Juaṉ 7:38 - Yus Papí: Shuarja̱i̱ Yus Yamaram Chicham Najanamu

³⁸ Winia enentáimturna nuka ni enentái̱ya̱ entsa waa áintsaṉ yamaram iwiaakman súana nú entsa jiinkittiawai” tímiayi.

Juaṉ 7:38 Iomraidhean Croise

Neka. 10:11

Péṉker chichamtinia nuka púkuninmaya̱ entsa iwiaaku átinian súana núnisaiti. Antsu Yusan enentáimtichuka yutuumak péṉker chichawiti.

Neka. 18:4

Aentsu chichame̱ṉka entsa kuna tímianuiti tura nekatai̱ṉkia ashints waana núnisaiti.

Isa. 12:3

Warasrum uwemtikkiartin púkuninmaya̱ entsa jusattarme.

Isa. 35:6

Núnisaṉ shutuapsha japa nuke nanten nanten ajartatui tura muutcha kantamáwartatui. Warí kampuntin atsunumsha entsa pajamkat tusa táunkattawai tura mitia ainia nui̱sha éntsaka shaka ajartatui. Mat. 11:5

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Isa. 55:1

“Kame ashí kitiamatirmeka entsá winittiarum tura kuit takakchakrumsha winirum sumakrum yurumáitiarum. Nuyá̱ wíniusha tura muntsusha peṉké ántrarmek kuítchaja̱i̱ sumaktarum.

Isa. 59:21

“Wikia chichaman niji̱a̱i̱ jú̱nis nájanjai. Winia wakaniur atumín pujurtamna tura Winia chichamprun ujakuitjiarmena nuya̱ṉka peṉké kanakchatniuitrume. Núnisaṉ atumí shuari̱sha nuna tiraṉki̱sha nuyá̱ tiraṉki̱sha yamaiya̱ juárkin ju̱ chichamnumia̱ṉka peṉké kanakchatin áiniawai” tawai Uunt Yus.

Sak. 14:8

Nu arantcha Jerusaréṉnumia̱ iwiaaku entsa jíintrartatui. Túruna ajapén chikichik kanaakmari̱ṉkia etsa̱ tatainmaani̱ nayantsanam ayaku átatui. Tura chíkich kanaakmari̱ṉ etsa̱ akatainmaani̱ nayantsanam akaikittiawai. Tura mái̱ entsaka esatái̱sha tura yumitincha ku̱yu̱chu ártatui.

Juaṉ 4:10

Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Ipi. 5:9

Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Muis. 18:15

Ukunam atumí Uunt Yusri̱ átum weanmaya̱nak kame atumínia̱nak Yúsnan etserniun wiya jú̱ni̱nniak anaikiattawai. Tura nisha anturkatarum.