Mik. 1:1 - Yus Papí: Shuarja̱i̱ Yus Yamaram Chicham Najanamu

¹ Jutanmaya̱ úunt akupin Jutam, Akaas tura Esekías pujusármia nu tsawantin Samaria tura Jerusaréṉ túrunatniun Muresétnumia̱ Mikíasan Uunt Yus iniaktusmia nuna Mikías etserkamia nuka ju̱i̱ti.

Mik. 1:1 Iomraidhean Croise

2 Akup. 15:32

Israernumka Pikia úunt akupin ajas jimiará uwí pujamunam Usíasa uchirí̱ Jutam Jutanmaṉka úunt akupin ajasmiayi. Kame paintiséṉku uwí takaku akupin ajas tiasisáis uwí akupkámiayi. Kame niṉkia péṉkeran túramiayi túrasha najankamu yus enentáimtutai̱ armia núnaka emeskacharmiayi. Jutamka Uunt Yusa Je̱e̱n waiti nekas páantniuya nuna najanamiayi. Nuya̱ṉka mesetan najatawarat tusa Asirianmaya̱ úunt akupniun Resenan tura Israernumia̱ Remarías uchirí̱ Píkian Uunt Yuska Jutá shuaran akuptan naṉkamamiayi. Tura Jutamka jakamtai ni uchirí̱ Akaas Jutanmaṉka úunt akupin ajasmiayi.

2 Akup. 16:1

Kame Akaaska painti uwí takaku Jutanam úunt akupin ajasmiayi. Nisha chíkich túrawarmia núnisaṉ yajauchin túramiayi. Núnisaṉ nu nuṉkanmaya̱ aents túrin armia núnis nisha ni uchirí̱n jinium áesamiayi. Áitkiasaṉ najankamu yus áestutai̱ armia nui̱ ántar súsarmancha tura kuṉkuinniasha áesamiayi. Nuya̱ṉka Sírianmaya̱ úunt akupin Tikratpirisér Israernumia̱ úunt akupniuja̱i̱ Akaas meset najatatai tusar Jerusaréṉnum káutkarmiayi. Túrunamtai úunt akupin Akaas Uunt Yusa Je̱e̱n kuit tura kuri irunmia nuna juuk ántsaṉ akupniu je̱e̱ya̱ncha mash irur Asirianmaya̱ úunt akupniun akuptak chichaak “Wikia ame takarniúrmetjai. Tuma asamtai yamaikia yáintkiata” tu chichaman akuptúkmiayi. Nuna nekáa Asirianmaya̱ úunt akupniuka tarí Akaasan ayamprúkmiayi tura Sírianmaya̱ úunt akupin Resenanka máwarmiayi.

2 Akup. 18:1

Kame Israer nuṉkanam Irá uchirí̱ Useas menaintiú uwí úunt akupin ajas pujái̱ Akaasa uchirí̱ Esekías Jutá nuṉkanam úunt akupin ajasmiayi.

Isa. 1:1

Uunt akupin Usías tura Jutamsha Akaassha nuyá̱ Esekíassha Jutá nuṉkanam úunt akupin pujuarmia nu tsawantin Amusa uchirí̱ Isayas Jutá nuṉkanam tura Jerusaréṉ péprunam túrunattana nuna ímiaja̱i̱k wainkiamiayi.

Isa. 1:2

Nayaimpir nayaimpitirmesha tura nuṉkamsha Uunt Yusa chichame̱ antuktarum. Warí Uunt Yus chichaak “Uchin tsakatmakan unuiniakarmajai. Túramaitiat nisha umirtutsuk kajertukarmai.

Isa. 7:1

Kame Usíasa uchirí̱ Jutam tura Jutama uchirí̱ Akaas Jutá nuṉkanam úunt akupin pujumiayi. Núnisaṉ Siria nuṉkanam úunt akupin Resen tura Israer shuara akupniúri̱ Remaríasa uchirí̱ Píkiaja̱i̱ iruntrar Jerusaréṉ pépruja̱i̱ mániatai tusar káutkarmiayi túrasha nupetkacharmiayi.

Isa. 7:9

Nuja̱i̱ métek Eprainkia uunt pépruri̱ṉkia Samariaiti tura Samaria úuntri̱ṉkia Remaríasa uchirí̱nti. Tura átum nekas enentáimtachkurmeka ti nekas emetnarum pujuschattarme”’” Uunt Yus tíniuiti.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Use. 1:1

Tura Jutanmaya̱ṉka Usías núnisaṉ Jutam tura Akaas nuyá̱ Esekías akupin pujuarmia nui̱ tura Israernumsha Juasa uchirí̱ Jirupuám akupin pujamunam Uunt Yus Pirí uchirí̱ Useasja̱i̱ chichasmiayi.

Ams. 1:1

Kame Jutá shuara akupin Usías tura Israer shuara akupniúri̱, Juasa uchirí̱ Jirupuám pujuiniai̱ ú̱u̱rkatin jimiará uwí taasu ai̱, Tekua péprunmaya̱ áishmaṉkan murikiu wáinniun Amusan Israer shuarnum túrunattana nuna Yus ujakmiayi.

Ams. 6:1

Seuncha tura Samariasha ashí nuṉká naṉkamantua ímianu enentáimtumatsrumeash. Maa pepru uuntri̱ Seúnnum ti shiir pujuinia nusha tura Samaria naintnium aṉkant matsatji tu enentáimtumainia nui̱ Israer shuar ni yaintmaktatji tusar wena nú uuntka aneararti.

Mik. 1:5

Kame ashí nusha Jakup péṉker umikchamuja̱i̱ nuyá̱ Israer shuara yajauch túramuri̱ji̱a̱i̱ nuka túrunattawai. Tura Jakupa umikchamuri̱sha ¿tuit? Nuka Samariachukait. Tura Israer shuara tunaarí̱sha ¿tuit? Nuka Jerusaréṉnumchakait.

Mik. 3:9

Maa, Jakupa shuari̱ uuntri̱ árumna nútirmesha antuktarum tura Israera úuntri̱tirmesha péṉker sumamtiktsuk sumamtikiatin mui̱jmiai̱ awajeakrum nekas péṉkera nu ti yajauch awajearme. Atumí yajauchiri̱n Seunka pukuimiua núniktatui. Jerusaréṉka emeskar aya jú̱nik awajsar tsainiakuri̱ṉkia irumpramu átatui.

Awa. 1:1

Yúsnan etserin Awakúk ukunam túrunattana nuna wainkiamia nu.

2 Pit. 1:21

Warí, Yúsnan etserin aya ní enentái̱ji̱a̱i̱ṉ peṉké etserkacharmiayi. Antsu Yusa Wakaní̱ ni enentái̱n útsuam Yusna nuna etserkarmiayi.