Juaṉ 9:17 - Yus Papí: Shuarja̱i̱ Yus Yamaram Chicham Najanamu

¹⁷ Tsuármancha ataksha aniasarmiayi “Ámin tsuármarua nu ¿warí enentáimtam?” tiármiayi. Tutai “Wikia ‘Yúsnan etserniuiti’ tajai” tímiayi.

Juaṉ 9:17 Iomraidhean Croise

Mat. 21:11

Chikitcha “Yúsnan etserin Jesusaiti Nasarétnumia̱ tura Kariréa nuṉkanmaya̱iti” tiármiayi.

Ruk. 24:19

Tutai Jesus chichaak “¿Warí urukait?” Tutai chichainiak “Enta, Nasarétnumia̱ Jesusa túrunamuri̱ taji. Nisha Yúsnan etserin asa Yusa kakarmari̱ji̱a̱i̱ chichasmiayi tura nuna kakarmari̱ji̱a̱i̱ takasmiayi. Núnaka ashí aents nékainiawai.

Juaṉ 4:19

Nuna antuk nuwa̱sha chichaak “Uuntá, Ámeka Yúsnan etserniuitme.

Juaṉ 6:14

Nu shuarsha Jesus túramun iisar “Ju̱ nekas Yúsnan etserin tátinia núchakait” tiármiayi.

Juaṉ 9:15

Tuma asamtai Pariséusha itiurak íimnium tusar aniasarmiayi. Nisha chichaak “Ji̱ruí̱ tsakusan yakarámtai nijiamaran paant iimjiai” tímiayi.

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 2:22

Tura Pítiur tuke chichaak “Israernumia̱ shuartiram, wi títiatjana nu antuktarum. Nasarétnumia̱ Jesusnan tajai. Nú Jesusan Yus shiir enentáimtawai. Yuska átum ti enentáimprarum ni kakarmari̱n paant nekaatarum tusa nú Jesusan ti ikiaká̱rmiayi. Tura Jesusja̱i̱ aentsti túrachminian átum íimmianum Yus túramiayi. Nuka ti paant nékarme.

Muis. 18:15

Ukunam atumí Uunt Yusri̱ átum weanmaya̱nak kame atumínia̱nak Yúsnan etserniun wiya jú̱ni̱nniak anaikiattawai. Tura nisha anturkatarum.