Juaṉ 8:31 - Yus Papí: Shuarja̱i̱ Yus Yamaram Chicham Najanamu

³¹ Israer shuaran Nin shiir enentáimtusarmia nuna Jesus chicharainiak “Wi tájarmena nu yawe̱tsuk túrakrumka nekas winia unuiniamur átatrume.

Juaṉ 8:31 Iomraidhean Croise

Mat. 24:13

Tura shuar ashí nuna katsuntea nu uwemprattawai.

Juaṉ 1:47

Jesussha Natanaéran tíjiu̱ch winian wainiak chicharuk “Ju̱ shuar iistarum. Ti péṉker Israer shuaraiti. Peṉké anaṉkartichuiti.”

Juaṉ 2:2

Jesussha ni unuiniamuri̱sha nu nuatnaiyamunam ipiaamu ármiayi.

Juaṉ 6:55

Winia aya̱shruka nekas yurumkaiti tura winia numparsha nekas umutainti.

Juaṉ 8:36

Tuma asamtai Uchirí̱ aṉkant awajtámsamtaiṉkia imiá nekas aṉkant pujustatrume.

Tur. 13:43

Tura nuyá̱ iruntsua tseṉkeenak Israer shuar ii uuntri̱ yaunchu tiarmia nuna yawe̱tsuk umiktiniasha tura chíkichkia Israer ajasárusha Yusan umirkatajtsa wakeriarmia nuka Páprun Pirnapíncha nemarsarmiayi. Nisha nu aentsun chicharuk “Yusa aneṉkrattairi̱ enentáimtusrum kaka̱rtarum” tiármiayi.

Tur. 14:22

Waketainiak “ashí Yus tana nu tímiatrusrumek tuke umirkatarum” tuíniak Yus shuaran ikiaká̱rarmiayi. Tura nin tiármiayi “Yusa akupeamuri̱i̱n pachinkiataj tákurkia ti wáitsatniuitji.”

Tur. 26:22

Yus winia yaintiu asamtai iniaitsuk tuke Yus Chichaman ujainiajai. Uunt ainia nunasha tura péejchach ainia nunasha ujainiajai. Tura Muisaissha, Yúsnan etserniusha tiarmia nunak étsereajai. Nú arantka tátsujai.

Rum. 11:22

Iistá, Yus atumji̱a̱i̱ ti tsáṉkaiti tura Israer shuar umichua nuna ti wari asutiáiti. Tura péṉker wáinmamkata. Yus tuke nekas enentáimtachkurminkia atumniasha páchitsuk tsupirmaktatrume.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

Kurs. 1:23

Tuma asamtai Jesukrístu shiir enentáimtusrum kakaram ajasrum katsua̱rtiniaitrume. Tura uwempratin chicham antukuitrum nuyá̱ kanakchatniuitrume. Ju̱ uwempratin chichaman ashí nuṉkanam etsernakuiti. Wisha, Papru asan etserkatniun yaimjiai.

1 Tim. 2:15

Túmaitiat uchin takustin asa emesnartinniumia̱ uwempraiti. Tura Yusan nekas enentáimtak anenkartiniaitiuk tura esetar enentáimiuk péṉker wekasatniuiti.

1 Tim. 4:16

Túramna nusha tura unuiniamna nusha péṉker wáinmamkata. Nu túratin pimpikip. Nu túrakmeka uwemprattame amesha tura ujainiam nusha uwemtikrattame.

2 Tim. 3:14

Antsu ámeka unuimiam nu imiá nekasaiti tu enentáimtakum tuke emetata. Jintintrámawarmia nú shuarsha wáitrichua nu nékame.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 8:9

Yaunchu ju̱ shuara úuntri̱n Ejiptunmaya̱ yaruakmiaj nui̱ emka chichaman najanamjai. Tura yamaram chichaman najanattaj nu núnischa átatui. Emka nuna uminiachkui ajapan iniaisarmajai, tímiayi Uunt Yus.

San. 1:25

Yus tana nuja̱i̱ aṉkant ajasminiaiti. Shuar íspikia imia áintsaṉ nekas Yus péṉker táman tuke iniaitsuk enentáimtus, nu shuar kajinmáttsuk aya antukchattawai antsu tuke umiktatui. Tura ni tura nuja̱i̱ ti shiir enentáimsamniaitrume.

1 Jṉ. 2:19

Nusha ii we̱a̱k ármayi. Túmaitiat nekas Yus shuar ácharmayi. Nekas Yus shuar áiniaka tuke iiji̱a̱i̱ irunar pujuara̱a̱yi. Tura jíinkiarmatai nekas Yus shuarcha ainia nu paant nekanamniaiti.

1 Jṉ. 2:24

Yámankamtaikniumia̱ antukmiarum nu atumí enentái̱n pujurtamsati. Nu túrakrum atumsha Yusa Uchirí̱ji̱a̱i̱sha Yus Apaja̱i̱sha tuke tsaniṉkrum pujustatrume.

2 Jṉ. 1:9

Ashí shuar Kristu jintíamun iniais “naṉkaamas nékajai” tana nu, Yúsnachuiti. Antsu Kristu jintíamun umíana nu shuar Yus Apaja̱i̱sha tura ni Uchirí̱ji̱a̱i̱sha mai̱ tsaniṉ pujawai.

1 Sam. 12:14

Uunt Yus ashamakrum takarkurmeka tura Ni chichame̱sha umirkárum tura Uunt Yus akupkámu umirkatin wakerakrumka atumsha núnisaṉ atumí úunt akupniuri̱sha atumí Yusri̱n Uunt Yusai̱ shiir matsamsattarme.