Juaṉ 8:9 - Yus Papí: Shuarja̱i̱ Yus Yamaram Chicham Najanamu

⁹ Tura ni chichame̱n antukar ni enentái̱n sumamawar úuntnumia̱ juarki̱ chikichik chikichik jiinkí̱ wéarmiayi. Ashí wéarmatai Jesus Niṉki nuwa̱ja̱i̱ juákmiayi.

Juaṉ 8:9 Iomraidhean Croise

1 Akup. 17:18

Túrunamtai nu wajé̱ Iríasan chicharuk “Maa, Yusan esetas enentáimtin áishmaṉka ¿Wisha amincha warí itiurkaitjiam. Ámeka winia tunaar ataksha enentáimtikruram tura uchirsha ajakturataj tusamchak wíniaka tarutniuitiam?” tímiayi.

1 Akup. 2:44

Úunt akupin Semain chicharuk “Amek nekaamame núnismek amek nékame ashí yajauch ame winia apar Tawitiai̱ imitmákmamna nu nékame. Jiuwái̱ ame nu yajauch túramamna nú yajauchiniak ámin itiartámai.

YKan. 40:14

Túram winia mantuattsa e̱a̱tainia nuka iniatsá̱raram imiamtikrata. Winia itiurchat ajasat tusa wakerutainia nuka natsa̱a̱r úkumur waketkiarti.

YKan. 50:21

Kame ashí jú̱ túrashtin túramame túrasha wikia pachischamjame. Tura ámeka wiya núniniaiti turutmiashum. Túrasha yamaikia nekak tusan chichareakun paant iniaktustatjame” tawai.

YKan. 71:13

Winia nemasur ainia nuka natsan ajak amukarti. Winia yajauch awajtústaj turutainia nuka páchim enentáimtikrarta túram natsanmai̱ ajakarti.

Ruk. 13:17

Jesus nuna takui̱ ni nemasri̱sha natsa̱a̱rarmiayi. Tura peṉké shuar ni péṉker túramuri̱n wáinkiar warasarmiayi.

Juaṉ 8:10

Jesussha wajaki̱ aya nuwa̱nak wainiak chichaak “¿Ámin súmamtikramainia nusha tui̱ṉ pujuinia. Chikichkisha áwak?”

Juaṉ 8:12

Ataksha Jesus Yusa Uunt Je̱e̱n iruntrarun chicharainiak “Ju̱ nuṉkanam Wi tsáapninia áintsan shuara enentái̱n paant awajtajai. Ashí Wiji̱a̱i̱ tsaniṉ wekaana nú shuar kiritniunam wekasashtatui antsu shuar iwiaaku pujuwa nu tsáapninium wekasattawai” tímiayi.

Juaṉ 8:2

Tura kashin tsawa̱r Yusa Uunt Je̱e̱n ataksha támatai ashí shuar Niin káutkarmiayi. Túrawarmatai Jesus pujus unuiniarmiayi.

Juaṉ 8:3

Nuyá̱ Israer shuara jintinniuri̱sha Pariséusha nuwa̱n wainmakman Jesusan itiariármiayi. Tura ashí iruntramunam ajapén awajsarmiayi.

Juaṉ 8:8

Tura nuna ti ataksha tsuntsumá nuṉká áimiayi.

Rum. 2:15

nu umireamuja̱i̱ Yus nu akupkámun ni enentái̱n ikiursamua nuka paant nekanamniaiti. Nuja̱i̱ métek túruiniak itit awajsachma shiir enentáimtumainiawai. Tura métek umirainiachkuṉka itit péṉkercha enentáimtumainiawai.

Rum. 2:22

“Tsanirmashtiniaiti” tátsumek. Enta, ¿urukamtai ámeka tsanirmam? “Najankamu yusan nakitiajai” tátsumek. ¿Urukamtai ámeka nu yusa je̱e̱nia̱ kasamam?

1 Jṉ. 3:20

Ii enentái̱ yajauch túratniun enentáimtikramkurnisha Yus iiji̱a̱i̱ naṉkaamas ashí mash nékatsuk.