3 Tura ‘¿Urukamtia áitkiarum?’ turamainiakuisha ‘ii Uuntri̱ wakerawai’ titiarum” tímiayi.
Ame akupkatin tsawantruminkia Áminiu ainia nuka ni enentái̱ji̱a̱i̱ṉ pushiri̱ncha péṉkeran entsarar káshik sanamána, áintsaraṉ tuke tsawant Ámin suramsartatui.
Ju̱ nuṉkasha tura ju̱ nuṉkanam ashí irunainia nusha takamtsuk Uunt Yusna áiniawai. 1 Kur. 10:26
Tura émtikiuk chicharuk “Aatunini̱ pépruchiniam werum nuiṉ umpuru uchich jiṉkiamu wainkiattarme. Nu umpuruka tuke entsamprukchamuiti. Nu atíarum utitiarum.
Tutai wéarmiayi. Tura umpurun wáitiniam a̱a̱ni̱ jiṉkiamun jintiá yantamnum wajan wáinkiar atíawarmiayi.
Nu nérentin yakí̱ uunt tesamunam ashí iwiaramun iniakturmastatrume. Nui̱ námper ii najanatin iwiaratarum” tímiayi.
Tura nuyá̱ Yus shuar Yusan áujainiak ju̱na chichainiak “Ii Uuntri̱, Amesha ashí shuara enentái̱ nékame. Ju̱i̱ awai jimiará áishmaṉ. Jútas yajauchin tura jákatniunam wéak akatrámu takatan ikiukmiayi. Yamaikia Jútasa takatri̱ achikiat tusam ¿túa achikium, Uuntá? Paant iniakmasta.” Tu áujsarmiayi.
Yuska shiir chichaman Israer shuarun akuptúkmiayi. Nui̱ chichaak ‘Shuar Jesukrístu náari̱n páchiakka Yusja̱i̱ nawamnaikiatin átiniaiti. Nú Jesukrístu ashí shuara Úuntri̱nti’ tímiayi Yus.
Nisha aents yaintkiat tusa atsumatsui. Warí, imia niṉki Nisha ii iwiaakmari̱n, ii mayattairi̱ncha tura ashí írunna nunasha súramtsujik.
Ii Uuntri̱ Jesukrístu waitnenkartutairi̱ nékarme. Ashí takakuyayi tura atumín anenma asa kuítrincha núnisaṉ ajasmiayi. Ju̱ nuṉkanam kuítrincha núnis ajasmatai átum nayaimpiniam kuítriniak tusa túramiayi.