Juaṉ 8:33 - Yus Papí: Shuarja̱i̱ Yus Yamaram Chicham Najanamu

³³ Nisha chichainiak “Iisha Aprajáma shuari̱ntji. Chikicha takarniúri̱ átai tusar peṉké emetachmaitji. ¿Urukamtai ‘Aṉkant ajastatrume’ tame?” tiármiayi.

Juaṉ 8:33 Iomraidhean Croise

Naṉ. 15:13

Nuyá̱ Yus Apraman chicharuk “Amé shuarum chíkich nuṉkanam yajá pujusártatna nuna paant ujajme. Tura nui̱ iniatai̱ tuke wáitsar kuatrusiántu uwí pujusártatui.

Ists. 9:9

Warí iikia iniatai̱ pujaji túrasha nui̱ pujarni̱sha Yuska ajapanka iniaitiámsachuitji. Tura ni waitnenkartutairi̱ji̱a̱i̱ Pírsianmaya̱ úunt akupniusha iwiaaku pujustinian tsaṉkatramak ii Yusri̱ Je̱e̱ emeskamu atak awaiṉki̱ je̱a̱mtinniasha tura Jutanam tura Jerusaréṉnumsha iin waitmakat tusa tsaṉkatramkaitji.

Riw. 25:42

Warí niṉkia Winia takartin áiniawai. Ejiptunmaya̱ Wi jí̱i̱rarma tuma ásar niṉkia iniatai̱ya nútiksarkia surunkachartiniaiti.

Mat. 3:9

Atumsha ‘Iikia Aprajám weaitji’ tu enentáimtumasairap. Nuja̱i̱ uwemprashtatrume. Yus wakerakka ju̱ kayan Aprajáman tiraṉki̱ najankainti tímiayi.

Ruk. 3:8

‘Iikia Aprajám weaitji tuma asakrin Yus shiir enentáimturmaji’ tu enentáimtumasairap. Antsu enentáim yapaji̱ámuitkiuiṉkia péṉker wekaamurmiji̱a̱i̱ paant iniakmastarum. Warí Yus wakerakka ju̱ kayan Aprajáma shuari̱n páchitsuk najankainti.

Juaṉ 19:25

Krúsnumsha Jesusa nukurí̱sha Kriúpasa nua̱rí̱ Marisha tura Máktaranmaya̱ Marisha wajaarmiayi.

Juaṉ 8:37

Átum Aprajám weaitrume nékajai. Túmaitiatrum winia chichamur ántachu asarum mantuataj tárume.

Juaṉ 8:39

Tutai nisha chicharainiak “Iikia Israer shuar asakrin ii úuntri̱ṉkia Aprajámaiti” tiármiayi. Tura Jesus chichaak “Nekas enentáimin Aprajám weaitkiurmeka niya núnis túrawaintrume.

Juaṉ 8:43

¿Urukamtai Wi tájana nu imiá nékatsrum? Wi tájana nu nakitia asarum winia chichamur ántatsrume.

Rum. 9:7

Núnisaṉ Aprajám wea shuarsha ashí nekas ni shuar áiniatsui. Iis, Yus Aprajáman chicharuk “Aya Isak pampaṉma amé shuarum ártatui” Naṉ. 21:12 tímiayi.

Suma. 2:18

Kame Uunt Yuska sumamtikniun anaitiarmia núnaka Uunt Yus yáimiayi. Tuma asa urutmá tsawanta sumamtikin ajas pujuarmia nuja̱i̱ métek ni nemasri̱ya̱n aṉkant pujuarmiayi. Túrasha tí waitkiainiam útainiakuinkia Uunt Yuska waitnentiarmiayi.

Suma. 3:8

Nuna túmainiakui Uunt Yussha Israer shuaran kajerkar Misiuputámianam Siria úunt akupniuri̱ Kusantrisatáimia íktus iniaisarmiayi. Nui̱ Israer shuar uchu uwí Kusantrisatáimia iniatairi̱ pujusármiayi.

Suma. 4:3

Tura Japinkia mesetnum eṉkemprar mánitiai kárun áya jiruja̱i̱ṉ najankamun nuiwisiántu takaruyayi. Nuja̱i̱ Israer shuarka painti uwí ti wáitkiasma matsatainiak Uunt Yusan kakaram seawarmiayi.