Juaṉ 8:43 - Yus Papí: Shuarja̱i̱ Yus Yamaram Chicham Najanamu

⁴³ ¿Urukamtai Wi tájana nu imiá nékatsrum? Wi tájana nu nakitia asarum winia chichamur ántatsrume.

Juaṉ 8:43 Iomraidhean Croise

Neka. 28:5

Yajauch shuar ainia nuka péṉker túratniun nékainiatsui antsu shuar Yus wakeramun túruinia nuka mash nekamnia áiniawai.

Isa. 44:18

Ju̱ aentska ji̱ epetkamu asar wáinmainiatsui tura enentáimias nekaawai tusar enentái̱ akirtuamu áiniawai.

Isa. 6:9

Tutai Ni chichartak “Ayu, wetá tura ju̱ aents chicharainiakum jú̱nisam tiartá ‘Péṉker ántayatrumek antukchattarme tura péṉker wáiniatrumek nekaashtatrume’ tiartá.

Jrm. 6:10

Ántichu áiniancha ¿antukat tusancha yanak chicharkataj? Warí kuishi̱sha tí empeku ásarmatai antuktinniasha peṉké tujintiainiawai. Túmainiak Uunt Yusa chichame̱ncha peṉké nakitiáiniawai.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Juaṉ 5:25

Tí nekasan tájarme. Tsawant átatna nu jeayi. Nu tsawant jaka ainia nu Yusa Uchirí̱ untsumman antukar iwiaaku ajasártatui.

Juaṉ 5:43

Winia Apar akuptúkmatai táwitjiai túrasha nakitrarme. Antsu chíkichkia ní enentái̱ji̱a̱i̱ṉ jeartámkuiṉkia nuka átum wakerarme.

Juaṉ 6:60

Jesusa unuiniamuri̱ nu chichaman antukar untsurí chicharainiak “Ni tana nu ti itiurchat asamtai ¿yaki anturka̱i̱ṉ?” tiármiayi.

Juaṉ 7:17

Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

Juaṉ 8:27

Tuma ai̱ṉ ni Aparí̱n áujmatman peṉké nekaacharmiayi.

Juaṉ 8:33

Nisha chichainiak “Iisha Aprajáma shuari̱ntji. Chikicha takarniúri̱ átai tusar peṉké emetachmaitji. ¿Urukamtai ‘Aṉkant ajastatrume’ tame?” tiármiayi.

Juaṉ 8:39

Tutai nisha chicharainiak “Iikia Israer shuar asakrin ii úuntri̱ṉkia Aprajámaiti” tiármiayi. Tura Jesus chichaak “Nekas enentáimin Aprajám weaitkiurmeka niya núnis túrawaintrume.

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Rum. 3:11

Yúsnan nekaatniun nakitiáiniawai. Yusnasha e̱a̱iniatsui.