Juaṉ 8:16 - Yus Papí: Shuarja̱i̱ Yus Yamaram Chicham Najanamu

¹⁶ Tura súmamtikiunka awajitsuk túrajai. Iis, Wiki shuar túramun péṉkerashit tusan enentáimtsujai antsu winia Apar Winia akuptúkua nusha Wiji̱a̱i̱ métek shuar túramun nékawai.

Juaṉ 8:16 Iomraidhean Croise

YKan. 98:9

Jiuwá íimmianumka warastarum. Warí nuṉká matsatainian sumamtikiataj tusa winiawai. Túrak nuṉkanka nekasa nuja̱i̱ métek naka sumamtikiattui, aentsnasha núnisan tímiatrusan métekrak sumamtikiattawai.

YKan. 99:4

Maa kakaram úunt akupniu aya nekasa nuke túriniaitme. Ámeka naka nuke chichawitme. Ámeka Israerja̱i̱sha aya naka nu túrakum nekasa nuja̱i̱ métek sumamtikiaitme.

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Juaṉ 16:32

Tí warik átumka ashamkarum tsakiṉmakattarme tura Winiak ikiurkittiarme. Antsu winia Apar pujakui Wiki pujatsjai.

Juaṉ 8:29

Winia akuptúkua nuka tuke Wíji̱a̱i̱ṉ pujawai. Winia Apar wakeramun tuke shiir túrakui ikiurkichuiti” tímiayi.

Tur. 17:31

Yuska áishmaṉkan anaikiaiti. Nú áishmaṉ ashí aentsti, yaki péṉkeran túriniait yaki yajauchin túriniait núnaka nekarmattaji. Nú áishmaṉ Yus akupkámun tuke enentáimtakui Yus nin anaikiaiti. Tura tsawant nú túrunatin átatna nuna Yus Niṉki achikiuiti. Túrasha nekas anaikiajai tusa tura ashí aentstiram nekaatarum tusa nú aishmaṉkan jakamunmaya̱ iniantkímiayi” tímiayi Papru.

Apu. 19:11

Nuyá̱ nayaimp uranniun wainkiamjai. Nui̱ kawái puju wantinkiamai. Nu kawainium ekema nuna naari̱ Tí Peṉker Umin tutaiyi. Núnisaṉ Ti Nekas Túrin tutaiyi. Tí peṉker Akupin asa aya nekas péṉker túrak mesetan najanaiti.

1 Sam. 16:7

Túrasha Uunt Yus chichaak “Náyaitkiuisha tura ni urukuit nusha iisaip. Wikia túmanka nakitiajai. Warí Uunt Yuska aents iyá núnaka iyatsui. Aentska aya pátatek ni urukuit nunak wainiui antsu Uunt Yuska enentáin iyawai” tú tímiayi.