Mar. 9:3 - Yus Papí: Shuarja̱i̱ Yus Yamaram Chicham Najanamu

³ Ni pushirísha ti puju jíitsumir ajattsarmiayi. Nuja̱i̱ métek puju awajsatin ju̱ nuṉkanam atsawai.

Mar. 9:3 Iomraidhean Croise

YKan. 51:7

Uruchji̱a̱i̱ japirtinia núnis tunaar japirturta. Túrutawakmin enentái̱rui̱ṉkia michaja̱i̱ naṉkaamas puju ajastatjai.

YKan. 68:14

Ashí Tujintkiachu Yus úunt akupniun ipiskarmia nui̱ṉkia Sarmun náintniaka micha amuamiayi.

Isa. 1:18

Nuyá̱ Uunt Yus chichaak “Wats winitiárum iiji̱a̱i̱ áujmatsarmi. Atumí yajauch túrutai̱ yamakái̱ya̱ núnisaitkiuisha micha imianú puju awajtústatjarme. Tura atumí tunaarí̱ ti kapa̱a̱kuitkiuisha murikiú ure̱ya imianú puju awajtústatjarme” tawai.

Tan. 7:9

Kame nui̱ imiá wajai̱ṉ untsurí akupin pujuiniamunam akupin pujutai̱niam Tuke Tsawant Pujuwa nu pujusmai. Ni entsarmari̱sha micha timianú puju núnisaṉ intiashí̱sha uruchia timianú puju armai. Tura akupkur pujutái̱ri̱ṉkia ji keá tímianuyi nuyá̱ pujutái̱ri̱ nawé̱ téter wetairi̱ṉkia ji keemai.

Mat. 28:3

Yusa suntarí̱sha peemia tímiatrus wínchauyayi. Pushirí̱sha ti puju áuyayi.

Mar. 9:4

Túruna nui̱ Irías, Muisaisja̱i̱ wantinkiar Jesusja̱i̱ chichainian wáinkiarmiayi.

Ruk. 9:29

Jesus auju pujus nusháa iira ajattsarmiayi. Ni pushirí̱sha ti puju jíitsumir ajasmiayi.

Tur. 10:30

Tutai Kurniriu chichaak “Kuatru tsawant naṉkaamasai̱ tura nantusha ju̱ni̱ ai̱, wikia yurumtsuk Yusan áujsamjai, kí̱arai̱ áujsatin ana nuna. Túran wí chicha̱i̱ṉ áishmaṉ ni entsatái̱ri̱ wincharpátniun naka wajatran wainkiamjai.

Apu. 19:18

Akupniu namaṉké̱sha yuítiarum. Suntara uuntri̱ namaṉké̱sha, kakaram suntara namaṉké̱sha, kawái namaṉké̱sha tura eketainia nuna namaṉké̱sha, kame ashí aentsu namaṉké̱sha naṉkamantu ainia nunasha tura peṉké aents ainia nunasha yuítiarum” untsukmai.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.

Apu. 7:9

Nuyá̱ ti untsurí shuaran wainkiamjai. Ashí nuṉkanmaya̱ nusháa shuaraim iruntraru ásar nekapmarchamnia armai. Tura nusha úunt akupin pujutai̱nium tura Muriknium naka wajaarmai. Tintiuki nuke̱a ániun takaku armai. Tura ashí pújun entsaru armai.