Juaṉ 7:39 - Yus Papí: Shuarja̱i̱ Yus Yamaram Chicham Najanamu

³⁹ Nuna taku Jesus “Ashí Yusan enentáimtusarun Yusa Shiir Wakaní̱ súsatniuiti” tímiayi. Tura núnisaṉ Yus Papiniumsha áarmaiti. Antsu Jesus tuke nayaimpiniam wéatsa̱i̱ṉ Yusa Wakaní̱ shuar súsachmauyayi.

Juaṉ 7:39 Iomraidhean Croise

YKan. 68:18

Ámeka achirma ainia nu yaruakam wakamame. Tura aentsu warirí̱sha takurkame. Nu arant umichusha nakitiáiniak akikmamtikiamame. Nui̱ shiir pujustaj tusam túramame.

Neka. 1:23

Antsu wi tájana nuja̱i̱ seertarum. Wi nekatai̱ asan wakantruja̱i̱ jintintiakun paant nékamtikiattajrume.

Isa. 12:3

Warasrum uwemtikkiartin púkuninmaya̱ entsa jusattarme.

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Juir 2:28

Tuma asamtai ju̱na ukunam Winia Wakantrun ashí aentsun akuptúkartatjai. Nuja̱i̱ atumí uchirí̱sha núnisaṉ atumí nawantri̱sha Yúsnan etseriartatui tura úuntach ainia nuka mesekramiartatui. Núnisaṉ nátsaka ímiaja̱i̱k paant wainiartatui.

Mat. 16:14

Tutai nisha aya̱k “Chíkichkia imiakratin Juáṉkaiti. Tura chíkich Iríasaiti turamainiawai. Chikitcha Jirimíasaiti, chikitcha chíkich aents Yúsnan etserniuiti turamainiawai” tiármiayi.

Mat. 21:11

Chikitcha “Yúsnan etserin Jesusaiti Nasarétnumia̱ tura Kariréa nuṉkanmaya̱iti” tiármiayi.

Ruk. 24:49

Tura winia Apar, winia Wakantrun súsartatjai, turammarumna nuna akuptúktatjarme. Tura nayaimpinmaya̱ táatsa̱i̱ṉ ju̱i̱ Jerusaréṉnum pujustarum. Taa ni kakarmari̱n suramsattarme” tímiayi.Tur. 2:4

Ruk. 3:16

Tumai̱ Juaṉ ashí aentsun chicharainiak “Wikia aya entsá ímiajrume. Tura wiji̱a̱i̱ naṉkaamas kakaram winiawai. Tuma asamtai ni sapatri̱ jiṉkiamuri̱nkisha atitrachminiaitjiai. Nisha taa imiantinia ánis tura jiya ánis Yusa Wakaní̱n eṉketramprattarme.

Ruk. 7:16

Tura matsamiarmia nu, nuna wáinkiar ashamkarmiayi. Tura Yusa náari̱n shiir awajsarmiayi. Tura chichainiak “Yúsnan etserniuchukait Nisha. Ataksha Yúsnan etserin uunt ana nu tarutramji” tiármiayi. Tura “Israer shuarti Niniu ájinia nuna yaintmaktai tusa Yus tarutramji” tiármiayi.

Juaṉ 1:21

Takui̱ ataksha anintruiniak “¿Nuikia yáitiam. Yúsnan etserin yaunchu amia nú Iríaskaitiam?” tutai Juaṉsha “Atsá, núchaitjiai” tímiayi. Nuyá̱ ataksha anintruiniak “Nuikia ¿Yúsnan etserin tátinia núkaitiam?” tiármiayi. Tutai nisha “Atsá” timiayi.

Juaṉ 1:25

Nisha chicharainiak “Nuikia Krístuchuitiatmesha, Iríaschaitiatmesha, Yúsnan etserin tátinia núchaitiatmesha ¿urukamtai imiakratam?” tiármiayi.

Juaṉ 1:33

Nu túmatsa̱i̱ṉkia Niṉkia nekaachmajai. Tura Yuska winia imiakrattinian akuptak ‘Chikichik shuarnum Yusa Wakaní̱ tara ekemsa wainkiam nuja̱i̱ nekaattame. Yusa Péṉker Wakaní̱ji̱a̱i̱ imiakratniua núiti’ turutmai. Tura núja̱i̱ṉkia Nin nekaamjai.

Juaṉ 12:16

Nu chichamaik Jesusa unuiniamuri̱ nu túrunamun nekaacharmiayi. Tura ukunam Jesus nayaimpiniam shiir waketkimtai enentáimprarmiayi. Ashí Jesusna aarma núnisaṉ túrunamiayi.

Juaṉ 12:23

Jesussha chichaak “Wi Aents Ajasuitjiana ju̱ tsawantur jeayi. Túramtai shiir awajnástatjai.

Juaṉ 14:13

Ashí Winia enentáimtursarum seatrumna nuna amastatjai. Núja̱i̱ṉkia winia Apar shiir awajnástatui.

