Mik. 3:5 - Yus Papí: Shuarja̱i̱ Yus Yamaram Chicham Najanamu

^5-8 Yúsnan pujurin winia shuarun awajimtikiainia nuna Uunt Yus jú̱nis tíniuiti. Atumniaka kashi ímiaja̱i̱k wáinmasha tura kiritniunam wáakchatniusha atsurtámtiatrume. Yus ái̱kchamu ásar ukunam túrunatniun etserin ainia nusha tura nekamin ainia nusha iniatsá̱rma ártatui. Tura Wikia íksanak Jakup shuar Yusa nakitiáiniamuri̱n paant ujakártinian tura Israer shuarnasha tunaari̱n paant awajtúsartinian Uunt Yusa Wakaní̱ kakarmari̱ pimiutkamuitjiai.

Mik. 3:5 Iomraidhean Croise

Neka. 28:21

Aents métek enentáimtunaischatniuka péṉkerchaiti. Aya apatuk púusar susamuja̱i̱ṉ aents yajauchin túrawai.

Isa. 3:12

Maa, Wí shuartirmeka nekaatarum. Atumí itit awajtámainiaka uchi áiniawai tura nua̱rí̱ nuna úuntri̱ṉkia ajainiawai. Tuma ásar yajauch jintianmaani̱ juramkiar awajimtikramprume.

Jrm. 23:27

Núja̱i̱nchuka mesekrampramuri̱n ni tsaníakmari̱n ujainia nuja̱i̱ yaunchu ni uuntri̱ Páaran enentáimtuiniak Wíniaka kajinmátrukiarmia nútiksaraṉ Wí shuarnaka ¿Winia náarun kajinmamtikiartaj tusaraṉ wakeruiniá?

Jrm. 23:32

Wats ju̱sha nekaata tawai Uunt Yus. Kame Yúsnan etserin mesekar wait ainia nuna etserainiak ni waitri̱ji̱a̱i̱ yuminchin chichasar Winia shuarun awajimtikiainia nuna yamaikia kajerkarjai. Warí Wikia akuptancha akupkacharuitjiai núnisaṉ warí péṉkernaksha jú̱ peprunka peṉké itiarchartatui” tawai Uunt Yus.

Jrm. 6:14

Wi shuar wáitiainia nu yaya̱chiatrum ‘Aṉkant atí, aṉkant atí’ tárume túrasha nekas aṉkant pujuiniatsui tawai Uunt Yus.

Jrm. 6:4

Tuma asamtai yamaikia meset najatatarum. Nantarum tutupin ajasmatai ashintiuktarum. Tsej, ju̱sha iisha urukatjik. Warí tsawantcha amuuki̱ wéak kashi ajatéschaik.

Ukan. 2:14

Atumí Yúsnan etserniuri̱sha nekascha nuna tura wáurtaincha wáinkiaruiti. Tura átum achintrar junaktinian nékainiayat atumí tunaarí̱n nekaartamacharmai. Antsu ujatmákmin áyat wait chichaman imiamtikramprattsa ujatmákarmai.

Isk. 13:9

Tura ántar ímiaja̱i̱k wainiainiana nuna nuyá̱ ‘nekamniuitjiai’ tusar wáitian etserainiana nunasha yamaikia asutiáwartatjai. Tuma ásar nu shuarka Israer shuara úuntri̱ṉkia áchartatui. Núnisaṉ Israer shuara naari̱ aarma áiniana nú papiniumsha ni náari̱nkia áantrachartatui tura Israer shuara nuṉke̱ncha atakka waketkichartatui. Nu túrunamtai Wikia Uunt Yus Ashí Aentsun Úuntri̱ntiaj nuna paant nekarawartatui.

Juir 3:9

Tura ashí uunt nuṉka mátsatka kakaram aents ainia nu mesetan iwiarnatkar iruntrarti tama antuukati.

Mks. 2:8

Túrasha átumka péṉker wekasatniunmaya̱ awajirurme. Túrarum umiktin chichamnum untsurí aents tukumtikiarme. Nu arantcha Wi Riwiji̱a̱i̱ chichaman najanamiaj nusha ti yajauch awajsámarme” tawai Ashí Akupin Uunt Yus.

Mat. 7:15

Aneartarum. Wáitruiniak ‘Wi Yúsnan étserjai’ tuinia nu írunui. Pátatek murikiua áinis yúpichuch áiniawai tura ni enentái̱n nekas úunt ya̱wa̱ áinis áiniawai. Pátatek shiir chichainiawai tura ni enentái̱n yajauch piákuiti.

Rum. 16:18

Nu shuar ii Uuntri̱ Jesukrístunun takainiatsui. Antsu ni wakeramun uminiawai. Tura ti shiir chichasar nékachun anaṉkenawai.