Mik. 1:6 - Yus Papí: Shuarja̱i̱ Yus Yamaram Chicham Najanamu

⁶ Tuma asamtai Samarianka ashí emeskan yajauch awajsattajai. Túram uwa arakmatai nuṉka ajastatui. Nuyá̱ ni pépruri̱n je̱a̱ je̱a̱mkamu ainia nuna kayarí̱nkia pakanmaani̱ akaṉkétraran aya aeprukmari̱ṉ awajtúsartatjai.

Mik. 1:6 Iomraidhean Croise

2 Sam. 17:13

Tura chíkich péprunmaṉsha u̱mkamtaikia antsu nui̱ṉkia ashí Israernumia̱ chápik yaruakarar nu péprunam ashintiukar ashintsa tímianai japikir ikiankartai kayach chikichkisha nui̱ juáka̱i̱ṉ” tímiayi

2 Akup. 18:10

Esekíaska sais uwí akupin pujái̱ Useas Israer shuara akupniúri̱ṉkia nuiwi uwí akupin pujawa̱i̱ Samariaka mánikiarmiayi.

2 Akup. 18:9

Esekías Jutá nuṉkanam úunt akupin kuatru uwí pujái̱ tura Israer nuṉkanam Irá uchirí̱ Useassha siati uwí akupin pujawa̱i̱ Asiria úunt akupniuri̱ Sarmanasár Samariaja̱i̱ mániattsa matsamtúkarmiayi.

2 Akup. 19:25

Nu túrunatniun Wi yaunchu iwiaraitiaj nu ¿antukchakaitiam? Jú̱naka ti yaunchu iwiaraitiaj nuna yamaikia umikjiai. Tuma asamtai ámeka uunt pepru wenuke̱ sá̱a̱rkiaram emestukaruitme.

Isa. 17:1

Tamasku túrunatin étserma. Enentáimpratarum, warí, Tamaskuka úunt pepruya núnaka iniais tsai̱ tsai̱ ju̱yu̱ awajsamu juáktatui.

Jrm. 31:5

Tura Samarianam ayantánmanum takakmasam uwa ataksha araktatme. Kame arakmaaka arakmakar nuna nere̱ja̱i̱ warasartatui.

Jrm. 51:25

Uunt Yus chichaak “Emeskartin naintia, ashí nuṉka emesin asakmin, kajerkan, winia uwejrun iwiaintiukan kayanmaya̱ akaṉkékan aju̱a̱ttajme. Túran náintniaka áesamua nútikiattajme.

Jrm. 51:37

Papirúnianka peṉké emeskan ashí yajasma matsamtai̱ awajsan aentska peṉké pujuschamnia tsuumai̱ awajsamu asamtai wishiktai̱ juáktatui.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Use. 13:16

Samarianmaya̱ aentska ni Yusri̱n nakitiáiniak enentáimtuscharu ásar asutniáwartatui. Kame puya̱ja̱i̱ awatiar núnisaṉ uchincha aji̱a̱rar tura nuwa̱ ajamtin ainia nunasha ajape̱ máwartatui.

Ams. 5:11

Nuna arant kuítrincha ainia nuna arakri̱ya̱ akikmamtikiakrum wáitkiasrum kaya péṉker iwiarkamuja̱i̱ je̱a̱mkarume. Túrayatrumek nui̱ṉkia pujuschattarme. Tura úwa aja tí peṉker ajamkayatrumek nuna yumiri̱ umarchattarme.

Ams. 6:8

Uunt Jiuwá nekas túrattajai tusa Niṉki pachimias chichakuiti. Jiuwá Yus Nayaimpinmaya̱ Suntara Uuntri̱ chichaak “Jakup shuar ti naṉkamantu ajasáruiti túrasha núnaka peṉké muí̱jiajai. Ni akupniuri̱ je̱e̱ncha muí̱jiainiajai tura asam ni pépruri̱ncha tura nui̱ ashí irunainia nunasha ni nemasri̱n íktusan iniaisartatjai.”

Awa. 3:13

Tura amé shuar tura áminiu asuitiji̱a̱i̱ ukatra anaikiamua nusha uwemtikraram aṉkant awajsartaj tusam jiintiukmiame. Túram Yusan enentáimtichu je̱e̱ taṉkiri̱nia̱ tsaíram tépakmari̱n kayanam ejetukmame. (Séraj)

Mat. 24:2

Tura Jesus chichaak “Nu yamái mash wáintrume. Tura nekasan tájarme ukunmaṉka mash sa̱a̱naktiatui. Chikichík kayaksha ekentramuri̱ atsuttawai” tímiayi.