Mik. 3:1 - Yus Papí: Shuarja̱i̱ Yus Yamaram Chicham Najanamu

^1-4 ¡Israer shuara uuntri̱ tura Jakup shuara akupniúri̱ árumna nútirmesha antuktarum! ¿Átumchakaitrum nekaska naka péṉker túratin nekaatniutirmeka? Túrasha átumka péṉkera nuka nakitiarme túrayatrum yajauchikia anearme. Tuma asarum Uunt Yus seakrumnisha yajauch túrin asakrumin peṉké ái̱rmakchattarme.

Mik. 3:1 Iomraidhean Croise

Neem. 13:17

Núnisnak Jutanmaya̱ shuar páantin armia nuna chicharainiakun “Ju̱sha ¿urukamtai atumsha ayamtai̱ tsawantcha yajauch awajrum?

YKan. 14:4

Tunáa takarin ainia nu umitmaktinian wakeruiniak shuar apatku yua nútiksaran Uunt Yusnaka páchitsuk wi shuaran amuinia nuna yajauch túramuri̱n ¿nékainiatsuatska? Nékainiajanta.

Isa. 1:10

Sutumanmaya̱ akupniútirmesha Uunt Yusa chichame̱ antuktarum. Núnisrumek Kumuranmaya̱ aentstirmesha ii Yusri̱ akupkámu chicham anturkatarum.

Isk. 34:2

“Aentsu uchiri̱yá, Israer shuar murikiun wáinin ainia nu chicharainiakum ‘Uunt Yus chichaak “Murikiu wáinin niiṉki wáinmamainiana nuka aneararti. Warí, murikiu wáinniuka murikiun wáinkiachartinkiait” túramprume’ tusam murikiu wáinin ujakárta” tawai.

Isk. 34:3

Nuyá̱ Uunt Yus tuke chichaki̱ wéak “Átumka murikkia péṉker wáintsuk, nekas péṉker nuéram áiniana nu máarum yúakrum nuna ure̱ja̱i̱ṉkia pushí najanarum entsarme.

Ams. 4:1

Pasannumia̱ waaka nuwa̱ Samaria náintri̱n matsatearmena tura kuítrincha núnisaṉ atsumainia wáitkiarmena núnisrumek atumí aishri̱ chichareakrum itiatárum umararmi tárumna nútiram ju̱ chicham antuktarum.

Ams. 6:1

Seuncha tura Samariasha ashí nuṉká naṉkamantua ímianu enentáimtumatsrumeash. Maa pepru uuntri̱ Seúnnum ti shiir pujuinia nusha tura Samaria naintnium aṉkant matsatji tu enentáimtumainia nui̱ Israer shuar ni yaintmaktatji tusar wena nú uuntka aneararti.

1 Kur. 6:5

Natsa̱a̱ruk tusan nuna tájarme. ¿Kame atumíinkia chikichkisha ni yachi̱ itiurchatri̱ péṉker iwiaramnia atsawak?

Muis. 16:18

Tura Uunt Yus nuṉkan amasuítrumna nui̱ ashí péprunam chichama iwiarin sumamtikin tura itiurchatan iwiaratniun unuimiátkaru uunt anaikiarum apujsatarum. Túrasha nekasa nuja̱i̱ métek túruiniakka núkap tsawant iwiaaku pujustatui tura nú nuṉkasha tuke atumniak átatui.