Juaṉ 8:6 - Yus Papí: Shuarja̱i̱ Yus Yamaram Chicham Najanamu

⁶ Aya mamikmar nekapsatai tusar tiármiayi. Nin sumamtikiatniun wakeriarmiayi. Nuyá̱ Jesus tsuntsumá ni uwejé̱ja̱i̱ nuṉká áarmiayi.

Juaṉ 8:6 Iomraidhean Croise

Naṉ. 49:9

Ámeka Jutá, winia uchiru úunt ya̱wa̱chia núniniaitme. Tuma asam namaṉ yuam aju̱a̱nta ininiaitme. Túram úunt ya̱wa̱a núnismek nuṉká iniantam tepenaitme. Inianta tepesakmincha ¿yaki itit awajtámin aintⁱ?

YKan. 39:1

Winia wekaamurun péṉker wainkiattajai wiki tumammiajai. Yusan enentáimtichu iiru pujai̱ṉ winia chichampruja̱i̱ yajauchin chichaka̱i̱j tusan emetatajai tímiajai.

Neka. 26:17

Shuar nisháa tunainian pachintinkia ya̱wá̱ kuishnium achikiar takuitniua núnisaiti.

Jrm. 17:13

Uunt Yusru, Israer shuar péṉker átinia nákamuri̱ntme. Tuma asakmin ashí shuar Ámin iniaitiámas kanainia nuka natsa̱a̱rartatui. Warí Úunt Yusai̱ya̱ iwiaaku entsa nuyá̱ kanakiaru ásar ni náari̱ṉkia nuṉká ju̱yu̱ri̱n aarma ártatui.

Tan. 5:5

Nuna turú pujuiniai̱ aentsu uwejé̱ nuya̱i̱k wantiniak úunt akupniu je̱e̱ tanishri̱n shirikip keamunam naka áakmamiayi. Tura úunt akupniusha uwej áakmanka wáinmiayi.

Ams. 5:10

Nu aentska chícham iwiartai̱niam chicharkámash úuntri̱n yajauch enentáimtuiniawai. Núnisaṉ péṉker chicháu áinianka muí̱jiainiawai.

Ams. 5:13

Warí nu tsawantinkia ti yajauch asamtai esetar enentáimniuka tákamtak pujuttawai.

Wek. 14:22

Túrasha Ejiptunam tura atsunum Winia kakarmarun tura Wi túramun wáinkiariat nekáa nekaprakua tias ejewarsha Winia chichamprunka antukcharma nuka chikichkisha

Mat. 10:16

“Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum.

Mat. 15:23

Tura Jesus ái̱kchamiayi. Tura ni unuiniamuri̱ tariar “Awemata. Tuke untsumki̱ apapétmaji” tiármiayi.

Mat. 16:1

Pariséusha tura Satuséusha Jesusan nekapsatai tusar tariarmiayi. Túrawar “Ame Yusai̱ya̱itkiumka kakarmarmiji̱a̱i̱ nayaimpinmaya̱ iniakmasta, iisha wáinkiatai” tiármiayi.

Mat. 19:3

Nui̱ Pariséu Jesusan nekapsataj tusar aniasarmiayi “¿Shuar ni nuwe̱n itiurchat akui ajapamniakait?”

Mat. 22:18

Jesus ni yajauch enentáiji̱a̱i̱ anintramun nekáa chichaak “Aya shiir chichamtiniaitrume. ¿Urukamtai uyu̱matkiarturtin wakerutarum? tímiayi.

Mat. 22:35

Tura chikichik Pariséu jintintin asa Jesusan uyu̱mtikiataj tusa aniasmiayi

Mat. 26:63

Túrasha Jesus tuke áimchamiayi. Túmakui̱ Yúsnan pujurniu uuntri̱ chicharuk “Nekas iwiaaku Yusa náari̱i̱n tájame nekasa nu táchakminkia Yus iirmastatui. ¿Ame Krístukaitiam. Yusa Uchirí̱ṉkaitiam? Paant etserkata” tímiayi.

Mar. 10:2

Tura Pariséu Jesusan nekapsatai tusar wakeruiniak Nin chicharainiak “¿Áishmaṉ ni nua̱rí̱ ajapatin tsaṉkamkamukait?” tiármiayi.

Mar. 12:15

Tura Jesus ni yajauch enentáimmiari̱n nekara “¿Urukamtai Winia yajauch titi tusarum wakerutarum? Kuit itiatárum, Wi íistaj” tímiayi.

Mar. 3:2

Tura tunaan túrayi titiai tusar wakeruiniak “ayampratin tsawantai̱ tsuártimpiash” tusar Pariséu shuarsha Jesusan ii pujuriarmiayi.

Mar. 8:11

Pariséu Jesusja̱i̱ áujmattsatai tusar tariarmiayi. Nekapsatai tusar wakeruiniak Nin chicharuk “Nayaimpinmaya̱ kakaram iniakmasta” tiármiayi.

Ruk. 10:25

Nuyá̱ akupkámun jintinkiartin Jesus warintiak chichakat tusa wajatki̱ werimiayi. Werí iniimiayi “Uuntá, wi tuke iwiaaku átaj takun ¿warinia túratniuitiaj?” tímiayi.

Ruk. 11:16

Tura chíkichkia nekas Yusai̱ya̱ tawashit tusar “Nayaimpinmaya̱ kakaram ana nu iniakmakum aents tujintiamu túrata” Jesusan tiármiayi.

Juaṉ 8:2

Tura kashin tsawa̱r Yusa Uunt Je̱e̱n ataksha támatai ashí shuar Niin káutkarmiayi. Túrawarmatai Jesus pujus unuiniarmiayi.

1 Kur. 10:9

Iisha tunáa túrar “Yus asutiuáshtatui” tu enentáimprashtiniaitji. Nisha nuna túrawar napiji̱a̱i̱ esaim untsurí jákarmiayi.