Juaṉ 7:24 - Yus Papí: Shuarja̱i̱ Yus Yamaram Chicham Najanamu

²⁴ Shuar túrana nu iisam wárik sumamtikiawaip. Antsu inintrúsam paant nekaam nekasa nu enentáimtusta” tímiayi Jesus.

Juaṉ 7:24 Iomraidhean Croise

YKan. 82:2

Yajauch túruiniana nu sumamtiktsuk antsu péṉkera túrin sumamtikrume. Maa, ¿urutáik métek sumamtikiatarum? (Séraj)

Neka. 17:15

Yajauch shuaran “péṉkeraitme” tuíniak péṉker shuaran makuiniana nuka Úunt Yusja̱i̱ṉkia mái̱ mui̱jmiainti.

Neka. 24:23

Ju̱sha núnisaṉ ti neka ainia nuna chichame̱nte. Uunt akupin eketainia nui̱ aents métekcha enentáimturtinkia nekas péṉkerchaiti.

Isa. 5:23

Tura umitmaku nékayatrum kuit akikmatkarum yajauch túrachai tusarum nuja̱i̱ péṉkeran tura yajauch awajniútirmeka, maa aneartarum tí waitsattarme.

Riw. 19:15

Itiurchat ákuisha wáurkamsam sumamtikiawaip. Kuítrinchasha úuntri̱sha nekasa nuja̱i̱ métek sumamtikiakum yáiṉkiaraip. Antsu ame shuarum nekasa nuja̱i̱ mái̱ metek tímiatrusmek sumamtikiawarta.

Sak. 7:9

“Ashí Akupin Uunt Yus jú̱nis tawai. Nekasa nuja̱i̱ métek sumamtikiatarum. Tura atumí yachi̱ji̱a̱i̱ ashí shiir awajnáiyakrum waitnennairatarum.

Juaṉ 7:25

Nuyá̱ Jerusaréṉnumia̱ shuar chicharainiak “Maatai tuinia núchakait.

Juaṉ 8:15

Ju̱ nuṉkanmaya̱ aents enentáimmiaja̱i̱ enentáimtakrum tí sumamtikrume. Tura Wikia chikichkinkesha súmamtiktsujai.

2 Kur. 10:7

Atumsha aya pátatek ana nu iyarme. Wats, shuar nekas Krístunu ajasman nekamakka, núnisan winiasha Krístunuiti tu enentáimtursatniuiti.

San. 2:1

Yatsuru, ii Uuntri̱ Jesukrístu winchari̱ timiá shiira nu enentáimtatirmeka shuar akantratin enentáimsairap. Shuara enentái̱ enentáimtsuk antsu aya pátatek wáinmena nuja̱i̱ aents akantram niisháa enentáimturairap.

San. 2:4

Nu tákumka yajauch enentáimpram jimiará enentáiji̱a̱i̱ aents enentáimtame.

San. 2:9

Nú enentáiji̱a̱i̱ kuítrinniuja̱i̱ chichasminiaiti. Tura nuyá̱ kuítrinchaja̱i̱ shiir chichaachkumka niisháa enentáimta asam nu akupkámu umirkachuitme. Tunáa túrame. Núnismek Yusa akupkámuri̱ji̱a̱i̱ amek sumamame.