Juaṉ 8:11 - Yus Papí: Shuarja̱i̱ Yus Yamaram Chicham Najanamu

¹¹ tutai nisha “Atsá, Uuntá. Chikichkisha atsawai” tímiayi. Nuyá̱ Jesus chichaak “Ayu, Wisha súmamtiktsujme. Yamaikia weme atakka tunáa túrawaip” tímiayi.

Juaṉ 8:11 Iomraidhean Croise

Neka. 28:13

Shuar ni yajauch túrutairi̱n u̱á̱ nuka péṉker áchattawai antsu ni tunaari̱n etserak yajauch túrutairi̱n ikiuana nuka waitnennar tsaṉkurnartatui.

Isa. 55:6

Tuma asamtai wainkiamnia ju̱i̱k Uunt Yus e̱a̱ktárum. Tíjiu̱ch pujana ju̱i̱k untsuktarum.

Ruk. 13:3

Atsá, atumí enentái̱ yapaji̱áchkurmeka núnisrumek atumsha jakattarme. Nuna paant tájarme.

Ruk. 13:5

Atsá, tájarme. Atumí enentái̱ yapaji̱áchkurmeka núnisrumek atumsha jakattarme” tímiayi.

Ruk. 15:10

Núnisaṉ yajauch túrin shuar ni enentái̱n yapaji̱ámtai Yusa suntari̱ matsatmanum ti warastin awai” tímiayi.

Ruk. 15:32

Tura ame yátsum jákaiti tu enentáimsamiaj nu iwiaakuiti. Meṉkaka nu yamaikia wainkiaji. Tuma asamtai námper najanar waraschatniukaitiajⁱ timiai’” tímiayi.

Ruk. 15:7

Wats nuwintia nuiwi péṉker shuar akui nayaimpiniam warastin awai. Tura antsu chikichík yajauch shuar ni enentái̱n yapaji̱ámtaiṉkia nú naṉkaamas warastin átatui, tájarme” tímiayi.

Ruk. 5:32

‘Wikia péṉkeraitjiai’ tuinia nuna untsuktajtsan táchaitjiai. Antsu yajauch shuar ni enentái̱n yapaji̱á Winia ajasat tusan untsúajai” tímiayi.

Ruk. 9:56

Wi Aents Ajasu aentsun emesrattsan táchaitjiai. Antsu uwemtikratajtsan táwitjiai” tímiayi. Nuyá̱ chíkich péprunam wéarmiayi.

Juaṉ 18:36

Nuiṉkia Jesus chichaak “Wi jú̱ nuṉkanam akupniuchuitjiai. Ju̱ya̱itkiuiṉkia Winia nemartuiniana nu mánaikiara̱a̱yi. Túrawarmatai Israer shuarnum surutkachara̱a̱yi. Antsu ju̱yá̱ akupniuchuitjiai.”

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 5:14

Atak Jesus Yusa Uunt Je̱e̱n áishmaṉkan wainiak chicharuk “Antukta. Yamaikia shiir ajasume. Atak awaiṉkim yajauch túrawaip nu arant ajasá̱i̱m” tímiayi.

Juaṉ 8:15

Ju̱ nuṉkanmaya̱ aents enentáimmiaja̱i̱ enentáimtakrum tí sumamtikrume. Tura Wikia chikichkinkesha súmamtiktsujai.

Rum. 2:4

Wats, Yus imianú wait aneaku asa katsunteamuri̱sha tsaṉkarí̱sha ¿shiir awajtutsuk wasureamek? Kame ni waitnentrammari̱ ame atak enentáimpratjai turutit tusa nákarma nuka nékatsmek.

1 Kur. 5:12

Yus shuarcha tunaarí̱ pachischatniuitjiai. Yus núnaka íistatui. Átumka antsu atumíin Yus shuar ainia nuna tunaarí̱ íistiniaitrume. Tuma asamtai nu shuar tunaarintin atumíiya̱ akankatarum.Muis. 13:5; 17:7,12; Rum. 16:17-18; 2 Tis. 3:14-15; 1 Tim. 5:20

Muis. 16:18

Tura Uunt Yus nuṉkan amasuítrumna nui̱ ashí péprunam chichama iwiarin sumamtikin tura itiurchatan iwiaratniun unuimiátkaru uunt anaikiarum apujsatarum. Túrasha nekasa nuja̱i̱ métek túruiniakka núkap tsawant iwiaaku pujustatui tura nú nuṉkasha tuke atumniak átatui.

Muis. 17:9

Nuyá̱ Uunt Yúsnan pujurin Riwí shuar tura sumamtikin nú tsawantai̱ pujuartatna nui̱ werum itiurchat ujaktiniaitrume. Tura nú itiurchat itiura iwiaratarum núnaka ni jintintrámattarme.

2 Pit. 3:15

Ju̱ nekaatarum. Iin uwemtikramprataj tusa Yus ti nákarmaji. Ii aneamu yachi̱ Páprusha núnisaṉ Yus ni nekatairi̱n susamia tímiatrusaṉ áatrampramarme.