Juaṉ 9:34 - Yus Papí: Shuarja̱i̱ Yus Yamaram Chicham Najanamu

³⁴ Nui̱ṉkia chicharainiak “Ámeka tunaarintin akiiniaitiatmesha ¿iin jintintin átaj tamek?” Nuna tiar ji̱i̱ki̱ awemarmiayi.

Juaṉ 9:34 Iomraidhean Croise

Naṉ. 19:9

Tutai nisha “Ámeka éṉkatmasta” tiármiayi. “Warí amesha ju̱ya̱chuitiatmesha ¿urukamtai iin akupkataj tusam wakeram? Wáinkiata. Irarumji̱a̱i̱ naṉkaamas yajauch ámin awajsattajnia nu nekaamata” tiármiayi. Nuya̱ṉ Ráutan kárut shitiawar waiti kupiktai tusar weantkarmiayi.

Juup 14:4

Yajauchia nuyá̱ péṉker awajsámniasha ya aa, chikichkiksha peṉké atsawai.

Juup 25:4

¿Itiura aentssha Yus iismasha tunaarinchasha áminiait? ¿Itiura nuwa̱nmaya̱ akiiniasha tunaarincha áminiait?

YKan. 51:5

Akiiniamiaj nuya̱ṉ yajauch túratniun akiiniaitjiai. Wisha winia nukuruí̱ya̱ṉ tuke tunaarintin najanaruitjiai.

Jiin. 2:14

Nu tutai Israer shuar Muisaisan aya̱k “¿Amincha ya ii uuntri̱ tura sumamtikin atá tusasha anaitiámkama, nu turuttinia. Ejiptunmaya̱ aents mámamna áitkiasmek winiasha mantuataj túruttsumek?” tímiayi. Tu chicharam nekas nekaracharukait tu enentáimias Muisaiska sapijmiakmiayi.

Neka. 22:10

Shuar wishikkiartinkia ji̱i̱ki̱ awemata. Nu túramka katsumnaikiatniusha núnisaṉ emesmaktincha atsuttawai túram nuya̱ṉka aṉkant pujustatme.

Neka. 26:12

Shuar nékaitjiai tu enentáimtumawa nu ¿wáiniukaitiam? Túrasha nétsea núnaka níji̱a̱i̱sha naṉkaamas yapaji̱ámniari̱ awai.

Neka. 29:1

Aents chicharmaitiat kattsuntsuk yajauchi túruki̱ wéamuri̱ji̱a̱i̱ aya aneachma iwiarnatsuk jakamniaiti.

Isa. 65:5

Tura nisha chichainiak ‘Weantúrkaip íkiaṉ wajasta. Warí iikia ámiji̱a̱i̱ naṉkaamas tí peṉker tunaarinchaitjiai’ tuíniawai. Nuka Winia nuji̱rui̱ṉkia mukuintiua núnis áiniak tsawant takamtsuk ji tí keak tuke kapa̱a̱na núnin áiniawai.

Isa. 66:5

Átum Uunt Yusa chichame̱ ántakrum sapijmiatirmeka Uunt Yusa chichame̱ antuktarum. Atumí yachi̱ Winia enentáimturkurmin muí̱jramainiak ji̱i̱ki̱ akuptámainiana nu chichainiak ‘Uunt Yus naṉkamantu awajsatarum. Túrakrumin atumí waramuri̱ wainkiartai’ tuíniawai túrasha niṉkia natsanmai̱ awajkámu ártatui.

Ruk. 11:45

Nuikia Israer shuara jintinniuri̱ chikichik Jesusan chicharuk “Uuntá, nu tákum iincha yajauch chichareame” tímiayi.

Ruk. 14:11

Iimiata, ‘peṉkerintjiai’ tu enentáimtuma nuka péejchach awajnástatui. Tura ímianchach enentáimtumana nuka waantu ajastiniaiti” tímiayi.

Ruk. 18:17

Uchi ni úuntri̱n umira núnisaṉ shuar Yusan umireachkunka Yus ni enentái̱n akupin ajaschamniaiti” tímiayi Jesus.

Ruk. 6:22

Núnisaṉ atumín aents nakitrámprarmataisha ajapramawarmataisha tura Wi Aents Ajasu tutaiya nú shuar ajasuíti tusar tsanumprutmak katsekramkarmataisha shiir enentáimpratarum.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Juaṉ 8:41

Antsu atumí uuntri̱ túrana áintsarum túrarme” tutai nisha chicharainiak “Warí tsanirnumia̱ akiiniachuitji. Ii uuntri̱ Yúskete. Nisha ii Aparí̱nti” tiármiayi.

Juaṉ 9:2

Ni unuiniamuri̱sha aniasarmiayi “Uuntá, ju̱sha ¿urukamtai kusuru akiiniawit. Yana tunaari̱ji̱a̱i̱ṉ kusuru akiiniait. Níniuja̱i̱mpiash, aparí̱niuja̱i̱mpiash túrunawit?” tiármiayi.

Juaṉ 9:22

Sapijmiak tiármiayi. Israer shuara úuntri̱ṉkia “Jesus Yus akupkámu asa nekas Krístuiti” tuinia núnaka Israer shuara iruntai̱nmaya̱ ji̱i̱ki̱ akupnákti tiniu ásarmatai tsuarma aparí̱ ashamkarmiayi.

Juaṉ 9:35

Kusurú tsuarman ji̱i̱ki̱ awemarma nuna Jesus nekaamiayi. Tura wainiak “Yusa Uchirí̱a nu enentáimtamek” tímiayi.

Juaṉ 9:40

Tutai Pariséu shuar nui̱ pujuarmia nu nuna antukar “¿Nuiṉkia iikia kusurúkaitiajⁱ?” tiármiayi.

Kar. 2:15

Iikia nekas Israer shuaraitji. Israer shuarcha, tunáa ainia ániuchuitji.

Ipi. 2:3

Ashí iisha núnisrik yaunchu nu shuarja̱i̱ métek ii aya̱shí̱ wakeramu umirniuyaji. Tura ii aya̱shi̱ wakeramusha núnisrik ii enentái̱ wakeramusha umirniuyaji. Tuma asar tunaaja̱i̱ akiinia asar chíkich shuarja̱i̱ métek ti kajernákmiaji.

1 Pit. 5:5

Tura natsatirmesha atumí uuntri̱ umirkatarum. Kame yaunchu Yus Papinium aarma asamtai ashí Yus shuartiram naṉkamantu enentáimtumatsuk umirnaikiatarum. “Waantu enentáimtuma núnaka Yus nakitiawai. Antsu naṉkamantuchu enentáimtuma nuna Yus waitnentak yaya̱wai.” Neka. 3:34

3 Jṉ. 1:10

Nu asamtai nui̱ jean ni yajauch túramun etsertuktatjai. Ni ántar ti áujmatuk tsanumprutmaji. Tura nu arantcha Yúsnan takainia nu irainiakui awayá̱iniatsui. Tura chíkich awayá̱taj tákuisha suritiawai. Tura nuyá̱ Yus shuarja̱i̱ iruntratniun surimiawai.

3 Jṉ. 1:9

Ashí Yus shuar árumna nuna papin akuptúkmajrume. Kame nékajai, Tiútrepes naṉkamantu enentáimtumak ii tájinia nuna umiktinian nakitiawai.

Apu. 13:17

Entsaya̱ Yajasma náari̱n tura wakerakka ni naari̱ númiruri̱n anujtúktiniuyi. Túrachuka sumatnasha sumakchamniuyi, surutnasha surukchamniuyi.