Juaṉ 7:42 - Yus Papí: Shuarja̱i̱ Yus Yamaram Chicham Najanamu

⁴² Yus Papinium paant tawai ‘Krístuka yaunchu úunt akupin Tawit weanmaya̱ akiiniatniuiti, tawai. Tura Tawitia pépruri̱ya̱ Piriṉnumia̱ átiniaiti’ tawai” tiármiayi.

Juaṉ 7:42 Iomraidhean Croise

YKan. 132:11

Uunt Yus nekas kajinmattsuk umiktatjai tusa Tawitian chicharuk “Amé weanak akupku pujutái̱rmin apujsartatjai.

YKan. 89:4

‘Amé wean iniaṉnatsuk átatui tura yamaisha ukunmasha aminí̱ya̱ akupin tuke átinian iwiarturuitjiai’ tákum” turutmiame. (Séraj)

Isa. 11:1

Kame numí kampuí̱ jeana núnis Isái shuari̱ya̱ tsapaittiawai. Tura nuna kampui̱ya̱ chikichik jé̱e̱rtatna nuke nerektatui.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Mat. 1:1

Jesukrístu we̱a̱tri̱ ju̱ áiniawai. Tura ashí naṉkaamas ti uunt we̱a̱t Tawitcha nuyá̱ Aprajámsha ármiayi.

Mat. 2:5

Tutai chichainiak “Jutá nuṉká nui̱ Piriṉnum akiiniatniuiti. Yaunchu Yúsnan etserin tu áaruiti.

Mat. 2:6

‘Jutá nuṉkanam Piriṉnum Mik. 5:2 peṉké náakmachuka áchattawai. Warí nuyá̱ Úunt Akupin winittiawai. Naṉ. 49:10 Ni ashí Israer shuaran, Wí shuar ásarmatai péṉker wáinkiartatui’ tawai Yus.” Tu tiármiayi.

Ruk. 2:11

Ju̱i̱ti. Yamái tsawantai̱ Tawitia pépruri̱n Piriṉnum yaunchu Yus Uunt anaikiamu KRISTU tutai, Uwemtikkiartin akiintiurmarme. Nu Uchisha ashí aentsun akupniuiti.

Ruk. 2:4

Tuma asamtai Jusé Kariréanam Nasarét péprunmaya̱ jiinkí̱ Jutanam Piriṉ péprunam wémiayi. Juseka Tawit weanam akiinia asa ni nekas nuṉke̱ṉka Piriṉkiauyayi.

Juaṉ 7:27

Antsu nekas Kristu taa tuya̱ṉ winiá nekanashtatui tura ju̱ pujamuka ashí nékaji” tiármiayi.

1 Sam. 16:1

Nuyá̱ Uunt Yus Samuiran chicharuk “Israernum akupin a̱i̱ṉ tusan Wi jí̱i̱kin ai̱sha Saur enentáimtusam úttasha ¿urutáik iniaisatam? Yamaikia kachunam asuiti yarata túrawakmin Piriṉ nuṉkanam Isái pujamunam akupkáttajme. Warí akupin atí tusan ni uchiríya̱n anaitiumkajai.”

1 Sam. 16:18

Nuna takui̱ Saura takarniúri̱ chichaak “Íimsakia. Piriṉnum Isái uchirí̱ chikichkiniak árpan tuntuiyatniun nékan wáinkiaitjiai. Nisha sapijia eṉkeachu kakarmaiti tura mesetan unuimiátraiti. Nu arant chichame̱sha esetar chichawiti tura péṉker íirkaiti nuya̱sha Uunt Yus niji̱a̱i̱ pujawai” tímiayi.

1 Sam. 16:4

Nuyá̱ Uunt Yus timia núnaka tímiatrusan Samuirka túramiayi. Tura Piriṉnum jeamtai pepru uuntri̱ iṉkiuṉtajtsa jintiukiar ashamainiayat chicharainiak “¿Nekas enentái̱ji̱a̱i̱ṉ winiam?” tiármiayi.

1 Sam. 17:58

Saur anintrak “Natsáa ¿yana uchirí̱ntiam?” tutai Tawit aya̱k “Piriṉnumia̱ ame takarniúrmin Isái uchirí̱ntjiai” tímiayi.