Mar. 2:12 - Yus Papí: Shuarja̱i̱ Yus Yamaram Chicham Najanamu

¹² Nu chichamaik emearu wajaki̱ tampuri̱n jukí̱ ashí iimiainiamunmaṉ jiinkimiayi. Nuna túrunamtai ashí iit iit ajarmiayi. Tura “jútikiamu peṉké wáinchaitji” tiar Yusa náari̱n uunt awajsarmiayi.

Mar. 2:12 Iomraidhean Croise

Mat. 12:23

Nuna wáinkiar shuar shiir enentáimprar chicharainiak “¿Tawitia uchirí̱ pampaṉku iniaṉnamu uwemtikkiartin tátinia nuáshit?” tiármiayi.

Mat. 15:31

Kame chichachusha chichainiakui, tsupirkamusha péṉker ajainiakui, shutuapsha péṉker wekainiakui, kusurúsha imiainiakui nuna iisar Israera Yusri̱n shiir yumiṉsarmiayi.

Mat. 9:33

Tura Jesus yajauch wakaní̱n ji̱i̱rki̱ akuptúkam nu chichachu chichakmiayi. Ashí nuna iisar ti enentáimprar chichainiak “¡Yáunchusha Israernum ju̱ja̱i̱ métek túramu peṉké wáinkiachmaiti!” tiármiayi.

Mat. 9:8

Tura nuna Yus kakarman shuaran susa asamtai ashí aents wáinkiar ashamkar Yusan shiir enentáimtusarmiayi.

Mar. 1:27

Nuna wáinkiar ashamkar nuamtak aniniaisar “¿Ausha warinkit. Yamaram chicham warí chichamait? Ju̱ Jesuska timiá kakaram asa ímia iwianchin akupeatsuk. Iisiana umirainiatsuk” tiármiayi.

Mar. 2:11

“Wajaktia tájame túram tampuram jukim je̱e̱miin wetá” tímiayi.

Ruk. 13:13

Nuna tinia ni uwejé̱ja̱i̱ antiṉmiayi. Tura nú chichamaik nuwa̱sha paṉkái̱ nakuenkamiayi. Tura Yusa náari̱n uunt awajsámiayi.

Ruk. 17:15

Nuyá̱ chikichik ni tsuámarman nekáa kakantar chichaki̱ Yusa náari̱n uunt awajki̱ waketki̱ Jesusan tarimiayi.

Ruk. 5:26

Túmakui̱ ashí shuar ti enentáimprar Yusa náari̱n shiir awajsarmiayi. Tura ashamainiak “aentsti tujintkiamu yamái wainkiaji” tiármiayi.

Ruk. 7:16

Tura matsamiarmia nu, nuna wáinkiar ashamkarmiayi. Tura Yusa náari̱n shiir awajsarmiayi. Tura chichainiak “Yúsnan etserniuchukait Nisha. Ataksha Yúsnan etserin uunt ana nu tarutramji” tiármiayi. Tura “Israer shuarti Niniu ájinia nuna yaintmaktai tusa Yus tarutramji” tiármiayi.

Juaṉ 7:31

Tura untsurí shuar Niin enentáimtusar “Kristu taa ¿nuna naṉkaamas aentsti tujintiamun túratpiash?” tiármiayi.

Juaṉ 9:32

Yáunchusha kusuru akiinian tsuáruka peṉké atsuwiti.

Tur. 4:21

Shutuap péṉker ajasmia nu kuaraintia uwí naṉkaamas takakuyayi. Ni péṉker ajasmari̱n aents nekaawar “ju̱ka aentsti túrachminiaitji” tusar Yusa náari̱n uunt awajsarmiayi. Tuma asamtai aentsu uuntri̱ Pítruncha Juaṉnasha asutiátai tukamá aentsun ashamainiak áyatik chicharkar iniaisarmiayi.