Juaṉ 9:31 - Yus Papí: Shuarja̱i̱ Yus Yamaram Chicham Najanamu

³¹ Paant nékaji tunaarinniun Yus anturtsui. Tikishmatar ni wakeramun túruinia nunak anturui.

Juaṉ 9:31 Iomraidhean Croise

Naṉ. 19:29

Nuní̱ Raut nuik pujuuya nú nuṉka pakarí̱i̱n írutkamu armia nuna Yus emesrarmiayi. Warí Aprajáman enentáimtus ni kaná uchirí̱n Ráutan nuṉka émesmanumia̱ ji̱i̱ki̱ uwemtikramiayi.

Naṉ. 20:7

Yamaikia Aprajáma nuwe̱ awaṉtuktia. Túrakminkia nisha Yúsnan etserin asa ame iwiaaku pujustinian seatramtiatui. Antsu ni nuwe̱ awaṉtachkumka amesha tura amé shuarsha ashí jakattarme” tímiayi Yus.

Juup 42:8

Yamaikia Juupai̱ wetarum tura wéakrum waaka uchirí̱ siati nuyá̱ murikiu uchirí̱sha siati jukitiarum. Tura nuna maa áesturmak atumín seatramarti. Niṉkia nekas anturkattajai. Antsu nuiṉkia átum winia takartin Juup enentáimturna tímiatrus winia péṉker chichartukcha asakrumnisha yajauchikia awajkashtatjarme.”

YKan. 106:23

Tuma asamtai Uunt Yus Israer shuaran amuktinian enentáimtakui ni anaikiamuri̱ Muisais Yus tsaṉkurarat tusa seatcharuitkiuiṉkia amukara̱a̱yi.

YKan. 143:10

Ame wakeramurmin túrataj jintintruata. Warí Ámeka winia Yúsruitme, Ame péṉker Wakanim nuṉka paka wéamunmaani̱ jurukti.

YKan. 145:19

Kame Uunt Yusan ashamak enentáimtuinia núnaka ni wakeramun umirniuiti. Núnisaṉ yainkiai tusa untsumkuisha anturak uwemtikrattawai.

YKan. 18:41

Untsumiármai túrasha yaki uwemtikrat atsumai. Úunt Yusnasha untsúarmai túrasha Nisha ái̱kcharmai.

YKan. 99:6

Muisaiska Araunja̱i̱ nisha núnisaṉ Yúsnan pujurin armia nui̱ páchitkia ármiayi. Núnisaṉ Yusa náari̱n pachin armia nui̱ Samuirsha páchitkiauyayi. Tura Jiuwaka untsúam Nisha ai̱ wéarmiayi.

Neka. 15:29

Nin enentáimtichu ainia nuyá̱ Uunt Yuska arant pujuwiti. Túrasha péṉkera túrin ainia nu seamka anturniuiti.

Neka. 21:13

Shuar kuítrincha “yaintkiai” támaitiat anturchaka nisha ukunam “yaintkiai” tusa seameakui peṉké umirnakchattawai.

Neka. 28:9

Aents Yus akupeamun umiktinian nakitiayat seá núnaka Yuska peṉké mui̱jmiai̱ iyaawai.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Jrm. 11:11

Tuma asamtai Uunt Yus chichaak “Wi nu aentsun itiurchatan itiariártatjai túrasha nuya̱ṉka ú̱mkatniuka atsuttawai. Nuyá̱ Winia untsurkartatui tura untsurainiakuisha Wi peṉké anturkachartatjai.

Jrm. 15:1

Nuiṉkia Uunt Yus turutmiai “Muisais Samuirja̱i̱ Israer shuar waitnentrarai tusa seatainiakuisha Winia wakantruka jú̱ aentsja̱i̱ṉ pujuscharainti. Wi pujamunmaya̱ ji̱i̱ki̱ aju̱i̱tiá tura ininmainiakuisha ¿tui̱ṉ wéartajⁱ? turamainiakui jú̱nisam tiartá. Jákatin wea nuka jákatniun wéarti tura mesetnum wéartin tusa anetkámu ainia nuka mesetnum wéarti. Nuyá̱ tsukanam wétin tusa anetkámu ainia nuka tsukanam wéarti tura achirtin tusa anetkámu ainia nuka achintratniunam wéarti tu ái̱kiarta. Kuatru yajauchiji̱a̱i̱ túratin anetkámu awai. Mesetcha ya̱wa̱sha nanamtincha yajasmasha yuáwar emeskartatui. Ashí uunt nuṉka mátsatka ainia nui̱ Manasés Jutanmaya̱ úunt akupin Jerusaréṉnum túrama nuja̱i̱ natsanmai̱ ártatui. Maa Jerusaréṉká amincha ¿yaki waitnentramprat? Ámeka Winia ikiurkímiame. Tura asakmin uwejrun iwiaintiukan emeskattajme. Warí wait ané anentú pimpirkijme” tawai Uunt Yus.

Sak. 7:13

Kame untsuamash anturtukcharu ásarmatai ni untsurainiakuisha Wisha núnisnak anturkachartatjai tawai Ashí Akupin Uunt Yus.

Juaṉ 11:22

Tura tuke nékajai ashí Yus seamna nuna súramui” tímiayi.

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 4:34

Tuíniakui Jesus áimiuk “Winia akuptúkua nuna wakeramuri̱n túrakun tura Ni takatrí̱ amuktinia nuiti Winia yurumkarka.

Juaṉ 7:17

Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

Juaṉ 9:30

Áishmaṉ tsuarma chichaak “¿Ausha itiurtsuk áminiait? Winia íimtikrurma nu átumka nékatsrume tuya̱ṉkit.

Juaṉ 9:32

Yáunchusha kusuru akiinian tsuáruka peṉké atsuwiti.

Isr. 10:7

Tuma asamtai ‘Ame pénuimiu papirumin Winia áatrurumna núnisnak ame wakeramurmin umiktajtsan táwitjiai Winia Yúsrun tímiajai’” tímiayi.