Mar. 7:4 - Yus Papí: Shuarja̱i̱ Yus Yamaram Chicham Najanamu

⁴ Péprunmaya̱ tarí “ikijmiatsuk yurumáshtiniaiti” tiniu ármiayi. Tura ti untsurí ni uuntri̱ túrutairi̱ núnisaṉ ármiayi. “Tsapancha, ichiṉnasha, jiruncha, peaknasha nijiakartiniaiti” tiniu ármiayi.)

Mar. 7:4 Iomraidhean Croise

YKan. 26:6

Winia uwejrunka nijiamaran tunaarincha awajsaitjiai. Nuní̱ túran Uunt Yus áestutairmi yantamén wekasattajai.

Isa. 1:16

Antsu átumka nijiamarum japimiarmena núnisrum tura atumí yajauch túrutai̱ Wi íimmianumka iniaisatarum. Nuyá̱ yajauch túrutai̱sha nekas iniaisatarum.

Jrm. 35:5

Nuiṉkia Rekapa shuari̱ wíniun ukatin eem apujtakun chicharainiakun “Winiu umartarum” tiármajai.

Jrm. 4:14

Maa, Jerusaréṉká uwemprataj tákumka netse enentáim yapaji̱áta. Tura yajauch túruktin iwiarkam takakmena nusha ¿urutáiṉ iniaisatam?

Mat. 23:25

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Átumka tsapasha piniṉsha initiaani̱ nijiatsuk aya pátatek nijiawitrume. Núnisrum pátatek shiir awajmámniuitrume tura enentáiminkia kasamkatniusha tura chikichna wakeruktincha nuja̱i̱ piákuitrume.

Mat. 23:26

Pariséutirmeka kusurua ániuitrume antsu emka initiaani̱ tsapasha piniṉsha nijiaktarum. Túrakrumni̱ṉkia pátatkesha mai̱ péṉker átatui. Núnisrum atumsha atumí enentái̱n ana nu shiir awajsarum pátatkesha shiir átatrume.

Mat. 27:24

Tura Piratu Jesus uwemtikrachminiaitkiui antsu ashí shuar charaatum ajainiakui entsa uturtitiarum tusa seamiayi. Tura ashí iimiainiai̱ṉ ikijmiak chichaak “Ju̱ péṉker áishmaṉ mátniunam wikia pachintsujai. Antsu atumek iistarum.”

Mar. 7:8

Tura átum Yusa Chichame̱ iniaisarum aentsu jintintiámuri̱ umirkarum ichiṉnasha tsapancha nijiaktin tura chíkich túrutai̱sha áintsarmek untsurí túrarme.

Juaṉ 2:6

Nui̱ kayaja̱i̱ najanamu muits entsa yaraatai sais pujuarmiayi. Nú muitsnum Israer shuar ni uwejé̱ncha nawe̱ncha Yus shiir enentáimtursati tusar nijiamau ármiayi. Kame chíkichkia uchaintia tura sian rítrusha entsa yarakmin ármiayi.

Juaṉ 3:25

Tura Juaṉka unuiniamuri̱ Israer shuarja̱i̱ jianaitian naṉkamawarmiayi. “¿Ya imiakratma imiá péṉkerait?” tusar áujmatiarmiayi.

Isr. 9:10

Warí aya yurumátniusha umartincha nijiartincha tura ashí núnisaṉ túratniuja̱i̱ aya pátatek ásarmatai enentáiniam írunna nuna iwiarachmin áiniawai. Antsu Yus nú túratniunka yapaji̱átniuyayi. Tuma asamtai yapajniátsa̱i̱ṉ túratin ármiayi.

San. 4:8

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.