Kurs. 1:3 - Yus Papí: Shuarja̱i̱ Yus Yamaram Chicham Najanamu

³ Iisha atumín Yus áujtakur ii Uuntri̱ Jesukrístu Aparí̱ Yus ashí tsawant yúmiṉkiaji.

Kurs. 1:3 Iomraidhean Croise

Rum. 15:6

Nuja̱i̱ ashí métekrak Yus shiir awajsattarme. Nisha ii Uuntri̱ Jesukrístuncha Aparí̱nti.

1 Kur. 1:4

Yusan áujkun yumiṉsan atumín shiir enentáimtajrume. Jesukrístuja̱i̱ tsaniṉkia pujakrumin Yus shiir enentáimturmawai.

2 Kur. 1:3

Ii Uuntri̱ Jesukrístu Aparí̱, ii Yusri̱ ana nuna naari̱ uunt awajsatai. Nisha ii Aparí̱nti. Iin waitnentramaji. Tura Nisha ii Yúsri̱nti. Tuma asa iin tuke atsaṉtamji.

Ipi. 1:15

Átum ii Uuntri̱ Jesukrístu nekas enentáimtamuncha tura ashí Yus shuarja̱i̱ shiir awajnáiyamuncha antukjai.

Ipi. 6:18

Yusa Wakaní̱ji̱a̱i̱ Yus áujeakrum tuke seatniuitrume. Tura tuke aneara pujustarum wake mesetsuk tura ashí Yus shuar ainia nusha Yus áujtustarum.

Jir. 4:6

Itiurchat enentáimsatin atumji̱a̱i̱ peṉké atsutí. Antsu tuke Yus áujkum ashí itiurchatrum ujakta. Atsumamuram Yus seatá. Túram Yus yumiṉsata.

Kurs. 1:13

Yus iwianchin nupetak íwianch akupeana nú kiritniunmaya̱ uwemtikramar ni aneamu Uchirí̱ akupeana nui̱ wearmákmiaji.

Kurs. 1:9

Iisha nu antukar Yus ashí tsawant áujtajrume. Yus ni wakeramun ti paant nekaprutmawarat tusar seaji. Ashí Yúsnan ni enentáimtairi̱ji̱a̱i̱ ashí Níniun paant nekaatniun Yus jintintramat tusar seaji.

1 Tis. 1:2

Iisha Yus áujkurkia atumniasha tuke enentáimtusar Yus shiir yumiṉsaji.

2 Tim. 1:3

Tsawai̱sha káshisha Yusan áujeakun ámin tuke enentáimtusan ti shiir Yusan yúmiṉkiajai. Winia we̱a̱tur túrawarmia nútiksanak Yusan enentáimtakun ti shiir awajeajai.