Juaṉ 8:28 - Yus Papí: Shuarja̱i̱ Yus Yamaram Chicham Najanamu

²⁸ Tuma asamtai chicharainiak “Aents Ajasuitjiana ju̱, numiniam ajintruarum yakí̱ takuriakrumin núja̱i̱ṉkia nekarattarme. Wi tájana nuitjiai tura winia enentái̱rja̱i̱ṉ takatsuk aya winia Apar unuitiurmanak tajai.

Juaṉ 8:28 Iomraidhean Croise

Jiin. 3:14

Tutai Yus Muisaisan aya̱k “WIKIA WÍKITIAJ NUITJIAI. Tuma asamtai Israer shuar ininmainiakuisha ‘WIKIA WÍKITJIAI’ tumamna nu akuptúkai tiartá” tímiayi.

Mat. 24:5

Untsurí aents winia náarun pachisar ‘wi Krístuitjiai’ tiar untsurí shuaran anaṉkawartatui.

Mar. 13:6

Nekaatarum, untsurí winia náarun pachisar winiartatui. Chíkich chíkich ‘Witjiai Kristu’ taku, untsurín anaṉkawartatui.

Ruk. 21:8

Tutai Jesus chicharuk “Aneartarum, anaṉnawairap. Nekaatarum. Winia náarun pachisar ‘Wi Krístuitjiai’ tuinia ti untsurí jíintrartatui. ‘Nuṉka amuukatin jeayi’ tu etserkartatui. Tuíniakui anturkarum nemarsairap.

Juaṉ 11:42

Winiasha tuke anturtame tura ju̱ shuaran péṉker enentáimtikrataj tusan tajai. Ame akuptúkuitmena nuna nekarmawarti.”

Juaṉ 13:19

Nuka túmatsa̱i̱ṉ ujajrume. Nuyá̱ túrunamtai Yusa Uchirí̱ntiaj nusha paant nekaattarme.

Juaṉ 16:10

Winia Aparuí̱ wáketkui wáitkiashtatrume. Tuma asamtai ashí shuar wi péṉker yajauchiji̱a̱i̱nchu wekaamun nekaawartatui.

Juaṉ 18:32

Yaunchu Jesus ni jákatniuri̱n enentáimtus “Wi awajnaitniuitjiai” tímiayi. Nisha krúsnum awajnain asamtai itiur mantuawartata Ni timia nu uminkiamiayi.

Juaṉ 19:18

Nui̱ krúsnum ajintrurar awajainiarmiayi. Tura mái̱ pae̱ jimiará shuaran chikichik chikichik awajainiarmiayi. Tura Jesus ajapén ámiayi.

Juaṉ 3:11

Ti nekasan tájame. Nekas nékakur chichaaji. Íismajnia nusha ujaaji. Tuma ai̱ṉ ii chichame̱ ántatsrume.

Juaṉ 3:14

Iis, yaunchu Israer shuar atsamunam napi esaim tí jainiakui tsuámararat tusa Muisais napin nakumak yakí̱ numiniam awajaimiayi. Núnisnak Wisha awajnaitniuitjiai.

Juaṉ 4:26

Takui̱ Jesus nuwa̱n chicharuk “Nuka Witjiai, Ámiji̱a̱i̱ chichaana nu” tímiayi.

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Juaṉ 5:30

“Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 8:24

Tuma asamtai tájarme atumí yajauch túramuri̱ji̱a̱i̱ jakattarme. Nekas Wi tájana nuitjiai. Tura nu enentáimtachkurmeka atumí tunaari̱ji̱a̱i̱ jakattarme” tímiayi.

Juaṉ 8:27

Tuma ai̱ṉ ni Aparí̱n áujmatman peṉké nekaacharmiayi.

Juaṉ 8:58

Tutai Jesussha chichaak “Ti nekasan tájarme, Aprajámka pujatsa̱i̱ṉ Wikia Wíkitjiai” tímiayi Jesus.

Tur. 2:41

Tuma asamtai nuna antukarmia nuka imianiarmiayi. Nú tsawantai̱ menaintiú mir aents Yus shuar ajasármiayi.

Tur. 4:4

Tura Pítrun nuik anturkarmia nú aents untsurí Kristu nekasaiti tu enentáimtusar Yus shuar ajasármiayi. Ashí Yus shuar iruram ti untsurí ajasármiayi. Aya áishmaṉkak seṉku mir aents ármiayi.

Rum. 1:4

Tura ni ti shiir wakaní̱ji̱a̱i̱ṉkia Yusa Uchirí̱nti. Tura ti kakarmaiti. Jakamunmaya̱ nantakmiaja̱i̱ nekas Yusa Uchirí̱a nu, paant nekanamiayi. Nisha ii Uuntri̱ Jesukrístuiti.

Muis. 18:18

Amea ánis Yúsnan etserniun ame yatsuminianak anaikiattajai. Tura winia chichamprun etserkattawai. Nuyá̱ ashí Wi títiatjana nuja̱i̱ métek chichartamkattawai.