Mik. 2:1 - Yus Papí: Shuarja̱i̱ Yus Yamaram Chicham Najanamu

^1-11 ¡Peakrí̱n tepesar aya yájauchiniak enentáimiainia nusha aneararti! Warí kakarman takaku ásar peṉké tsawa̱rmanumaṉ yajauchinkia túruiniawai. Túrasha nekaata, Uunt Yus chichaak “Jú̱ aentsun yajauchin itiariártajai. Túramka asa̱a̱s íimsatniunkesha tujintkiartatui warí tsawantcha peṉké yajauch átatui. Kame Winia chichampruka péṉker wekaana núnaka péṉkerka awajtsuk. Túrasha átumka Wi shuarka atumí nemasri̱ya̱ nútiksarum kajerarme. Nu yajauch túramunam emesnakrum amukáttarme.

Mik. 2:1 Iomraidhean Croise

Naṉ. 31:29

Wi atumín yajauch awajsatniun jeatsjak túrasha ju̱ kashi ame apá Yusri̱ chichartak ‘Jakup náṉkamsam chicharkaip’ túrutui.

1 Akup. 21:7

Tutai ni nuwe̱ Jisawír aya̱k “¿Amesha Israernum úunt akupniua núniniak nekapeam? ¡Weme yurumúta tura enentáimsam warasta! Jisriirnumia̱ Nawuta uwa ajarí̱nkia auka wi amastatjai” tímiayi.

Istr. 3:8

Nuyá̱ Aman úunt akupniun chicharuk “Ashí nuṉka tesarma ame akupeamunam aents tsakiṉmakaru ámin umirtamainiachu tura ni akupeamuri̱sha nusháa ainia nui̱ pujuiniawai. Nuka pujuiniaksha úunt akupniunka warinmaṉsha yáiniatsui. Tuma ásarmatai ánis pujusárti tusar iniaisacharminiaiti.

Istr. 5:14

Nuna takui̱ ni nuwe̱ Séres núnisaṉ ni amikrí̱sha chicharainiak “Tákumka kajemtikra maatai̱ yakiri̱ seṉkuintia kuntu jeá najanmamtikiawarta. Túram kashin káshik úunt akupin chicharkum Martukíu nui̱ nenatarum titiá. Nu túram tí peṉker yurumtai̱ nampernum úunt akupniuja̱i̱ warasam waya̱ta.” Tuinia nuna Aman antuk nekas péṉkeraiti tu enentáimias kajemtikrar “maatai̱ najanatarum” tímiayi.

Istr. 9:25

Nuya̱ṉka Istir úunt akupin pujamunam wantinkiamtai úunt akupniuka yajauch awajkartin Israer shuaran amuktaj tusa enentáimna nuka niṉki nuja̱i̱ tumá asutniáti tusa papinium tu áarman paant awajsámiayi. Nu uminiakui Amanan ni uchirí̱ji̱a̱i̱ sué̱nam jiṉkiá nenawarmiayi.

YKan. 36:4

Kame peakri̱n tepesar aya yajauchiniak enentáimtú tepen áiniawai. Yajauchiniak unuimiátka ásar ni yajauch enentáimtairi̱nkia kajinmátkitniun peṉké tujintiainiawai.

YKan. 36:5

Uunt Yusá ame waitnenkartutairmeka tura ame chichammiji̱a̱i̱ ímiatrusmek umitiáirmesha náṉkatkachu asa nayaimpia ímianaisha jeawai.

YKan. 58:3

Yusan umircha ainia nuka nukurí̱ya̱ṉ Yusai̱ya̱ kanakiáru áiniawai tura akiiniawarma nuya̱ṉ waakar wáitrin ajainiawai.

Neka. 12:2

Péṉkera túrin ainia núnaka Uunt Yuska “péṉker túrame” tawai. Tura shuar yajauch enentáin takakainia núnaka sumamtikiui.

Neka. 14:22

Shuar yajauchin túrataj tusa e̱a̱inia nu awajiniatsuk. Péṉkeran túrataj tusa e̱a̱inia nuka nekasa nuna tura waitnenkartutai̱ncha wáinkiachartatuak.

Neka. 3:27

Shuar nekas atsuma, yáiṉtin jeakmeka nakittsuk yaiṉtá.

