Mar. 7:10 - Yus Papí: Shuarja̱i̱ Yus Yamaram Chicham Najanamu

¹⁰ Kame Muisais yaunchu aar ju̱na tíchamka. Ame apa tura nuku shiir enentáimtusam umirkata.Jiin. 20:12; Muis. 5:16 Shuar ni aparí̱n, nukurí̱ncha yajauchiniam yumiṉkraka nu shuar ti nekas mántamnatniukete.Jiin. 21:17

Mar. 7:10 Iomraidhean Croise

Jiin. 20:12

Ame apasha nukusha shiir enentáimtusam umirkata. Túrakmeka Uunt Yus ame Yúsrum nuṉkan suramsana nui̱ núkap tsawant iwiaaku pujustatme.

Jiin. 21:17

Aents ni aparí̱ncha nukurí̱ncha yajauchiji̱a̱i̱ yúmiṉkia nuka nekas mantamnatniukete.

Neka. 20:20

Ni aparí̱n nukurí̱ncha yajauchiniam yúmiṉkia núnaka ni iwiaakmari̱n jurukí̱ kirit téenam apujsattawai.

Neka. 30:17

Uchi ni aparí̱n wishikniua núnaka tura nukurí̱ chichareamsha kajek áimniua núnaka kayanmaya̱ pinchu ji̱n ukuitkiamtai yapú uchirí̱ naintia kaketukar ji̱n yuruawartatui.

Riw. 20:9

Aents aparí̱nkisha núja̱i̱nchuka nukurí̱nkisha yúmiṉkiakka páchitsuk jákatniuiti. Warí ni aparí̱n núja̱i̱nchuka nukurí̱n imia niṉki makumaruiti.

Mat. 15:4

Iis, Yus chichaak ‘Ame apasha nukusha ti shiir enentáimtusrum umirkatarum.’ Tura ‘Aents ni aparí̱ncha tura nukurí̱ncha yajauchi yúmiṉkiakka nu shuarka páchitsuk mantamnati’ tíchamkia.Jiin. 20:12; 21:17; Muis. 5:16

Mar. 10:19

Yus akupkámu nékatsmek. Ju̱ áiniawai, tsanirmawairap, maṉkartuawairap, kasamkairap, chíkich shuar tsanumprurairap, anaṉkartuawairap, apasha nukusha umirkatarum. Nu áiniawai” tímiayi.Jiin. 20:12-16; Muis. 5:16-20

Muis. 27:16

‘Núnisaṉ uchi aparí̱n nukurí̱ncha yajauch enentáimtinkia yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

Muis. 5:16

Atumí aparí̱sha tura nukurí̱sha ti shiir enentáimtusrum arantúktiniaitrume. Nu túrakrumka nu nuṉkanmasha tí peṉker tura untsurí tsawant pujustatrume.