Juaṉ 7:33 - Yus Papí: Shuarja̱i̱ Yus Yamaram Chicham Najanamu

³³ Nuyá̱ Jesussha chicharainiak “Aya ishichik tsawant atumji̱a̱i̱ pujustatjai. Nuyá̱ ataksha Winia akuptúku pujana nui̱ waketkittiajai.

Juaṉ 7:33 Iomraidhean Croise

Mar. 16:19

Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi.

Juaṉ 13:1

Paskua namper jeatin chikichík tsawant ajasmatai Jesusa tsawantri̱ jeatémayi. Túramtai ju̱ nuṉkan ikiukí̱ ni Aparí̱i̱n wétiniuyi. Jesussha nuna nekaamiayi. Ashí Níniun ju̱ nuṉkanam pujuinian tuke anea asa amúamunmasha yapají̱tsuk tuke aneemiayi.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 13:33

Uchichiru, atumji̱a̱i̱ tí untsurí tsawant pujuschattajai yamaikia. Wi Israer shuaran tímiaj nútiksanak atumín tájarme. Atumsha Winia e̱a̱tkáttarme tura wi wéamunam winishtatrume.

Juaṉ 14:12

Wi tájarmena nu ti nekasaiti. Winia enentáimturna nu Wi túrajna nuna túrattawai. Tura winia Aparuí̱ wéakui nuna naṉkaamas tujintiamun túrattawai.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 14:28

Nuik timiaj nu antukmarme. Aparuí̱ wena atak atumíin tátatjai. Winia Aparka Wiji̱a̱i̱ naṉkaamas úuntaiti. Tuma asamtai ti nekas anentkurmeka ‘Aparuí̱ wéajai’ takui̱ ashí warasa̱a̱rme.

Juaṉ 16:10

Winia Aparuí̱ wáketkui wáitkiashtatrume. Tuma asamtai ashí shuar wi péṉker yajauchiji̱a̱i̱nchu wekaamun nekaawartatui.

Juaṉ 16:28

Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.

Juaṉ 16:5

Antsu yamaikia wáketjai winia Akuptúkmia nuja̱i̱ pujustaj tusan. Tuma ai̱ṉ wéajna nu inintratsrume.

Juaṉ 17:11

Yamaikia Wikia jú̱ nuṉkanam pujuschattajai tura nu shuarka ju̱i̱ pujuartatui. Tuma asamtai Ámiji̱a̱i̱ pujustajtsan winiakui ashí surusármam nuka, Tunaarincha Aparu, ame kakaram náarmiji̱a̱i̱ wáinkiarta. Wisha Ámiji̱a̱i̱ chikichik ájinia núnisaṉ nisha ashí iruntrar chikichik ajasárti.

Juaṉ 17:13

Yamaikia Amiini̱ winiajai. Tura ju̱i̱ tuke pujakun Wi warajna núnisar nisha ti shiir warasarat tusan ju̱na tájame.

Juaṉ 20:17

Jesussha tutai “Achirkaip. Winia Aparuí̱ tuke waatsjai. Antsu weme Wí shuar ujakárta. Winia Aparuí̱ wéajai. Nisha atumí Aparí̱nti. Winia Yúsruiti tura atumí Yúsri̱nti tawai titiá” timiayi.

Juaṉ 9:4

Tsawai̱kia takastiniaiti. Yamaikia Winia akuptúkua nuna takatrí̱n túratniuitjiai. Kashi ajasmatai takastin atsuttawai.