Juaṉ 9:5 - Yus Papí: Shuarja̱i̱ Yus Yamaram Chicham Najanamu

⁵ Jú̱ nuṉkanam pujakun shuara enentái̱n tsáapnimtikratniuitjiai” tímiayi.

Juaṉ 9:5 Iomraidhean Croise

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 4:16

Nu aents kiritniunam pujuiniayataṉ ti tsáapninian wáinkiarmiayi. Jákatniunam pujuiniai̱ tsáapin tsáapnirmiayi.” Isa. 9:1-2

Mat. 5:14

Tura átumka ju̱ nuṉkanam shiripkia áintsaṉketrume. Kame nainniumka pepru úmkachminiaiti.

Ruk. 2:32

Israer shuarcha ainia nu tsáapninium wekasarat tusa akuptúkmaiti ju̱ Uchi. Isa. 9:2; 42:6; 49:6 Tura Israer shuar Áminiuram ájinia nuna ashí aents shiir enentáimtikrarti tusam ju̱ Uchi akuptúkmaitji. Nuna wainkian shiir enentáimsan jákatniuitjiai” tímiayi.

Juaṉ 12:46

Wikia tsáapnin asan Winia enentáimturainia nuka kiritniunam wekasa̱i̱ṉ tusan ju̱ nuṉkanam táwitjiai.

Juaṉ 8:12

Ataksha Jesus Yusa Uunt Je̱e̱n iruntrarun chicharainiak “Ju̱ nuṉkanam Wi tsáapninia áintsan shuara enentái̱n paant awajtajai. Ashí Wiji̱a̱i̱ tsaniṉ wekaana nú shuar kiritniunam wekasashtatui antsu shuar iwiaaku pujuwa nu tsáapninium wekasattawai” tímiayi.

Tur. 13:47

Nu túratarum tusa Uunt Yus akuptamtsujik. Iis, ni Papiri̱i̱n ju̱na tawai ‘Israer shuarcha Winia nekarawarat tusan anaitiukjame. Tura ashí nuṉkanmaya̱ aents uwemprarat tusan akupeajme’” tímiayi.Isa. 42:6; 49:6

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Tur. 26:23

Krístuka wáitsatniuyayi tura jakasha émak nantaktiniuyayi, ii uuntri̱ tiniu ármiayi. Tura Krístuka nantaki̱ Yusa Chichame̱n íi aentsun tura Israer shuarchancha nútiksaṉ ujaktiniuyayi. Nuna tu tiármiayi. Tura núnaka wisha tu ujainiajai” tímiayi Papru.

Ipi. 5:14

Nu asamtai Yus Papinium tawai “Kanaruitme nu shintiarta. Jakamunmaya̱ nantaktia. Tura Kristu tsáapin awajtúrmastatui.” Isa. 60:1

Apu. 21:23

Nú peprunmasha tsawái̱ nantusha kashí nantusha atsumchamai. Antsu Yusa winchari̱ tsáapin awajmiai. Núnisaṉ Muriksha tsáapin awajmiai.