Juaṉ 7:32 - Yus Papí: Shuarja̱i̱ Yus Yamaram Chicham Najanamu

³² Pariséusha tura Yúsnan pujurniu peṉkeri̱sha Jesusnan timian antukar suntaran akupkarmiayi Jesusan achikiar sepunam eṉkeawarat tusar.

Juaṉ 7:32 Iomraidhean Croise

Mat. 12:14

Nuna túramtai Pariséu shuar a̱a̱ jíinkiar Jesus itiurak máwaintiajⁱ tusar chichaman najatiarmiayi.

Mat. 23:13

“Maa aneartarum jintinniutirmesha, Pariséutirmesha. Ántrarum shiir chichamtiniaitrume. Yus akupeamunam waya̱tin waiti epenniuitrume. Atumsha waya̱tsuk chikitcha waya̱taj tuinia nusha suritniuitrume.

Mat. 26:58

Tura Pítiur árantak Jesusan nemarkin uuntri̱ je̱e̱n a̱a̱ri jeamiayi. Tura suntarja̱i̱ tsaniṉ pujusmiayi Jesusan itiurkartiṉ tusa.

Juaṉ 11:46

Tura chíkichkia Pariséunam wéar Jesus túramun ujakármiayi.

Juaṉ 12:19

Tura Pariséusha nuamtak chichainiak “Iis, peṉké tujintkiaji. Maa Iistá, ashí shuar Nin nemarainiatsuk” tiármiayi.

Juaṉ 18:3

Tura untsurí suntarja̱i̱sha Jesusan tariarmiayi. Pariséusha tura Yúsnan pujurniu peṉkeri̱sha suntarnasha nuyá̱ Yusa Je̱e̱n wáinniuncha Jesusan achikiárat tusa akupkarmiayi. Nisha machitniasha naṉkincha rámparancha jiniasha júkiar weriarmiayi.

Juaṉ 7:30

Nuyá̱ sepunam eṉkeataj táyat achikcharmiayi ni tsawantri̱ jeachu asamtai.

Tur. 5:26

Túrunamtai Yusa Uunt Je̱e̱n wainniu uuntri̱ ni suntari̱ji̱a̱i̱ wéar achik itiarmiayi. Túrasha peṉké aents kayaja̱i̱ tukurmara̱i̱j tusar yajauch awajtsuk itiarmiayi.

1 Sam. 19:20

Nuya̱ṉka Tawit achiktarum tusa Saurka aentsun akuprámiayi. Túrasha Yúsnan etserin iruntrar Samuir jintintiáiniam Yúsnan étseruk pujuinian wáinkiarmiayi. Tura Saur akuprámu armia nusha Yusa Wakaní̱ eṉkemtuawaram nisha núnisaṉ etsertan naṉkamawarmiayi.