Juaṉ 8:44 - Yus Papí: Shuarja̱i̱ Yus Yamaram Chicham Najanamu

⁴⁴ Atumí aparí̱ṉkia iwianchi úuntri̱nti. Tura niniu asarum ni wakera nu túrarme. Yámankamtaiksha iwianchi úuntri̱ṉkia tuke maṉkartiniaiti. Nekas ana nunasha nakitiawai tuke wáitrin asa. Wáitraksha níniunak chichaawai. Iis, waitia uuntri̱ asa tuke wáitriniaiti.

Juaṉ 8:44 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

1 Akup. 22:22

Tutai wakan aya̱k ‘Ni etserniuri̱ ainia nui̱ wait chichaman eṉketrartatjai wáitian chichakarat tusan’ tawai. Nuyá̱ Uunt Yus chichaak ‘Ame tu enentáimtikraram umimtikiartatme. Tuma asamtai weme tímiatrusmek túrata’ Uunt Yus tawai.

Juup 1:11

Wats ashí takakna nu emestukam nekapsata túramka Ámin peṉké yajauch chichartamkattawai” tímiayi.

Mat. 12:34

Yajauch wenumkatirmesha tura imiá yajauchitirmesha ¿itiurak péṉker chichamsha chichastarum? Shuarka ni enentái̱ya̱ enentáimna nuna chichawiti.

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Mat. 13:38

Ashí nuṉka aja áintsaiti. Péṉker jiṉkiái Yus shuaran Yus akupea nuna nakumeawai. Yajauch nupa̱ iwianchna ainia nuna nakumeawai.

Juaṉ 6:70

Jesussha áimiuk “Ashí tuse árumna nuna nekas Wí shuar ajastinian Wikia júurmaitiatrum atumíin chikichik íwianchchakait” tímiayi.

Juaṉ 7:17

Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

Juaṉ 8:38

Winia Apar iniaktursamun áujmatjai. Átumka atumí uuntri̱ timia túrarme.”

Juaṉ 8:41

Antsu atumí uuntri̱ túrana áintsarum túrarme” tutai nisha chicharainiak “Warí tsanirnumia̱ akiiniachuitji. Ii uuntri̱ Yúskete. Nisha ii Aparí̱nti” tiármiayi.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

Tur. 13:10

“Ámeka wáitiaitme. Anaṉkartiniaitme. Yajauchitme. Maaj, iwianchitme. Tura ashí péṉker ana nuka nakitniuitme. Tsej, ¿urukamtai Yusa jinti̱ naka ana nu emeskim wéam?

Tur. 24:9

Tura Israer shuar pujuarmia nu “Nekasaiti ashí ni tana nu” tiármiayi.

Tur. 5:3

Túramtai Pítiur chichaak “Ananíasa ¿urukamtai iwianchi uuntri̱ enentáimin eṉkemturmamtai Yusa Wakaní̱n anaṉkataj tusam nuṉka surukam kuit achikiumna nu akankám ikiurmásum?

2 Kur. 11:3

Túrasha íwianch ni nekatairi̱ji̱a̱i̱ emka nuwa̱ Éwan anaṉkamia nútiksaṉ atumniasha Yusa jinti̱ya̱ awajimtikramar Kristu aneashtinian enentáimtikramprarmatai anaṉkamu ái̱rum tusan tsuutajrume.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.

2 Pit. 2:4

¿Warí? Tunaan túrawarmatai Yuska ni suntari̱ nayaimpiniam pujuarmia nunasha peṉké tsaṉkurachmiayi. Antsu nayaimpinmaya̱ jinium akupkarmiayi. Tura nekapsatin tsawant jeatsa̱i̱ṉ kiritniunam jiṉkiamu emetamu pujuiniawai.Naṉ. 6:1-2; 1 Pit. 3:19-20; Jut. 1:6

1 Jṉ. 1:8

“Wi tunaan túrichuitjiai” tákurkia ímia iik anaṉmamaji. Antsu nekasa nuka chichaatsji.

1 Jṉ. 2:21

Nékachuitrume tu enentáimkiun áattsujrume. Antsu nekas chicham ana nu neka asakrumin paant áatjarme. Wáit chichamsha nekas chichamsha peṉké nushaachuk ainia.

1 Jṉ. 2:4

Tura shuar “Yusan nékaitjiai” táyat Yus tana nuna umirchakka wáitrawai. Nekasa nuka ni enentái̱n atsawai.

1 Jṉ. 3:12

Iisha Kainkia ánin áchatniuitji. Íwianch shuar asa ni yachi̱n mámiayi. Tura ¿urukamtai mamia? Enentáimprata. Ni yajauch asa tura ni yachi̱ péṉker asamtai mámiayi.

1 Jṉ. 3:15

Shuar Yus shuaran nakitiakka maṉkartinia núnisaiti. Tura maṉkartinkia tuke amuicha iwiaakmanum pujuiniatsui. Nuka nékaji.

Jut. 1:6

Nayaimpinmaya̱ suntarsha ni pujutái̱ri̱n ajapa ikiukiar Yus susamun umitsuk iniaisarmiayi.Naṉ. 6:1-2 Túrawarmatai Yus kiritniunam jiruja̱i̱ tuke jiṉkiá sepunam apujas pujuráiniawai.1 Pit. 3:19-20; 2 Pit. 2:4 Tura Uunt Tsawant jeamtai súmamtikiawartatui.

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 13:14

Tura Entsaya̱ Yajasma súam aents túrachminian tí turak ashí nuṉkanmaya̱ aentsun anaṉkawarmai. Túrak Entsaya̱ Yajasma nakumkamuri̱n najanawarat tusa akupkámai. Túramtai puya̱ja̱i̱ peṉké jakamnia awatmia péṉker ajasma nuna nakumkamuri̱n najanawarmai.

Apu. 2:10

Tí waitsattamna nu ashamkaip. Íwianch ashí nekapramsataj tusa atumíinia̱n sepunam eṉkeattawai. Nui̱ tias tsawant wáitsattarme. Jáakmesha tuke Yus shiir enentáimtusakminkia tawaspan nakurin súsatniua nútiksanak nekas iwiaakman tuke shiir pujustinian amastatjai.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.

Apu. 9:11

Tura náṉkatkachu wa̱a̱ uraimia nu suntar ni úunt akupniuri̱nti. Israer chichamja̱i̱ ni naari̱ Apatún tutainti. Tura Kriaku chichamja̱i̱ṉkia Apuriún tutainti. Nuka Yajauch Awajkartin tawai.