Juaṉ 14:26

Yus Apa ni Shiir Wakaní̱n atumín yáintmak atsaṉtamprarat tusa akuptúrmaktatrume. Wi seam túrattawai. Nu Wakancha ashí Wi ujakjarmena nuna atak enentáimtikramprar ashí unuitiamprartatui.

Juaṉ 16:14

Ashí Wínian ujatmak Winia shiir awajtústatui.

Juaṉ 16:7

Tura Wi wématai atumji̱a̱i̱ṉkia nuna naṉkaamas péṉker átatui. Iis, Wi wéaknaka atumín yaintmaktinia nuna akupkáttajai tura wéachkuiṉkia táchattawai. Nuka ti nekasaiti.

Juaṉ 17:1

Nuna ti Jesus nayaimpinmaani̱ íimias áujeak “Aparu, yamái jeayi ame Uchiram shiir awajsatin. Túrawakmin ame Uchirmesha péṉker awajtámsamniaiti.

Juaṉ 17:5

Nuna túramtai Aparu, ti yaunchu jú̱ nuṉka atsai̱sha Ámiji̱a̱i̱ pujakui shiir awajtúsmamna núnismek yamaisha shiir awajtusta.

Juaṉ 20:22

Nuyá̱ ni matsatmanumaani̱ umpuí chichaak “Yusa Shiir Wakaní̱ atumí enentái̱n waya̱ti.

Juaṉ 6:14

Nu shuarsha Jesus túramun iisar “Ju̱ nekas Yúsnan etserin tátinia núchakait” tiármiayi.

Juaṉ 7:12

Ashí shuarsha Nin áujmatiarmiayi. Chíkich “péṉkeraiti” tiármiayi. Tura chikitcha “Péṉkerchaiti. Aya anaṉkartawai” tiármiayi.

Juaṉ 8:54

Tutai Jesus “Wiki shiir enentáimtumaknaka peṉké antraiti. Antsu Winia shiir enentáimturna nu winia Aparuiti. Nusha átumka ‘winia Yúsruiti’ tárumna nuiti.

Tur. 19:2

Tura aniasmiayi “Atumsha Kristu enentáimtusrum Yus shuar ajasmarmena nui̱, ¿Yusa Shiir Wakaní̱ atumí enentái̱n eṉkemturmakaitrum?” tutai nisha “Atsá. Iikia Yusa Shiir Wakaní̱ awai támaka peṉké ántichuitji” tiármiayi.

Tur. 2:17

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

Tur. 2:33

Yuska Jesus naṉkamantuiti tusa ni untsuurí̱ni̱ apujsaiti. Tura ni Wakaní̱n Jesusan súsaiti Ni yaunchu timia nútiksaṉ. Tuma asamtai ju̱sha átum antukurmena nuna tura íisurmena nunasha Yus suramsaiti.

Tur. 2:38

Tutai Pítrusha chichaak “Atumí tunaarí̱ ené enentáimia ajasjai tusarum Yus nekas enentáimtustarum. Tura ashí shuartiram Jesukrístu naari̱ pachisrum imiantiarum. Nuiṉkia atumí tunaari̱n Yus tsaṉkurtámprattarme. Túrunawakrumin Yuska ni Wakaní̱n suramsattarme.

Tur. 2:4

Tuma asamtai Yusa Wakaní̱ ashí ni enentái̱n pimiutkarmiayi. Túram chichasarat tusa Yusa Wakaní̱ ni nekatairi̱ súsarmiayi. Tuma asamtai nuja̱i̱ nisha chíkich chichaman chichasarmiayi.

Tur. 3:13

Atsá. Antsu Yuska ni Uchirí̱n Jesusan ashí naṉkamantu awajsaiti. Ii uuntri̱ Aprajámsha, Isaksha tura Jakupsha enentáimtin armia nú Yusan tajai. Átumka Jesus nakitrarum Piratuí̱ surukmarme. Tura Piratu akupkataj tau atumsha suritkiamarme.

Tur. 4:31

Tura Yusan tú aujas umikmatai nui̱ṉ irunar pujuiniai̱ṉ ú̱u̱rkamiayi. Túrunamtai ashí shuara enentái̱n Yusa Wakaní̱ pimiutkarmiayi. Túmaitkiui ashamtsuk Yusa Chichame̱n etserkarmiayi.

Rum. 8:9

Tura átumka aya̱sh wakeramu umirtsuk tura Yusa Wakaní̱ pujurtamkurmin ni wakeramu enentáimtiniaitrume. Ashí shuar Krísturtin ainia nu ni Wakaní̱n takaku áiniawai. Takakchaitkiuṉka nuikia Krístunuchuiti.

2 Kur. 3:8

Tura yamaram chichaman Yusa Wakaní̱ súramna nu, nuja̱i̱ naṉkaamas shíiraiti.

Ipi. 4:30

Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.