Juaṉ 8:14 - Yus Papí: Shuarja̱i̱ Yus Yamaram Chicham Najanamu

¹⁴ Jesus “Tuyá̱ winiaj tura tui̱ wéaj nu nékatsrume tura Wikia nékajai. Tuma asan winia péṉkerun táyatnak tájana nu péṉkeraiti.

Juaṉ 8:14 Iomraidhean Croise

Neka. 8:7

Kame wi tájana nuka nekasaiti warí anaṉkartushim chichaktinian wikia nakitiajai.

Wek. 12:3

Tura Muisaiska ashí nuṉkanmaya̱ áishmaṉ iruniarmia nuja̱i̱ naṉkaamas péejchachiyayi.

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 14:10

Winia Aparja̱i̱ tsaniṉkian pujakun tura winia Aparsha Wiji̱a̱i̱ pujakui tuke chikichkitji. ¿Nu nékatsrumek? Wi tájarmena nu Winia chichampruchuiti. Yus Apa Winí̱ pujak ni wakeramun takaawai.

Juaṉ 16:28

Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 18:37

Piratusha “¿Nuikia ame nekas úunt akupniukaitiam?” tutai Jesussha “Ee, ame támena nu nekasaiti. Jú̱ nuṉkanam akiinian ashí shuaran nekasa nuna ujaktinian táwitjiai. Ashí shuar nekasa nuna umirniuka Wi táman ántawai” tímiayi.

Juaṉ 5:31

Wiki ‘Wínian etsertumaknaka’ aya Winia chichampruk ainti.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

2 Kur. 11:31

Yus, ii Uuntri̱ Jesukrístu Aparí̱ ana nu (ni naari̱ tuke shiir awajsamu atí) wi wáitratsjana nuna nékawai.

2 Kur. 12:11

Wi “péṉkeraitjiai” túmamkun waurua núnisnak chichaajai. Tura atumsha winia péṉker chichartusminiaitiatrumek túrachu asakrumin tu chichasjai. Warí, wi peṉké ántraitiatnak “tí peṉker akatrámuitji” tumamainia nú nuṉkachichuitjiai.

2 Kur. 12:19

¿Warí enentáimsarum? ¿Átum péṉker áiniawai turutik tusar nu tájik? Antsu, aneamu yatsurtiram, ii tájinia nu atumín Yusai̱ tura Kristui̱ ikiaká̱rtajrum tusar taji.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai