Mikías etserkamia nuka ju̱i̱ti.

Mik. 3:1

¡Israer shuara uuntri̱ tura Jakup shuara akupniúri̱ árumna nútirmesha antuktarum! ¿Átumchakaitrum nekaska naka péṉker túratin nekaatniutirmeka? Túrasha átumka péṉkera nuka nakitiarme túrayatrum yajauchikia anearme. Tuma asarum Uunt Yus seakrumnisha yajauch túrin asakrumin peṉké ái̱rmakchattarme.

Muis. 27:19

‘Ántsaṉ iraran, mitiaikian tura waje̱ncha níniua nuna atanniuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.