Mik. 1:4 - Yus Papí: Shuarja̱i̱ Yus Yamaram Chicham Najanamu

⁴ Tura naint ainia nusha Ni wajanmaja̱i̱ métek mikia jinium apeam miniá núnikiartatui. Núnisaṉ nuṉka pakasha miniak entsa ama̱a̱ru ajakártatui.

Mik. 1:4 Iomraidhean Croise

YKan. 46:6

Aents itiurchatan matsamtusar charaatum ajainiamunam Yus chichaakuiṉkia akupniúrtiuk kuraṉkiar kaji̱niawai.

YKan. 68:2

Ántsaṉ Ámin enentáimturmachu shuar ainia nuka mukuint aya meṉkaana tura mikia jinium kuar amuwana nútiksam amukártatme.

YKan. 97:5

Uunt Yus ashí nuṉka nérentin asamtai naint ainia nuka mikia núnis Uunt Yus íimmianum kuáraru áiniawai.

Ams. 9:5

Ashí Akupniu Uuntri̱ Uunt Yus nuṉkan antiṉmatainkia ashí miniainiawai túrakui ashí nuṉkanmaya̱ aents útainiawai. Nu arantcha nuṉkasha Ejiptunam Niru entsa nujaṉkrua ku̱yu̱ana núniktatui. Núnisaṉ pujustintri̱n nayaimpiniam je̱a̱meak tépakmari̱ṉkia nuṉká áeprawai tura nayantsaja̱i̱ ashí nuṉkan ukatea nuka Úunt Yusaiti.

Awa. 3:10

Núnisaṉ naintcha waitmakar ú̱u̱rkarmai nuyá̱ entsasha ama̱a̱rak naṉkaamasarmai. Núnisaṉ nánata sáisaintiak arma nusha kakaram untsumainiak uwejé̱n takuiniarmai.

Awa. 3:6

Tura Ni wajasmataiṉkia nuṉkasha muchitiáiniawai núnisaṉ íimiakuiṉkia aentssha purushnintiá ajainiawai. Naintcha tuke irunniuitiat yumpunainiawai. Tura yáunchuya̱ naint tépeprak áiniana nusha Nin tikishmátainiawai. Warí Ni túrutairi̱ṉkia peṉké náṉkatkachuiti.

Sak. 14:4

Nu tsawantinkia etsa̱ tatainmaani̱ Jerusaréṉnum íṉkiuasmak Uriwiu naintia nui̱ Uunt Yus tarimiattawai. Túramtai Uriwiu naintkia etsa̱ tatainmaani̱yá̱ juarki̱ etsa̱ akatainmaani̱ ímianai jímiapetek nakakáttawai. Túrunamtai naint nakakma arakaani̱sha muchitiakui tura chíkich nakakma nu nuṉkaani̱sha muchitiakui paka ti waṉkaram tépaku ajastatui.

Apu. 20:11

Nuyá̱ akupin pujutai̱n úuntan tura tí pújun wainkiamjai. Tura nui̱ pujancha wainkiamjai. Nisha ti kakaram asamtai nuṉkasha nayaimpisha aya meṉkarar tuke atsúarmai.