Juaṉ 8:32 - Yus Papí: Shuarja̱i̱ Yus Yamaram Chicham Najanamu

³² Núja̱i̱sha timiá nekas ana nu nekaattarme tura nekas aṉkant ajastatrume” tímiayi.

Juaṉ 8:32 Iomraidhean Croise

YKan. 119:45

Ame akupkámu umiktinia nuna e̱a̱ku asan wikia aṉkant wekasattajai.

YKan. 25:5

Winia uwemtikrin Yus asam péṉkeran túrataj ewekátsam jintintruata. Tsawant takamtsuk Ámin nákasmajme.

Neka. 1:23

Antsu wi tájana nuja̱i̱ seertarum. Wi nekatai̱ asan wakantruja̱i̱ jintintiakun paant nékamtikiattajrume.

Neka. 1:29

Warí nekatai̱n muí̱jkiár Úunt Yusnasha ashamkacharmai.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Isa. 35:8

Tura nui̱sha jintia kayaja̱i̱ péṉker iwiarkamu átatui Nuka “Yusna Akantúkma Wekaatai̱ Jintia” tama átatui. Tunamka ainia nuka nuniṉkia naṉkaamakchartatui. Yusak Niṉki ni shuari̱ji̱a̱i̱ pujustatui. Tura aents wárik ántichu ainia nusha nú jintianam wáatsuk wekaasartatui.

Isa. 54:13

Tura ashí ame uchirmeka Uunt Yus jintintiámu ártatui tura ni aṉkant pujustinkia ti núkap átatui. Jṉ. 6:45

Isa. 61:1

Uunt Yus anaitiuku asamtai Yusa Wakaní̱ winí̱ pujurtawai. Wáitiainia nu péṉker chicham ujakárta tura enentáiji̱a̱i̱ jáiniana nusha tsuárarta núnismek achira yaruakma ainia nusha aṉkant ajastatrume tura sepusha uraniartatui tu etserkata tusa akuptúkuiti. Ruk. 4:18

Jrm. 6:16

Uunt Yus chichaak “Jintiá setura wajasá iimsarum yaunchu jintia anintrústarum. Tura tu jintia péṉkerait nuní̱ wetarum túrakrumka átum ayamtikrattajrume.” Tuíniamaitiat “nuninkia wéchartatji” tiarmai. Mat. 11:29

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Riw. 25:41

Nuya̱ṉka ame je̱e̱miya̱nka uchirí̱ji̱a̱i̱ aṉkant jíinkiar ni aparí̱ nuṉke̱n ní shuarnum waketkiartatui.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 11:29

Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.Jrm. 6:16

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 16:13

Yusa Wakaní̱ ashí nekas tiniu asa ashí nekasa nuna unuitiamprattarme. Ni enentáimmiaja̱i̱ tíchattawai antsu winia Aparuí̱ antukma nuna ujatmáktatui. Ukunam átatna nunasha ujatmáktatui.

Juaṉ 17:17

Ti nekasa nuja̱i̱ péṉker shiir awajsarta. Ame chichamem imiá nekasaiti.

Juaṉ 6:45

Yúsnan etserniu áarmari̱n tawai ‘Ashí Yus jintintiámu ártatui.’ Isa. 54:13 Núnisaṉ ashí Yusa Chichame̱n antukar unuimiátainiakka Winí̱ táiniawai.

Juaṉ 7:17

Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

Juaṉ 8:36

Tuma asamtai Uchirí̱ aṉkant awajtámsamtaiṉkia imiá nekas aṉkant pujustatrume.

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

Rum. 8:15

Yusa Wakaní̱ iin pujurtamkurin Yusa uchirí̱ ajasár sapijmiatsuk Yusai̱ weamkar “Aparu” tíminiaitji.

Rum. 8:2

Jesukrístuja̱i̱ tsaniṉkiu asakrin Yusa Wakaní̱ nekas iwiaaku awajtámsaitji. Tuma asamtai tunáa túratniunmaya̱ tura jákatniunmaya̱sha aṉkant ajasuitji.

1 Kur. 7:22

Aṉkantchaitkiumka aṉkantaitkiumsha ju̱ enentáimprata. Takarniuka Yus shuar ajas tuke chíkich shuara takarniúri̱nkiusha shiir enentáimpratniuiti Kristu nin tunaanumia̱ aṉkant awajsámtai. Tura shuar takarniuchua nu Yus shuar ajas Kristu takarin ajasuíti.

Kar. 5:1

Kristu uwemtikrampramiaji tuke aṉkant átinian. Tuma asamtai kakaram ajasam tuke aṉkant pujusta. Ataksha nu itiurchatnum waketkip.

Kar. 5:13

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

2 Tim. 3:7

Tuma ásar ashí shuara chichame̱n tuke ántuiniayataṉ nekas chichaman nekaatniun tujintiainiawai.

San. 1:25

Yus tana nuja̱i̱ aṉkant ajasminiaiti. Shuar íspikia imia áintsaṉ nekas Yus péṉker táman tuke iniaitsuk enentáimtus, nu shuar kajinmáttsuk aya antukchattawai antsu tuke umiktatui. Tura ni tura nuja̱i̱ ti shiir enentáimsamniaitrume.

San. 2:12

Kristu aṉkant awajtámsamtai ii yamái ni akupkámuri̱ yúpichuch umirkamniaitji. Nu asamtai nú akupkámuja̱i̱ métek wekaakrumni̱ṉkia Yus “péṉker túraitme” turamtatji. Tura umikchakriṉkia “péṉker umikchaitme” turamtatji. Tura nu enentáimsar péṉker chichasar takasar wekasatniuitji.

1 Pit. 2:16

Tunaanumia̱ aṉkant ajasu asarum péṉker wekasatarum. Túrasha wi aṉkant ajaschajak tusarum náṉkamsarum yajauch túrawairap. Antsu Yusna asarum ni wakera nuna umirkátjai tusarum anearum wekasatarum.

2 Jṉ. 1:1

Wi Juaṉ Yus shuara uuntri̱ asan ii umái̱ Yus achikma nuna tura ni uchirí̱ncha ju̱ papin áateajai. Wisha nekasan atumín aneajrume. Tura aya wíkichu antsu ashí Yus shuar ainia nusha nekas chichaman nekaawaru ásar atumín anenmarme.