Juaṉ 8:2 - Yus Papí: Shuarja̱i̱ Yus Yamaram Chicham Najanamu

² Tura kashin tsawa̱r Yusa Uunt Je̱e̱n ataksha támatai ashí shuar Niin káutkarmiayi. Túrawarmatai Jesus pujus unuiniarmiayi.

Juaṉ 8:2 Iomraidhean Croise

Jrm. 25:3

“Warí Jutanmaya̱ úunt akupin Amuna uchirí̱ Jusías Jutanam akupin ajas pujamunam uwikia tráisetin juárkimiutak yamaiya̱ tímiaja̱i̱sha ashikia paintitráis uwí Uunt Yusa chichamen antusan pujusjai. Wisha nú chichamnak yawe̱tsuk etserkin winiajai túrasha peṉké anturtukcharme.

Jrm. 32:33

Antsu anturtukar umirtutsuk tuntupea iniaitiusarmai. Túrutainianak Wikia nin jintintiátniunka iniaisacharmajai. Túrasha peṉké pachittsacharmai núnisaṉ chicharmasha anturtuktinian peṉké nakitruraruiti.

Jrm. 44:4

Wikia yaunchu tura iniaitsuk ashí winia takartin Yúsnan etserniun atumín chichartamuk “Ju̱ yajauchin Wi muí̱jiamu iyajna nuka túrawairap” túramprume turamarat tusan tuke akuptínjiarme.

Mat. 26:55

Nuna tinia Jesus nu shuaran chicharuk “Átum kasá achiktaj tawa nútiksarum puya̱ja̱i̱sha numiji̱a̱i̱sha tarutniurme. Kame ashí tsawantai̱ Yusa Je̱e̱n atumji̱a̱i̱ pujusan Yus Chichaman etsermiajai. Nui̱sha achirkachmarme.

Ruk. 21:37

Tuke tsawant tsawai̱sha Yusa Uunt Je̱e̱n Jesus unuiniamiayi. Tura káshikia Uriwiu nainnium we wémiayi.

Ruk. 21:38

Tura tuke tsawant Yusa Uunt Je̱e̱n Jesus chichaamun anturkatai tusar káshik tariarmiayi.

Ruk. 4:20

Nu áarman áujsua amik papin nukukmiayi. Tura iruntai̱ je̱a̱nam yáimin pujan susa iniais Niṉkia etserkataj tusa pujusmiayi. Tura ashí shuar pujuarmia nu émamkes ii pujuarmiayi.

Ruk. 5:3

Tuma asamtai Jesus Semuṉka kanurí̱i̱n eṉkempramiayi. Tura Semuṉkan chicharuk “Ishichik ajapén juruktia” tímiayi. Nuiṉkia kanunam eṉkemas aentsun kaanmatkanam pujuinian unuiniamiayi.

Juaṉ 4:34

Tuíniakui Jesus áimiuk “Winia akuptúkua nuna wakeramuri̱n túrakun tura Ni takatrí̱ amuktinia nuiti Winia yurumkarka.

Juaṉ 8:20

Núnaka Yusa Uunt Je̱e̱n Yusa kuítri̱n suinia nui̱ wajá tímiayi. Tuma ai̱ṉ ni tsawantri̱ jeachu asamtai sepunam eṉkeatniun achikcharmiayi.

Juaṉ 8:3

Nuyá̱ Israer shuara jintinniuri̱sha Pariséusha nuwa̱n wainmakman Jesusan itiariármiayi. Tura ashí iruntramunam ajapén awajsarmiayi.

Tur. 5:21

Nuna antukar kashin tsawa̱r káshik Yusa Uunt Je̱e̱n waya̱war jintintiáwarmiayi. Nu túmainiai̱ Yúsnan pujurniu uuntri̱ tura niji̱a̱i̱ pujuarmia nusha iruntrarmiayi. Tura Israer shuara uuntri̱ naamka armia nuna iruntrami tusa untsukarmiayi. Ashí iruntrar akatar Jesusa akatrámuri̱ sepunmaya̱ itiatárum tusar akupkarmiayi.