Mar. 5:2 - Yus Papí: Shuarja̱i̱ Yus Yamaram Chicham Najanamu

² Jesus kanunmaya̱ jiinkimtai áishmaṉ iwianchruku, shuar jakaa iwiartai̱niumia̱ wárik taa Jesusan iṉkiuṉmiayi.

Mar. 5:2 Iomraidhean Croise

Isa. 65:4

Túmainiak shuar iwiarsamunam pujuiniawai tura káshikia ú̱mak pujuiniawai. Kame kuchí namaṉké̱ncha yuíniawai tura ni ichiṉnari̱ṉkia mui̱jmiai̱ yúchatai yumiri̱ pimiasuá wéarainiawai.

Mar. 1:23

Nu tumai̱ iruntai̱niam áishmaṉ iwianchruku pujá untsumuk

Mar. 1:26

tutai íwianch áishmaṉkan ukurak ajakniṉkiar untsumak kaka̱a̱r jiinkimiayi.

Mar. 3:30

“Jesuska iwianchrukuiti” tuíniakui Jesus nuní̱ tímiayi.

Mar. 3:9

Untsurí káunkar chanuntawara̱i̱ṉ tusa Jesus ni unuiniamuri̱n kanuram inianástarum tusa seamiayi.

Mar. 4:1

Nuyá̱ jiinkí̱ antumiaṉka yantamén Jesus ataksha unuiniartinian juárkimiayi. Tura untsurí shuar iruntrarmatai kanunam eṉkempramiayi. Shuarsha antumiaṉka kaanmatkari̱n pujuarmiayi.

Mar. 4:36

Tutai kanunam eṉkemprarmiayi. Chíkich shuarnaka kaanmatkanam ikiuiniak Jesusan kanunam eṉker júkiarmiayi. Chíkich kanunmaya̱sha atampriarmiayi.

Mar. 5:21

Ataksha Jesus kanuja̱i̱ katiṉmatai aents untsurí Nin irunturarmiayi. Jesuska antumiaṉka kaanmatkari̱ wajamiayi.

Mar. 5:3

Nu shuar iwiartai̱nium tuke pujuyayi. Tura jiruja̱i̱nkia nin jiṉkiatniun tujintkiarmiayi.

Mar. 7:25

Wárik nu nuṉkanmaya̱ nuwa̱ Jesus pujan nekaamiayi. Nu nuwa̱ nawantri̱ íwianch eṉkemtuamuyayi. Tuma asa Jesusan tarí ni nawe̱n piniakum tepersamiayi.

Ruk. 8:27

Kanunmaya̱ Jesus jiinkimtai nu péprunmaya̱ áishmaṉ Nin tarunmiayi. Nú aishmaṉsha yaunchu iwianchrukuyayi. Misú wekas je̱á̱ pujutsuk aents iwiarsamunam pujuyayi.

Ruk. 9:42

Tura uchi winian íwianch nuṉká aju̱a̱nt chichichiptu aepsamiayi. Tura Jesus iwianchin kakantar chicharkamiayi. Tura uchin péṉker awajás ni aparí̱n awaṉtuki̱ susamiayi.