Juaṉ 9:16 - Yus Papí: Shuarja̱i̱ Yus Yamaram Chicham Najanamu

¹⁶ Nuyá̱ chíkich Pariséu shuarnumia̱ nuamtak tunainiak “Ju̱na tsuáruka Yusai̱ya̱nchuiti. Kame ayampratin tsawantai̱ túraiti” tiármiayi. Tura chikicha “Yajauch túrin shuaraitkiuiṉkia jú̱nisaṉ túratniun tujintkia̱a̱yi” tiármiayi. Nuja̱i̱ akannáikiarmiayi.

Juaṉ 9:16 Iomraidhean Croise

Mat. 12:10

Nui̱ shuar uwejé̱ jaka ámiayi. Tura Jesusan ántar nekapsatai tusa wakeruinia ásar anintruiniak “¿Ayampratin tsawantai̱ jaa shuar tsuárminkiait?” tiármiayi.

Mat. 12:2

Pariséu shuarsha nuna wáinkiar Jesusan aniasarmiayi “Iistá, ame unuiniamuram ayampratin tsawantai̱ túratin surimkiamua nuna túruiniawai.”

Ruk. 13:14

Tura Jesus ayampratin tsawantai̱ tsuaru asamtai Iruntai̱ Je̱a̱ uuntri̱ kajek iruntrarmia nuna chicharainiak “Sais tsawant takaschatniukait. Ayampratin tsawantai̱ tsuámartaj tusarum táchatniuitrume. Sais tsawant ana nui̱ tátiniaitrume” tímiayi.

Juaṉ 10:19

Israer shuarsha nuna antukar niisháa enentáimprar kanakiármiayi.

Juaṉ 14:11

Nekaatarum. Wisha winia Aparja̱i̱ tsaniṉkia pujakur nekas chikichkitji. ‘Nu chicham itiurchataiti’ enentáimkiurmeka wi túramu nuikia enentáimpratarum. Wi túramuja̱i̱ chikichik ájinia nu páantchakait.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 2:11

Jesus ju̱ túramu Kaná Kariréanam túrunamiayi. Núja̱i̱ṉkia Jesus emka ni kakarmari̱n paant iniakmasmiayi. Nuna iisar ni unuiniamuri̱sha Niin enentáimtusarmiayi.

Juaṉ 3:2

Nisha kashi Jesusan werí chicharuk “Uuntá, shuaran unuiniarat tusa Yus akuptámkaiti. Nu paant nékaji. Yusai̱ya̱nchuitkiumka aentsti tujintiamu túramna nu tujintkiaintme” tímiayi.

Juaṉ 5:10

Tuma asamtai Israer shuar shiir ajasún chicharainiak “Yamái ayampratin tsawantaiti. Peakrum júkishtiniaitme” tiármiayi.

Juaṉ 5:36

Tura Winia ‘Yusai̱ya̱iti’ túrutna nuka, Juaṉja̱i̱ naṉkaamas péṉkeran Wikia takakjai. Wi takasmajna nuiti. Winia Apar takastinian surusma nuna takaakun nuja̱i̱ páantaiti Yus Apa akupkámuitjiai.

Juaṉ 6:52

Nuyá̱ nuamtak tunaikiar chichainiak “¿Ju̱sha itiurak ni aya̱shi̱ncha ayurtamatjik?” tiármiayi.

Juaṉ 7:12

Ashí shuarsha Nin áujmatiarmiayi. Chíkich “péṉkeraiti” tiármiayi. Tura chikitcha “Péṉkerchaiti. Aya anaṉkartawai” tiármiayi.

Juaṉ 7:23

Wátsek Muisais akupkámu uminkiati tusarum ayampratin tsawantai̱sha uchi áishmaṉ tsúpiriatrumsha ¿urukamtai Wi ayampratin tsawantai̱ áishmaṉka aya̱shí̱ takamtsuk tsuármatai kajertarum?

Juaṉ 7:43

Tuma asamtai shuar niisháa niisháa enentáimprar kanakiármiayi.

Juaṉ 9:24

Nuiṉkia Israer shuara uuntri̱ kusuru tsuarman ataksha untsuk chicharainiak “Yus íimmianum nekasa nu titiá, ju̱ áishmaṉka tunaarinniuiti nékaji” tiármiayi.

Tur. 14:4

Tura Ikiuniunmaya̱ aentska jímiar kanakarmiayi. Chíkichkia Israer shuar tuinia nu nekasaiti tura chíkichkia Jesusa akatrámuri̱ tuinia nu nekasaiti, tiármiayi.