Juaṉ 8:53 - Yus Papí: Shuarja̱i̱ Yus Yamaram Chicham Najanamu

⁵³ ¿Nuiṉkia ii uuntri̱ Aprajám naṉkaamaskaitiam. Nisha tura Yúsnan etserniusha jákacharuk ainia. Itiurak imiá naṉkamantu enentáimtumam?” tiármiayi.

Juaṉ 8:53 Iomraidhean Croise

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Mat. 12:6

Nekas tájarme, yamái Yusa Je̱e̱n enentáimtustinia nuna naṉkaamas Wíniaka Aents Ajasuitjiana nu, nekas enentáimtursatniuitrume.

Mat. 3:9

Atumsha ‘Iikia Aprajám weaitji’ tu enentáimtumasairap. Nuja̱i̱ uwemprashtatrume. Yus wakerakka ju̱ kayan Aprajáman tiraṉki̱ najankainti tímiayi.

Juaṉ 10:33

Israer shuarsha Nin chicharainiak “Péṉker tura asakmin mátaj tátsuji antsu Yus yajauch chicharkumin túrattaji. Ámeka shuáraitiatam Yusa nuke enentáimtumame” tiármiayi.

Juaṉ 12:34

Shuarsha awajirar chichainiak “Yaunchu Yus akupkámu papiniumia̱ áujsar nékaji. Kristu tutai tuke jáatsuk iwiaaku pujustiniaiti. ¿Itiurak nuikia ‘Aents Ajasu numiniam awajnaitniuiti’ tame? Aents Ajasuka Krístuchukait, Yus anaikiamu. ¿Núchaitkiuiṉkia Aents Ajasuka yait?” tiármiayi.

Juaṉ 19:7

Tura Israer shuar chicharainak “Nu shuar ‘Yusa Uchirí̱ntjiai’ takui̱ jákatniuiti. Iiniu akupeamu aarma nui̱ núniskete” tiármiayi.

Juaṉ 4:12

Nuikia ¿amek nekaska ii uuntri̱ Jakupja̱i̱ṉkia naṉkaamas úuntaitiam? Warí ¿níṉkichuk ju̱ taurma yumirmatnasha ikiurtámkimiajⁱ? Nuyá̱ nisha tura ni uchirí̱sha núnisaṉ waakarí̱sha ju̱ya̱ṉkechuk umararmia” tímiayi.

Juaṉ 5:18

takui̱ Israer shuar nuna naṉkaamas maatai tusa wakeriarmiayi. Ayampratin tsawantai̱ takaakui kajerkarmiayi. Tura nu arantcha “Yus Winia Aparuiti” takui̱ Yusja̱i̱ métek enentáimtumawai tusar nu arant kajerkarmiayi.

Juaṉ 8:58

Tutai Jesussha chichaak “Ti nekasan tájarme, Aprajámka pujatsa̱i̱ṉ Wikia Wíkitjiai” tímiayi Jesus.

Rum. 9:5

Ni we̱a̱trí̱n Yusan tí peṉker enentáimtin irunmiayi. Krístusha aents ajas nú shuarnum akiiniamiayi. Krístuka Uunt Yus asa tura ashí akupin asa Niṉki tuke shiir awajnásti. Núnisaṉ atí.