Juaṉ 7:17 - Yus Papí: Shuarja̱i̱ Yus Yamaram Chicham Najanamu

¹⁷ Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

Juaṉ 7:17 Iomraidhean Croise

YKan. 119:10

Nekas enentái̱rji̱a̱i̱ e̱a̱kuitjiame. Tuma asamtai akupkámurmiya̱ kanakí̱j iniaitiusaip.

YKan. 25:12

Ya áishmaṉka Uunt Yusan ashama núnaka jú̱ jintia achikta tusa jintintiá ininiawai.

YKan. 25:14

Uunt Yusan nekas ashamak tsanias pujana nuna Yus nekaska Ni enentáimta nuna nékamtikiattawai.

Neka. 28:5

Yajauch shuar ainia nuka péṉker túratniun nékainiatsui antsu shuar Yus wakeramun túruinia nuka mash nekamnia áiniawai.

Neka. 3:32

Warí Uunt Yuska yajauchin enentáimtinia núnaka muí̱jiawai, antsu esetar wekainia núnaka nekas péṉker amikri̱ya nútikias shiir enentáimtuiniawai.

Isa. 35:8

Tura nui̱sha jintia kayaja̱i̱ péṉker iwiarkamu átatui Nuka “Yusna Akantúkma Wekaatai̱ Jintia” tama átatui. Tunamka ainia nuka nuniṉkia naṉkaamakchartatui. Yusak Niṉki ni shuari̱ji̱a̱i̱ pujustatui. Tura aents wárik ántichu ainia nusha nú jintianam wáatsuk wekaasartatui.

Tan. 12:10

Kame untsurí aents nijiatkar imiatkincha puju awajsamu ártatui. Túrasha Yusan enentáimtichu ainia nuka yajauchin túruiniak peṉké nekaachartatui. Antsu neka ainia nuka nekaawartatui.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Mik. 4:2

Untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Nin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 6:22

Ame jí̱miji̱a̱i̱ tsáapin amiin waya̱mniaiti. Tuma asamtai ame ji̱mi péṉkeraitkiuiṉkia amiin tsáapin wayá̱ tuke tsáapniti.

Ruk. 8:15

Tura jiṉkiái péṉker nuṉkanam iniaaru tana nuka shuar antuk umiinia nuna nakumui. Nisha antukarmia nuna péṉker enentáimtusar yawe̱tsuk umirkar tí peṉker nerenawai.

Juaṉ 3:21

Antsu ashí nekas túratniun umiiniana nuka tsáapninian weantuiniawai. Yus ni enentái̱n pujuram tsáapninium takainiawai. Nuka ti páantaiti” tímiayi Jesus.

Juaṉ 8:43

¿Urukamtai Wi tájana nu imiá nékatsrum? Wi tájana nu nakitia asarum winia chichamur ántatsrume.

Juaṉ 8:44

Atumí aparí̱ṉkia iwianchi úuntri̱nti. Tura niniu asarum ni wakera nu túrarme. Yámankamtaiksha iwianchi úuntri̱ṉkia tuke maṉkartiniaiti. Nekas ana nunasha nakitiawai tuke wáitrin asa. Wáitraksha níniunak chichaawai. Iis, waitia uuntri̱ asa tuke wáitriniaiti.

Juaṉ 8:47

Yus shuarka Yus timian ántawai tura átum Yúsnachu asarum Wi tájana nu nakitiarme” tímiayi.

Tur. 17:11

Piríanmaya̱ aentska Tisarúnikianmaya̱ áentsja̱i̱ṉkia naṉkaamas péṉker enentáimkia ármiayi. Tuke enentáiji̱a̱i̱ Yus Chichaman ántiarmiayi. Túrawar tuke tsawant imia niṉkisha Papru tana nuna nekasashit tusar Yusa papiri̱n íiniak péṉker esetar íisar unuimiármiayi.