Mar. 1:8 - Yus Papí: Shuarja̱i̱ Yus Yamaram Chicham Najanamu

⁸ Wikia entsaja̱i̱ṉ aya aya̱shmin imiaajrume antsu Niṉkia imiantinia ánis Yusa Wakaní̱ atumí enentái̱n eṉketramprattarme” tímiayi.

Mar. 1:8 Iomraidhean Croise

Neka. 1:23

Antsu wi tájana nuja̱i̱ seertarum. Wi nekatai̱ asan wakantruja̱i̱ jintintiakun paant nékamtikiattajrume.

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Juir 2:28

Tuma asamtai ju̱na ukunam Winia Wakantrun ashí aentsun akuptúkartatjai. Nuja̱i̱ atumí uchirí̱sha núnisaṉ atumí nawantri̱sha Yúsnan etseriartatui tura úuntach ainia nuka mesekramiartatui. Núnisaṉ nátsaka ímiaja̱i̱k paant wainiartatui.

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Mar. 1:7

Nisha aentsun ujaak chicharainiak “Wíji̱a̱i̱ṉkia naṉkaamas ana nu winia ukurui̱ winittiawai. Nisha nekas ii Uuntri̱ asamtai wikia tsuntsumpruán ni sapatri̱ jiṉkiamuri̱nkisha atitrachminiaitjiai.

Mar. 1:9

Juaṉ aentsun imiak pujurainiai̱ Jesuska Nasarét pepru Kariréanam ana nuyá̱ jiinkí̱ Juáṉkan tarimiayi. Tura Juaṉ Jurtannum Jesusan imiaimiayi.

Ruk. 3:16

Tumai̱ Juaṉ ashí aentsun chicharainiak “Wikia aya entsá ímiajrume. Tura wiji̱a̱i̱ naṉkaamas kakaram winiawai. Tuma asamtai ni sapatri̱ jiṉkiamuri̱nkisha atitrachminiaitjiai. Nisha taa imiantinia ánis tura jiya ánis Yusa Wakaní̱n eṉketramprattarme.

Juaṉ 1:26

Tutai Juaṉsha chichaak “Wikia entsaja̱i̱ṉ imiakratjai. Kame Aents átum wáinchatai atumín wajaawai.

Juaṉ 1:33

Nu túmatsa̱i̱ṉkia Niṉkia nekaachmajai. Tura Yuska winia imiakrattinian akuptak ‘Chikichik shuarnum Yusa Wakaní̱ tara ekemsa wainkiam nuja̱i̱ nekaattame. Yusa Péṉker Wakaní̱ji̱a̱i̱ imiakratniua núiti’ turutmai. Tura núja̱i̱ṉkia Nin nekaamjai.

Tur. 1:5

Tuke enentáimsatarum. Juaṉ entsaja̱i̱ atumí aya̱shi̱n imiatmimiarme. Túrasha wárik Yusa Wakaní̱sha atumniasha tarutmar atumí enentái̱n eṉkemprutmattarme. Nusha enentái̱ imiantinia áintsaṉkete” tímiayi.

Tur. 10:45

Tuma ásar aṉkant aṉkant chíkich chichamja̱i̱ chichasarmiayi. Túmainiak “Yus tí peṉkeraiti” tiármiayi. Tura Israer shuar Yus shuar armia nuka Pítruja̱i̱ taarmia nu nuna antukar ti enentáimsarmiayi. Maa, Yusa Wakaní̱sha Israer shuarcha ainia nunasha tarurcharaik, tu enentáimsarmiayi

Tur. 2:17

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

Tur. 2:4

Tuma asamtai Yusa Wakaní̱ ashí ni enentái̱n pimiutkarmiayi. Túram chichasarat tusa Yusa Wakaní̱ ni nekatairi̱ súsarmiayi. Tuma asamtai nuja̱i̱ nisha chíkich chichaman chichasarmiayi.

1 Kur. 12:13

Tura imianiakrin Yusa Wakaní̱ chikichik awajtámsamji, Kristu aya̱shí̱ya áintsaṉ. Israer shuarsha, Israer shuarchasha, ti itiurchat takaana nusha, aṉkant ainia nusha, ashí yamái chikichik ajasuitji. Tura Yusa Wakaní̱ pimiutkamuitji Niji̱a̱i̱ tsaniṉkia pujakur.