Juaṉ 7:27 - Yus Papí: Shuarja̱i̱ Yus Yamaram Chicham Najanamu

²⁷ Antsu nekas Kristu taa tuya̱ṉ winiá nekanashtatui tura ju̱ pujamuka ashí nékaji” tiármiayi.

Juaṉ 7:27 Iomraidhean Croise

Isa. 11:1

Kame numí kampuí̱ jeana núnis Isái shuari̱ya̱ tsapaittiawai. Tura nuna kampui̱ya̱ chikichik jé̱e̱rtatna nuke nerektatui.

Isa. 53:8

Tura chíchaman najatawar achikiar sumamtikiawarmai. Kame niniu akiiniamnia nunasha ¿yaki etserkaint? Warí iwiaaku pujuinia nu nuṉkanmaya̱ akannakmiayi. Tura wi shuara yajauch túrutairi̱n akikmatkataj tusa jarukmiayi.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 30:21

Ni akupniúri̱ṉkia ni aentsri̱ matsatainia nuyá̱ úunt akupin anaikiamu átatui tura ni aentsri̱ya̱ asa nin péṉker akupkartatui. Wi nin weaktatjai túram ni Winin taruttiatui. Warí, yamaikia ¿yaki ashamtsuk Winí̱ weankatniun tarutit?” tawai Uunt Yus.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Mar. 6:3

Ju̱sha numiji̱a̱i̱ takachukait. Marí uchirí̱nchukait. Ni yachi̱sha Sántiaksha, Jusesha, Jútassha, Semuṉsha nékatsjik. Tura ni umai̱sha ju̱i̱ iiji̱a̱i̱ pujuiniatsuk” tiármiayi. Túrawar Nin nekas enentáimtustinian tujintkiarmiayi.

Ruk. 4:22

Jesusan ashí péṉker áujmatiarmiayi. Tura Jesus ti shiir chichaakui ti enentáimprar “Ju̱ka Jusé uchirí̱nchukait” tiármiayi.

Juaṉ 6:42

Chicharainiak “Ju̱ Jesuschakait, Jusé uchirí̱ya nu. Iikia ni aparí̱sha nukurí̱sha nékatsjik. ¿Itiurak ‘Nayaimpinmaya̱ táraitjiai’ taa?” tiármiayi.

Juaṉ 7:15

Israer shuara úuntri̱sha nuna iisar ti enentáimsar chichaak “Ju̱sha unuimiátrachiatcha ¿itiurak imiá neka?” tiármiayi.

Juaṉ 9:29

Yus Muisaisan akupkaiti iikia nékaji antsu nu áishmaṉ nékatsji. ¿Tuya̱ntskait?” tiármiayi.

Tur. 8:33

Nincha iniatsá̱rarmiayi. Túrasha peṉké chichamnaka tútsuk tsaṉkamakmiayi. Nisha nuṉkanam iwiaaku pujá maamu asamtai, ¿yaki nuna áujmatkatⁱ?” Isa. 53:7-8