Isa. 29:20

Kame peṉké yajauchiji̱a̱i̱ útsuk takamtikin ainia nuka tura wishikiartincha nuyá̱ ashí yajauchin túrataj tusa naká pujú ainia nuka ashí amukártatui.

Isa. 5:8

Chíkichkia pujuschamnia átumka iik matsamsatai tusarum je̱a̱sha tura nuṉkasha ishichik kuitji̱a̱i̱ sumarmamprarum mash anetearmena nútirmeka aneartarum tí waitsattarme.

Isa. 59:3

Warí atumí uwejé̱n numpak ajasurme tura atumí tsara uwejé̱sha yajauchin máatraiti. Nuyá̱ atumí wene̱ja̱i̱sha wait chicham chicharme núnisaṉ atumí iniai̱ji̱a̱i̱sha ishishmasrum yajauch chicham áujmatrume.

Jrm. 18:18

Takui̱ chichainiak “Káunkatarum Jirimías chícham najatawarmi. Warí, Yúsnan takarniunka chícham jintíamuka taáttsashtatui tura chicharkatniusha neka ainia nunasha taáttsachartatui. Ántsaṉ Yúsnan etserniuncha chíchamka taáttsachartatui. Pai yamaikia winitiárum jiakarmi túrar ni chichame̱ṉka peṉké anturkachartai” tiármiayi.

Isk. 38:10

Uunt Yus Ashí Aentsu Uuntri̱ tuke chichaki̱ wéak “Nu tsawantinkia ti yajauch túratniua nu ame enentáimin tarutrámtatui.

Sak. 7:10

Waje̱sha, mitiaikiasha, yajaya̱ táarusha, kuítri̱ncha ainia nusha ántrarum atankuram wáitkiasairap. Tura yaaksha ni yachi̱n yajauch enentáimtuscharti.

Mar. 15:1

Tura kashin káshik Yúsnan pujurniu uuntri̱, Israer shuara úuntri̱ji̱a̱i̱, Israer shuara jintinniuri̱ji̱a̱i̱ ashí naamka armia nuja̱i̱ irunturar chichaman jurusármiayi. Túrawar Jesusan jiṉkiamun Piratuíi̱n ejeniarmiayi.

Ruk. 20:19

Yúsnan pujurniu uuntri̱ tura Israer shuara jintinniuri̱sha “nu métektaku chichamja̱i̱ iin túramji” tu nekaawar nuikⁱ Jesusan achikiar emetatai tusar wakeriarmiayi. Tura untsurí shuar Jesusan wakeruiniakui ashamainiak túracharmiayi.

Juaṉ 19:11

Tutai Jesussha chichaak “Yus nuna amaschaitkiuiṉkia peṉké tujintkiaintme. Nu asamtai amiin surutka nu ámin naṉkaamas yajauch túriniaiti” tímiayi.

Tur. 23:12

Nuyá̱ kashin tsawa̱rmatai Israer shuar Páprun maatai tusar chichaman jurusármiayi. “Papru máchkurkia yurumtsuk tura peṉké úmutsuk matsamsattaji. Máachrikia yajauchiniam yumiṉkramu atai” tiármiayi.

Tur. 23:15

Tuma asamtai ashí Yúsnan pujurniu náamkari̱ji̱a̱i̱ kapitián seatarum, Papru tatí tusarum. ‘Kashin Papru itiata, titiarum. Papru tana nu iisha nekas nekaatai tusar wakeraji’ titiarum. Túrawakrumin iisha maatai tusar niṉkia táatsa̱i̱ṉ nákaktatji” tiármiayi.

Rum. 1:30

Nu arantcha chikichnasha yajauch áujmatin áiniawai. Yúsnasha nakitiáiniawai. Áimniusha áiniawai. Tura “péṉkeraitjiai” tiar naṉkamantu enentáimtumainiawai. Tunáa túratniun e̱a̱iniawai. Aparí̱ncha nukurí̱ncha umirainiatsui.

Muis. 28:32

Núnisaṉ atumí uchirí̱ncha tura nawantri̱ncha atumsha íimprumni̱ṉ yajaya̱ aentsnum surukartatui. Túrawarmatai ashí tsawantin wáinkiataj tukamarum wáinchakrum wáitnenmai ajakrumsha peṉkesha itiurkashtatrume.